Pineapple Health Risks: పైనాపిల్ ఈ వ్యక్తులకు విషంతో సమానం.!
ABN , Publish Date - Nov 20 , 2025 | 09:16 AM
పైనాపిల్ ఆరోగ్యానికి చాలా మంచిది. అయితే, కొంత మందికి మాత్రం ఇది విషంతో సమానమని ఆరోగ్య నిపుణులు చెబుతున్నారు.
ఇంటర్నెట్ డెస్క్: పైనాపిల్ ఆరోగ్యానికి చాలా మంచిది. దీనిలో ఉన్న యాంటీఆక్సిడెంట్లు, ఫైబర్, ఎంజైమ్లు శరీరానికి అనేక ప్రయోజనాలను అందిస్తాయి. అయితే, కొంతమందికి ఈ పండు హానికరం కావచ్చు. పైనాపిల్లో బ్రోమెలైన్ అనే ఎంజైమ్, బలమైన ఆమ్ల లక్షణాలు ఉంటాయి. ఇది కొంతమందికి అనేక ఆరోగ్య సమస్యలను కలిగిస్తుంది. కాబట్టి, ఎలాంటి సమస్యలు ఉన్నవారు వీటికి దూరంగా ఉండటం మంచిదో ఇప్పుడు తెలుసుకుందాం..
ఎవరెవరు పైనాపిల్ తినకూడదు?
పైనాపిల్ అలెర్జీలు ఉన్నవారు దీనిని తినడం వల్ల వికారం, వాంతులు, దురద వంటి లక్షణాలు వస్తాయి.
పైనాపిల్లో చక్కెర శాతం ఎక్కువగా ఉంటుంది, కాబట్టి డయాబెటిస్ ఉన్నవారు దీన్ని తినడం మంచిది కాదు.
పైనాపిల్ ఆమ్లత్వం ఎక్కువగా ఉండటం వల్ల, ఇది గుండెల్లో మంట లక్షణాలను మరింత తీవ్రతరం చేస్తుంది.
పైనాపిల్లో ఉండే బ్రోమెలైన్ అనే ఎంజైమ్ కొందరిలో కడుపు నొప్పి, వికారం, వాంతులు వంటి సమస్యలకు కారణం కావచ్చు.
అలాగే, కీమోథెరపీ మందులు, కొన్ని యాంటిడిప్రెసెంట్స్ వంటి మందులు వాడుతున్నవారు పైనాపిల్ తినడం వల్ల మందుల ప్రభావం పెరిగే అవకాశం ఉంది.
అలాగే, దంత సమస్యలు ఉన్నవారు కూడా పైనాపిల్ తినడం మంచిది కాదు. ఎందుకంటే, దానిలోని ఆమ్లత్వం దంతాలకు హానికరం.
Also Read:
చలికాలంలో పొద్దున్నే అల్లం తింటే ఏం జరుగుతుందో తెలుసా?..
ఐ బొమ్మ రవి కేసులో సంచలన నిజాలు బయటపెట్టిన సీపీ సజ్జనార్
For More Latest News
