GBS: ఆ నగరంలో జిబిఎస్ వ్యాప్తి.. 73కు చేరిన కేసులు..

Pune GBS: పుణెలో అరుదైన న్యూరోలాజికల్ డిజార్డర్ అయిన గులియన్-బారే సిండ్రోమ్ (GBS) ఆరు కొత్త అనుమానిత కేసులు నమోదయ్యాయని అధికారులు తెలిపారు. ఈ ప్రాంతంలో ఇప్పుడు మొత్తం కేసుల సంఖ్య 73కి చేరుకుంది. వీరిలో 14 మంది వెంటిలేటర్ సపోర్ట్‌‌తో ఉన్నారు. GBS కేసులు క్రమంగా పెరుగుతుండటంతో అప్రమత్తమయిన ఆరోగ్య శాఖ పరిశోధనలు మొదలుపెట్టింది. ఈ వారం ప్రారంభంలో 24 అనుమానిత కేసులను ప్రాథమికంగా కనుగొన్న తర్వాత దాని కోసం రాపిడ్ రెస్పాన్స్ టీమ్ (RRT) ను ఏర్పాటు చేసింది.

గులియన్-బారే సిండ్రోమ్..

ప్రపంచ ఆరోగ్య సంస్థ ప్రకారం.. గులియన్-బారే సిండ్రోమ్ అనేది అరుదైన నాడీ సంబంధిత వ్యాధి. శరీరంలోని రోగనిరోధక వ్యవస్థ పరిధీయ నాడీ వ్యవస్థలో కొంత భాగాన్ని దాడి చేస్తుంది. ఇవి కండరాల బలహీనతకు దారితీస్తాయి. కాళ్లు, చేతుల్లో సంచలనాన్ని కోల్పోవడం, మింగడం లేదా శ్వాస తీసుకోవడంలో ఇబ్బందులు కలుగుతాయి. ఈ అరుదైన వ్యాధి.. పెద్దలు, పురుషులలో సర్వసాధారణం అయినప్పటికీ, అన్ని వయసుల ప్రజలు ప్రభావితం కావచ్చు. GBS కేసులు పెరుగుతుండటంతో అధికారులు ప్రజలను అలర్ట్ చేశారు. జాగ్రత్తగా ఉండాలని సూచించారు. అయితే, ఇది అంటువ్యాధి లేదా మహమ్మారికి దారితీయదని స్పష్టం చేశారు.

మహారాష్ట్ర రాష్ట్ర ఆరోగ్య శాఖ ర్యాపిడ్ రెస్పాన్స్ టీమ్ (RRT) పూణే మున్సిపల్ కార్పొరేషన్, స్థానిక ఆరోగ్య అధికారుల సహకారంతో ప్రభావిత ప్రాంతాల్లో నిఘా పెట్టింది. ఆరోగ్య అధికారులు ఇప్పటివరకు పూణే, దాని గ్రామీణ జిల్లాల్లో 7,200 గృహాలను సర్వే చేశారు. పూణే మునిసిపల్ కార్పొరేషన్, చించ్వాడ్ మునిసిపల్ కార్పొరేషన్, రూరల్ జిల్లాల వంటి బహుళ ప్రాంతాలలో సర్వే ప్రయత్నాలు జరిగాయి. పీఎంసీ పరిధిలో 1,943 ఇళ్లు, చెంచువాడలో 1,750 ఇళ్లు, గ్రామీణ ప్రాంతాల్లో 3,522 ఇళ్లను సర్వే చేశారు.