Real Ghee vs Fake Ghee: స్వచ్ఛమైన నెయ్యికి, కల్తీ నెయ్యికి తేడాలేంటి.. గుర్తించడమెలా..

Tips To Identify Fake Ghee At Home: అనాది కాలం నుంచి భారతీయ వంటకాల్లో నెయ్యిని విస్తృతంగా ఉపయోగిస్తున్నారు. వెన్న నుంచి తయారుచేసే నెయ్యి వల్ల ఆరోగ్యపరంగా ఎన్నో ప్రయోజనాలున్నాయి. ఇది జీర్ణక్రియకు, రోగనిరోధక శక్తిని పెంచడానికి, చర్మం, జుట్టుకు పోషణను అందిస్తుంది. కానీ కల్తీ నెయ్యి ద్వారా ఇలాంటి ప్రయోజనాలేవీ దక్కవు. ప్రస్తుతం మార్కెట్లో చాలాచోట్ల కూరగాయల కొవ్వు, కొవ్వు ఆమ్లం మోనో, డైగ్లిజరైడ్లు కలిపిన కల్తీ నెయ్యిని విక్రయిస్తున్నారు. ఇవి తీవ్రమైన ఆరోగ్య సమస్యలను కలిగిస్తాయి. మరి, మనం కొనే నెయ్యి స్వచ్ఛమైనదా.. కాదా.. అని ఎలా తెలుసుకోవాలి అని అనుకుంటున్నారా.. మీరు కొన్న నెయ్యి సురక్షితైనది లేదా వినియోగానికి అనుకూలమని నిర్ధారించుకునేందుకు ఇంట్లోనే ఈ 5 సులభమైన మార్గాల ద్వారా గుర్తించండి.

1. రంగు

స్వచ్ఛమైన నెయ్యి సాధారణంగా లేత పసుపు రంగు లేదా బంగారు రంగులో ఉంటుంది. అలా కాకుండా నెయ్యి లేతగా లేదా పూర్తిగా తెల్లగా కనిపిస్తే అది స్టార్చ్. అంటే రసాయనాలు లేదా జంతువుల కొవ్వులతో తయారు చేసిన కల్తీ అయి ఉండవచ్చు.

2. వాసన పరీక్ష

వెన్న కాచిన తర్వాత నెయ్యి తయారవుతుందని తెలిసిందే. అందుకే ఇది దాదాపు పాల కొవ్వుల వాసననే పోలి ఉంటుంది. ఒక వేళ నెయ్యి ఎలాంటి వాసన రాకపోయినా, పుల్లగా లేదా అసహ్యకరమైన వాసన కలిగి ఉంటే అది ఇతర నూనెలు, రసాయనాలు లేదా వనస్పతితో కల్తీ అయి ఉండవచ్చు. ఈ పదార్థాలు నెయ్యికి సహజంగా ఉండే సువాసనను నిర్వీర్యం చేస్తాయి.

3. నీటి పరీక్ష

కొద్ది మొత్తంలో నెయ్యి తీసుకొని కొన్ని చుక్కల నీరు కలపండి. నెయ్యి సులభంగా విడిపోతే లేదా ఉపరితలంపై నీటి బిందువులుగా ఏర్పడితే అది కల్తీకి సంకేతం కావచ్చు. స్వచ్ఛమైన నెయ్యి నీటిలో వేసినప్పుడు తేలుతుంది లేదా అందులోనే కరిగిపోతుంది.

4. ఆకృతి

స్వచ్ఛమైన నెయ్యిని చెంచాతో తీసేటప్పుడు మృదువైన, కణిక ఆకృతిని కలిగి ఉంటుంది. కల్తీ నెయ్యి జిడ్డుగా లేదా మైనపు ముద్దలా అనిపించవచ్చు. చెంచా లేదా మీ చేతులపై పడగానే జిడ్డు అంటుకుపోయి ఎంతకీ వదలదు. ఇలా జరిగితే కూరగాయల నూనెలు లేదా ఇతర కొవ్వులు అందులో కలిపారని అర్థం.

5. కూలింగ్ టెస్ట్

రిఫ్రిజిరేటర్‌లో కొద్ది మొత్తంలో నెయ్యి తీసుకుని కొన్ని గంటలపాటు అలాగే ఉంచండి. స్వచ్ఛమైన నెయ్యి గట్టిపడి ఎటువంటి జిడ్డు అవశేషాలను వదలకుండా గట్టిగా మారుతుంది. అలా కాక నెయ్యి ద్రవరూపంలో అలాగే ఉన్నా లేదా జిడ్డు అంటుకుని ఉన్నా అందులో ఇతర కొవ్వులు లేదా చౌకైన నూనె పదార్థాలు కలిపి కల్తీ చేసి ఉండవచ్చు.

Read Also : Microwave Care: ఓవెన్ క్లీన్ చేసేటప్పుడు కామన్‌గా చేసే 5 తప్పులు.. తీసుకోవాల్సిన జాగ్రత్తలు..

Vastu Tips for Bedroom: ఈ రంగు బెడ్ షీట్ మీద పడుకుంటే అదృష్టం కలిసి

Bhagavad Gita Lesson: ఈ 4 విషయాలపై అవగాహన ఉంటే.. జీవితం సుఖమయం..