Carrot Health Warnings: జాగ్రత్త.. ఈ సమస్యలు ఉన్నవారు పొరపాటున కూడా క్యారెట్ తినకూడదు..!

ఇంటర్నెట్ డెస్క్: క్యారెట్లు ఆరోగ్యానికి చాలా మంచివి. ఎందుకంటే వాటిలో విటమిన్ ఎ, బీటా-కెరోటిన్, ఫైబర్, యాంటీఆక్సిడెంట్స్ వంటి అవసరమైన పోషకాలు పుష్కలంగా ఉంటాయి. ఇవి కంటి ఆరోగ్యం, రోగనిరోధక శక్తి, గుండె ఆరోగ్యం, చర్మ సౌందర్యం వంటి అనేక ప్రయోజనాలను అందిస్తాయి. అయితే, ఈ సమస్యలతో బాధపడేవారికి మాత్రం క్యారెట్లు అస్సలు మంచివి కావని ఆరోగ్య నిపుణులు చెబుతున్నారు. పొరపాటున కూడా వీరు తినకూడదని హెచ్చరిస్తున్నారు. కాబట్టి, ఏ వ్యక్తులు క్యారెట్లు తినకూడదో ఇప్పుడు తెలుసుకుందాం..

మలబద్ధకం:

నేటి కాలంలో చాలా మంది జీర్ణ సమస్యలతో బాధపడుతున్నారు. అలాంటి వారు క్యారెట్లు తినకుండా ఉండాలని నిపుణులు అంటున్నారు. తరచుగా కడుపు నొప్పులతో బాధపడేవారు క్యారెట్లు తినేటప్పుడు జాగ్రత్తగా ఉండాలి. క్యారెట్లలో ఫైబర్ పుష్కలంగా ఉంటుంది, ఇది కడుపుకు మంచిది. అయితే, ఎక్కువగా తినడం వల్ల ఉబ్బరం, అజీర్ణం, గ్యాస్, మలబద్ధకం ఏర్పడతాయి.

డయాబెటిస్

డయాబెటిస్ అనేది ఈ రోజుల్లో చాలా మంది ఎదుర్కొంటున్న సమస్య. అందువల్ల, వారు తమ ఆహారం పట్ల చాలా శ్రద్ధ వహించాలి. ఎందుకంటే క్యారెట్లలో సహజంగా చక్కెర ఎక్కువగా ఉంటుంది. క్యారెట్లు ఎక్కువగా తినడం వల్ల రక్తంలో చక్కెర స్థాయిలు పెరిగే అవకాశం ఉంది. అందువల్ల, ఈ సమస్యతో బాధపడేవారు వైద్యుడిని సంప్రదించిన తర్వాతే క్యారెట్లను ఆహారంలో చేర్చుకోవడం మంచిది.

పాలిచ్చే మహిళలు

పాలిచ్చే మహిళలు క్యారెట్లకు దూరంగా ఉండాలని నిపుణులు సలహా ఇస్తున్నారు. క్యారెట్లు తల్లి పాల రుచిని మార్చగలవు, దీనివల్ల శిశువుకు పాలు తాగడం కష్టమవుతుంది.

నిద్రలేమితో బాధపడేవారు:

ఈ రోజుల్లో చాలా మంది నిద్రలేమితో ఇబ్బంది పడుతున్నారు. చాలా మంది ఒత్తిడి, ఆందోళన లేదా ఇతర కారణాల వల్ల సరిగ్గా నిద్రపోలేకపోతున్నారు. క్యారెట్ నిద్రకు మరింత అంతరాయం కలిగిస్తుంది.

అలెర్జీలు

చాలా మంది తరచుగా చర్మ అలెర్జీలతో బాధపడుతున్నారు. ఇది దురద, దద్దుర్లు, చర్మపు చికాకును కలిగిస్తుంది. కొంతమందికి క్యారెట్ తింటే అలెర్జీ ఉంటుంది. కాబట్టి, అలాంటి వారు క్యారెట్ తినకపోవడం మంచిదని నిపుణులు సూచిస్తున్నారు.

Also Read:

ఆయుష్మాన్ భారత్ ఆరోగ్య బీమా 10 లక్షలకు పెంపు.. ఎలా అప్లై చేయాలంటే

ఒకే రోజు ముగ్గురికి రోబోటిక్‌ సర్జరీలు..

For More Latest News