PM Modi On Jagdeep Dhankhar: జగదీప్ రాజీనామాకు ఆమోదం.. ప్రధాని మోదీ రియాక్షన్ ఇదే..
ABN , Publish Date - Jul 22 , 2025 | 12:34 PM
భారత ఉపరాష్ట్రపతి జగదీప్ ధన్ఖర్ రాజీనామాను రాష్ట్రపతి ద్రౌపది ముర్ము ఆమోదించారు. ఈ మేరకు ఫైల్పై సంతకం చేశారు.
ఢిల్లీ: భారత ఉపరాష్ట్రపతి జగదీప్ ధన్ఖర్ రాజీనామాను రాష్ట్రపతి ద్రౌపది ముర్ము ఆమోదించారు. ఈ మేరకు ఫైల్పై సంతకం చేశారు. కాగా, గత రాత్రి అనూహ్యంగా జగదీప్ ధన్ఖర్ తన పదవికి రాజీనామా చేశారు. అనారోగ్య కారణాలతో పదవి నుంచి వైదొలుగుతున్నట్లు పేర్కొన్నారు.
మోదీ ప్రశంసలు
ఉపరాష్ట్రపతి జగదీప్ ధంఖర్ రాజీనామాపై ప్రధాని మోదీ స్పందించి ఆయనకు కృతజ్ఞతలు తెలిపారు. ధంఖర్ చేసిన ప్రజాసేవకు, ఆయన సుదీర్ఘ రాజకీయ జీవితానికి మోదీ సోషల్ మీడియాలో ప్రశంసలు కురిపించారు. భారత ఉపరాష్ట్రపతిగా సహా, అనేక పదవుల్లో జగదీప్ ధంఖర్ దేశానికి సేవ చేశారని, ఆయనకు మంచి ఆరోగ్యం, శ్రేయస్సు కలగాలని ఆకాంక్షిస్తున్నట్లు ట్విట్టర్లో పోస్ట్ చేశారు. ఆయన దేశానికి చేసిన కృషి అమూల్యమని పేర్కొన్నారు.
కొత్త ఉపరాష్ట్రపతి ఎవరు?
భారత రాజ్యాంగంలోని ఆర్టికల్ 68 ప్రకారం, ఉపరాష్ట్రపతి రాజీనామా చేస్తే లేదా మరణిస్తే, త్వరగా ఎన్నికలు నిర్వహించాల్సి ఉంటుంది. అంతవరకు రాజ్యసభ డిప్యూటీ చైర్పర్సన్ లేదా రాష్ట్రపతి అధికారం ఇచ్చిన ఇంకెవరైనా తాత్కాలికంగా చైర్పర్సన్ విధులు నిర్వహిస్తారు. ఇప్పటివరకు అధికార NDA (బీజేపీ కూటమి) ప్రతిపక్షాలు తమ అభ్యర్థులను అధికారికంగా ప్రకటించలేదు. దీంతో, ఉపరాష్ట్రపతిగా ఎవరు ఉండనున్నారనే చర్చలు ప్రారంభమయ్యాయి.
జగదీప్ ధంఖర్ రాజకీయ జీవితం
2022 ఆగస్టులో ఉపరాష్ట్రపతి ఎన్నికల్లో NDA తరఫున అభ్యర్థిగా ధంఖర్ పోటీ చేసి 528 ఓట్లు సాధించి విజయం పొందారు.
ఆయనకు ప్రతిపక్ష అభ్యర్థి మార్గరెట్ అల్వా గట్టిపోటీ ఇచ్చినా, ధంఖర్ భారీ మెజార్టీతో గెలిచారు.
ఉపరాష్ట్రపతిగా పదవి చేపట్టే ముందు పశ్చిమ బెంగాల్ గవర్నర్గా కూడా పనిచేశారు.
అక్కడ ఆయన రాష్ట్ర ప్రభుత్వంతో కొన్ని సందర్భాల్లో విభేదాలు ఎదుర్కొన్నారు.
ధంఖర్ న్యాయ నిపుణుడు, మాజీ పార్లమెంటు సభ్యుడు, కేంద్ర మంత్రిగా కూడా పనిచేశారు.
ధంఖర్ రాజీనామా రాజకీయ వర్గాల్లో సంచలనం రేపింది. కాంగ్రెస్ నేతలు ఈ రాజీనామా నేపథ్యంలో బీజేపీలో అంతర్గత గందరగోళం ఉందని ఆరోపిస్తున్నారు. బీజేపీ నుండి ఇంకా అధికారిక ప్రకటన రాలేదు కానీ, ధంఖర్ రాజీనామా ఆసక్తికరంగా ఉందని రాజకీయ విశ్లేషకులు చెబుతున్నారు. రాజ్యసభలో ముఖ్యమైన చట్టాలు పెండింగ్లో ఉన్న నేపథ్యంలో కొత్త ఉపరాష్ట్రపతిని త్వరగా ఎన్నుకోవాల్సిన అవసరం ఉంది. అప్పటివరకు, తాత్కాలికంగా డిప్యూటీ చైర్పర్సన్ సభను నడిపించనున్నట్లు తెలుస్తోంది.
ఈ వార్తలు కూడా చదవండి..
మళ్లీ పెరిగిన గోల్డ్ ధరలు.. కానీ వెండి రేట్లు మాత్రం..
Read Latest National News
