Ash Gourd Juice: మీరు ఎప్పుడైనా బూడిద గుమ్మడికాయ జ్యూస్ తాగారా? దాని ప్రయోజనాలు తెలిస్తే అస్సలు వదిలిపెట్టరు..

Ash Gourd juice Benefits: బూడిద గుమ్మడికాయలో పోషకాలు పుష్కలంగా ఉంటాయి. ప్రోటీన్, ఫైబర్, జింక్, ఐరన్, కాల్షియం, మెగ్నీషియం, ఫాస్పరస్ వంటి అనేక పోషకాలు ఉన్నాయి. ఇవి అనేక ఆరోగ్య ప్రయోజనాలను అందిస్తాయి. ఇందులో కేలరీలు తక్కువగా ఉంటాయి. ఫైబర్ అధికంగా ఉంటుంది. శరీరాన్ని హైడ్రేటెడ్‌గా ఉంచుతుంది. దీనిని అనేక విధాలుగా తింటారు. కొంతమంది దీనిని కూర తయారు చేసుకుని తింటారు. మరి కొంతమంది జూస్ తయారు చేసుకుని తాగడానికి ఇష్టపడతారు. అయితే, మీరు ఎప్పుడైనా బూడిద గుమ్మడికాయ జ్యూస్ తాగారా? దీని ప్రయోజనాలు తెలిస్తే అస్సలు వదిలిపెట్టరు. ఇది జీర్ణవ్యవస్థను మెరుగుపరచడం నుంచి బరువు తగ్గించడం వరకు ప్రయోజనకరంగా ఉంటుందని నిపుణులు చెబుతున్నారు. కాబట్టి, బూడిద గుమ్మడికాయ జ్యూస్ ఎలా తయారు చేయాలి? వాటి ప్రయోజనాలు ఏంటో ఇప్పుడు తెలుసుకుందాం..

బూడిద గుమ్మడికాయ రసం ప్రయోజనాలు:

జీర్ణవ్యవస్థను మెరుగుపరుస్తుంది: బూడిద గుమ్మడికాయ జ్యూస్ తీసుకోవడం వల్ల జీర్ణవ్యవస్థ ఆరోగ్యంగా ఉంటుంది. ఇందులో ఫైబర్ పుష్కలంగా ఉంటుంది, ఇది జీర్ణక్రియను మెరుగుపరచడంలో సహాయపడుతుంది. దీన్ని క్రమం తప్పకుండా తీసుకోవడం వల్ల గ్యాస్, ఉబ్బరం, మలబద్ధకం, ఆమ్లత్వం వంటి సమస్యల నుండి ఉపశమనం లభిస్తుంది.

బరువు తగ్గడంలో సహాయపడుతుంది: బూడిద గుమ్మడికాయ జ్యూస్ బరువు తగ్గడానికి సహాయపడుతుంది. దీంట్లో చాలా తక్కువ కేలరీలు ఉంటాయి. అంతేకాకుండా, ఫైబర్ అధికంగా ఉంటుంది, ఇది బరువు తగ్గించడంలోనూ సహాయపడుతుంది.

రోగనిరోధక శక్తిని పెంచుతుంది: బూడిద గుమ్మడికాయ జ్యూస్ తాగడం వల్ల రోగనిరోధక శక్తి పెరుగుతుంది. నిజానికి, ఇందులో విటమిన్ సి, యాంటీఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని పెంచడంలో సహాయపడుతుంది. గుమ్మడికాయ జూస్ తీసుకోవడం వల్ల శరీరంలో పేరుకుపోయిన విష పదార్థాలు తొలగిపోతాయి. దీన్ని క్రమం తప్పకుండా తీసుకోవడం వల్ల అనేక తీవ్రమైన వ్యాధులను నివారించవచ్చు.

గుండెను ఆరోగ్యంగా ఉంచుతుంది: బూడిద గుమ్మడికాయ జ్యూస్ తాగడం వల్ల గుండె ఆరోగ్యానికి మేలు జరుగుతుంది. నిజానికి, ఇది అధిక రక్తపోటు, అధిక కొలెస్ట్రాల్‌ను నియంత్రించడంలో సహాయపడుతుంది. ఈ ఆరోగ్యకరమైన రసం గుండె జబ్బుల ప్రమాదాన్ని తగ్గించడంలో సహాయపడుతుంది.

బూడిద గుమ్మడికాయ రసం ఎలా తయారు చేయాలి?

బూడిద గుమ్మడికాయ తొక్క తీసి చిన్న ముక్కలుగా కట్ చేసుకోండి. మిక్సీలో తగినన్ని నీరు పోసి అందులో బూడిద గుమ్మడికాయ ముక్కలను వేసి గ్రైండ్ చేయండి. తర్వాత దానిని వడకట్టండి. మీకు కావాలంటే, మీరు అందులో కొద్దిగా ఉప్పు, నల్ల మిరియాలు లేదా నిమ్మరసం జోడించవచ్చు. ఉదయం ఖాళీ కడుపుతో దీన్ని తాగడం వల్ల మరిన్ని ప్రయోజనాలు లభిస్తాయి. ప్రతిరోజూ క్రమం తప్పకుండా తాగడం మంచిది. మీరు ఏదైనా ఆరోగ్య సమస్యతో బాధపడుతుంటే, వైద్యుడిని సంప్రదించిన తర్వాత మాత్రమే దానిని తీసుకోండి.

Also Read:

Loan Apps: యాప్ ద్వారా లోన్ తీసుకుంటున్నారా.. ఈ తప్పులు అస్సలు చేయకండి..

Vitamin B12: విటమిన్ B12 గురించి 99 శాతం మందికి తెలియని వాస్తవాలు.. తెలియకుంటే నష్టపోతారు..

Jyoti Malhotra: జ్యోతీ మల్హోత్రా యూట్యూబర్ నుంచి పాకిస్థాన్ గూఢచారి వరకు