Benefits of Reading Books: పుస్తకాలు చదువుదాం

పుస్తకాలు చదవడం వల్ల జ్ఞానం పెరగడమే కాదు ఎన్నో రకాల ప్రయోజనాలు లభిస్తాయి. అవి...

• కథలు, నవలలు చదవడం వల్ల ఆలోచనా శక్తి, పరిశీలనాత్మక ధోరణి పెరుగుతాయి. దీంతో మెదడులో న్యూరాన్లు వృద్ధిపొంది చురుకుదనాన్ని, జ్ఞాపకశక్తిని, నిర్ణయాత్మక సామర్థ్యాన్ని మెరుగుపరుస్తాయి.

• రోజూ అరగంటసేపు పుస్తకాలు చదివితే ఒత్తిడి, ఆందోళన తగ్గుతాయి. మానసిక ప్రశాంతత లభిస్తుంది. మనసు, శరీరం రెంటికీ విశ్రాంతి లభిస్తుంది.

• రాత్రి పడుకునేముందు మనసును అహ్లాదపరిచే పుస్తకాలు చదివితే హాయిగా నిద్ర పడుతుంది.

• పుస్తకాలు చదువుతున్నప్పుడు మెదడులో ఎన్నో రకాల దృశ్యాలు కదలాడుతుంటాయి. దీంతో ఏకాగ్రత పెరుగుతుంది.

• తరచూ మంచి పుస్తకాలు చదువుతుంటే సానుకూల దృక్పథం పెరుగుతుంది. నిరాశ, నిస్పృహలు దరిచేరవు. ఎప్పుడూ ఉత్సాహంగా అనిపిస్తుంది.

• పిల్లలకు చిన్నప్పటి నుంచీ పుస్తకాలు చదవడం అలవాటు చేస్తే వారిలో ఊహా శక్తి, సృజనాత్మకత పెంపొందుతాయి. ఇతరుల భావాలను అర్థం చేసుకోవడం, పరస్పర సహకారం అలవడతాయి.

• పుస్తక పఠనం.. వ్యక్తిత్వ వికాసానికి తోడ్పడుతుంది. సమాజం, సంస్కృతులపై అవగాహన కల్పిస్తుంది. ఆత్మవిశ్వాసంతోపాటు భావ వ్యక్తీకరణ, సంభాషణ నైపుణ్యాలను మెరుగ్ఝు పరుస్తుంది.

ఈ వార్తలు కూడా చదవండి..

ప్రయాణికులకు పండగ లాంటి వార్త.. రైల్వే శాఖ కీలక ప్రకటన

అమిత్ షాతో సీఎం చంద్రబాబు భేటీ

For More AP News And Telugu News