Operation Sindoor: సత్తా చాటిన ఆకాశ్‌

న్యూఢిల్లీ, మే 16: పహల్గాం ఉగ్రదాడి కారణంగా భారత్, పాకిస్థాన్‌ల మధ్య ఉద్రిక్తతలు నెలకొన్నాయి. అలాంటి వేళ.. పాకిస్థాన్, పాక్ ఆక్రమిత కాశ్మీర్‌లోని ఉగ్రవాద స్థావరాలపై భారత్ ఆపరేషన్ సిందూర్ పేరుతో దాడులు నిర్వహించింది. ఈ దాడుల్లో దాదాపు 100 మందికిపైగా ఉగ్రవాదులు మరణించారు. అందుకు ప్రతిగా భారత్‌లోని సరిహద్దులుగా ఉన్న రాష్ట్రాలే లక్ష్యంగా పాక్ క్షిపణలు, డ్రోనులతో దాడులు నిర్వహించింది. ఈ దాడులను భారత సైన్యం తిప్పికొట్టింది. భారత్ అంబులపొదిలోని ఆకాశ్ క్షిపణి‌ ద్వారానే ఇది సాధ్యమైందనే వాదన సర్వత్ర వినిపిస్తోంది.

ఈ తరహా క్షిపణిని ఇప్పటి వరకు చూడలేదని శత్రు దేశమైన పాకిస్థాన్ సైతం ప్రకటించిందంటే.. ఆకాశ్ పవర్ ఏమిటో అర్థమవుతోంది. ఈ ఆకాశ్ క్షిపణి హైదరాబాద్‌లోని భారత్ డైనమిక్స్ లిమిటెడ్‌ సంస్థలో తయారయింది. ఈ ఆకాశ్ క్షిపణి తయారికి ప్రాజెక్ట్ డైరెక్టర్‌గా శాస్త్రవేత్త డాక్టర్ ప్రహ్లాద రామారావు వ్యవహరించారు. ఆ ఆకాశ్ క్షిపణికి సంబంధించిన పలు కీలక అంశాలు..

• మే 9, 10 తేదీల్లో.. అది రాత్రి వేళల్లో భారత్ మిలటరీ, పౌరులు నివసించే ప్రాంతాలే లక్ష్యంగా పాకిస్థాన్ క్షిపణులతో దాడులు చేసింది. ఈ దాడులను ఆకాశ్ క్షిపణులు తిప్పికొట్టాయి.

• భారత్‌పై పాక్ ప్రయోగించిన డ్రోనులు, క్షిపణలతోపాటు మైక్రో యూఏవీలను సైతం ఈ క్షిపణి అడ్డుకొంది. వాతావరణం, భూభాగంతోపాటు రాడార్ నుంచి డేటాను సంగ్రహించి అప్పటికప్పుడు స్వయంగా నిర్ణయం తీసుకుని ఈ దాడులను ఈ క్షిపణులు తిప్పికొట్టాయి. దీంతో క్షిపణుల పని తీరు చూసి.. పాకిస్థాన్ సైతం ఒకింత ఆశ్చర్యాన్ని ప్రకటించడం గమనార్హం.

• ఆకాశ్ అనేది ఆత్మ నిర్భర భారత్‌ను ప్రదర్శించే పూర్తి స్వదేశీ పరిజ్ఞానంతో రూపొందించారు. ఇక చైనా నుంచి పాకిస్థాన్ దిగుమతి చేసుకున్న హెచ్‌క్యూ 9, హెచ్‌క్యూ 16 క్షిపణులను భారత్‌కు చెందిన ఆకాశ్ క్షిపణిలు ధ్వంసం చేశాయి.

• ఆకాశ్ క్షిపణి వ్యవస్థ పూర్తిగా స్వయం ప్రతిపత్తి కలిగిన రక్షణ వ్యవస్థ. ఆ క్రమంలో శత్రు దేశాల ఎయిర్ క్రాఫ్ట్‌లు, డ్రోనులు, క్షిపణులను పసిగట్టడంలో ఆకాశ్‌కు ఆకాశే సాటి.

• రాడార్ సిస్టమ్స్, సెన్సార్లు, కమ్యూనికేషన్ టెక్నాలజీ తదితర అంశాలు ఈ క్షిపణులతో అనుసంధానించాయి. దీంతో రియల్ టైమ్ మల్టీ సెన్సార్డ్ డేటా ప్రాసెసింగ్‌తోపాటు దాడి తీవ్రతను అంచనా వేయగలదు. ఏ దిశ నుంచి దాడులు సంభవించినా.. వాటిని ఒకే సారి ఛేదించగలగడం ఈ ఆకాశ్ క్షిపణుల యొక్క ప్రత్యేకత.

  ఈ క్షిపణులకు ఉన్న మరికొన్ని ప్రత్యేకతలు ఇవి..

• రేంజ్- 25-30 కి.మీ (ఆకాశ్ Mk-I), 70 కి.మీ వరకు (ఆకాశ్ Mk-II)

• కవరేజ్- 30 మీ నుంచి 20 కి.మీ

• స్పీడ్- సూపర్‌సోనిక్ (Mach 2.5- 3.5)

• వార్‌హెడ్- సుమారు 60 కిలోల బరువు

• గైడెన్స్ సిస్టమ్- దశల వారీగా కమాండ్ గైడెన్స్

• రాడార్- రాజేంద్ర రాడార్ (లక్ష్య సాధన, కోసం)

• లాంచ్ ప్లాట్‌ఫామ్- మొబైల్ లాంచర్లు (ట్రక్ లేదా వాహనాలు)

• టార్గెట్- డ్రోన్లు, ఫైటర్ జెట్‌లు, హెలికాప్టర్లు, క్రూయిజ్ క్షిపణులు

• వేరియంట్లు- ఆకాశ్ Mk-I, ఆకాశ్ Mk-IIతోపాటు అప్డేటెడ్ వర్షన్ ఆకాష్-NG

  ఈ వార్తలు కూడా చదవండి..

  Boycott Turkey: తుర్కియేకు సీఏఐటీ షాక్.. వర్తక, వాణిజ్య సంబంధాలు నిలిపివేత..

  Defence Budget: ఆపరేషన్ సిందూర్ సక్సెస్.. ఆర్మీకి మరో 50 వేల కోట్ల నిధులు

  For National News And Telugu news