Global Health Security: అన్ని దేశాలకూ వ్యాక్సిన్లు
ABN , Publish Date - May 21 , 2025 | 03:28 AM
డబ్ల్యూహెచ్వో సభ్యదేశాలు భవిష్యత్తులో మహమ్మారులను ఎదుర్కోవడానికి ఒక చరిత్రాత్మక ఒప్పందాన్ని సంతకం చేశాయి. ఈ ఒప్పందం ద్వారా వ్యాక్సిన్లు, ఔషధాలు అన్ని దేశాలకు సమానంగా అందుబాటులో ఉండేందుకు మార్గం ఏర్పడింది.
కరోనా తరహా విపత్తులను ఎదుర్కోవడంపై డబ్ల్యూహెచ్ఓ సభ్య దేశాల ఒప్పందం
మహమ్మారులు విజృంభించినప్పుడు ఫార్మా ఉత్పత్తుల్లో 20ు డబ్ల్యూహెచ్ఓకు..
పేద దేశాలకు అందించేందుకు వీలుగా నిర్ణయం.. ఓటింగ్కు అమెరికా దూరం
జెనీవా, మే 20: భవిష్యత్తులో కరోనా వంటి మహమ్మారులు విజృంభిస్తే.. ఎలా ఎదుర్కోవాలన్న దానిపై డబ్ల్యూహెచ్వో సభ్యదేశాలు చరిత్రాత్మక ఒప్పందానికి వచ్చాయి. మంగళవారం స్విట్జర్లాండ్లోని జెనీవాలో ఉన్న డబ్ల్యూహెచ్ఓ ప్రధాన కార్యాలయంలో జరిగిన సమావేశంలో సభ్యదేశాల ప్రతినిధులు ఈ ఒప్పందంపై సంతకం చేశారు. కరోనా మహమ్మారితో ప్రపంచమంతా అతలాకుతలమైన క్రమంలో.. మరోసారి అలాంటి విపత్తు వస్తే ఎలా ఎదుర్కోవాలన్న దానిపై 2022లో డబ్ల్యూహెచ్ఓలో చర్చలు మొదలయ్యాయి. తాజాగా ఒప్పందం కుదిరింది. మొత్తం 135 సభ్యదేశాలకుగాను 124 దేశాలు అనుకూలంగా ఓటేయగా.. అమెరికా, రష్యా, ఇజ్రాయెల్ సహా 11 దేశాలు ఓటింగ్కు దూరంగా ఉండిపోయాయి. ‘‘ప్రజారోగ్యానికి సంబంధించి ఇది చరిత్రాత్మక ఒప్పందం. భవిష్యత్తులో ఏదైనా మహమ్మారి వస్తే.. అందరం కలసికట్టుగా పోరాడి, ప్రపంచాన్ని రక్షించుకుంటాం’’ అని డబ్ల్యూహెచ్ఓ డైరెక్టర్ జనరల్ టెడ్రోస్ పేర్కొన్నారు. అయితే డబ్ల్యూహెచ్వోకు అత్యధికంగా నిధులు ఇచ్చే అమెరికా దూరంగా ఉండటంతో.. ఈ ఒప్పందం ఏమేర సఫలీకృతం అవుతుందన్న సందేహాలున్నాయి.
ఏమిటీ ఒప్పందం?
భవిష్యత్తులో ఏదైనా మహమ్మారి వస్తే.. దానికి సంబంధించిన వ్యాక్సిన్లు, ఔషధాలు, చికిత్సలు వంటివి ఏ దేశం అభివృద్ధి చేసినా కూడా.. అన్నిదేశాలకు అందుబాటులోకి తేవాలి. సభ్య దేశాల్లోని ఫార్మా సంస్థలు ఉత్పత్తి చేసే వ్యాక్సిన్లు, ఔషధాలు, టెస్ట్ కిట్లలో 20శాతం డబ్ల్యూహెచ్వోకు అందజేయాలి. వాటిని పేద దేశాలకు సరఫరా చేస్తారు. ఒప్పందంలోని నిబంధనలకు సభ్య దేశాలు స్వచ్ఛందంగా కట్టుబడి ఉండాలి.
ఈ వార్తలు కూడా చదవండి..
Tiruvuru Political Clash: తిరువూర్లో తీవ్ర ఉద్రిక్తత.. దేవినేని అవినాష్ అరెస్ట్
Liquor Case Remand: లిక్కర్ కేసు.. ఆ ఏడుగురు మళ్లీ జైలుకే
Read Latest AP News And Telugu News
