Scholarship Deadlines: ఎస్బీఐ ప్లాటినమ్ జూబ్లీ అజీమ్ ప్రేమ్జీ ఫౌండేషన్
ABN , Publish Date - Sep 22 , 2025 | 05:51 AM
చదువులో ప్రతిభ కనపరిచే విద్యార్థుల కోసం స్టేట్ బ్యాంక్ ఆఫ్ ఇండియా (ఎస్బీఐ) ‘ప్లాటినమ్ జూబ్లీ ఆశా స్కాలర్షిప్ 2025ని ప్రకటించింది. ఈ సంవత్సరం...
ఎస్బీఐ ప్లాటినమ్ జూబ్లీ
చదువులో ప్రతిభ కనపరిచే విద్యార్థుల కోసం స్టేట్ బ్యాంక్ ఆఫ్ ఇండియా (ఎస్బీఐ) ‘ప్లాటినమ్ జూబ్లీ ఆశా స్కాలర్షిప్ 2025ని ప్రకటించింది. ఈ సంవత్సరం ఎస్బీఐ ప్లాటినమ్ జుబ్లీని జరుపుకుంటున్నందుకు గుర్తుగా దీనిని ప్రారంభించారు. 90 కోట్లతో దేశవ్యాప్తంగా 23,200 మంది విద్యార్థులకు ఈ స్కాలర్షి్పను అందిస్తారు. తొమ్మిదో తరగతి నుంచి పోస్ట్ గ్రాడ్యుయేషన్ వరకు చదువుకునే పేద విద్యార్థులు దీనికి దరఖాస్తు చేసుకోవచ్చు. దీని కింద కోర్సులను బట్టి 15 వేల నుంచి 20 లక్షల వరకు ఆర్థిక సహాయం అందిస్తారు.
పాఠశాల విద్యార్థులు, అండర్ గ్రాడ్యుయేట్, పోస్ట్ గ్రాడ్యుయేట్, వైద్య విద్యార్థులు, ఐఐటీ, ఐఐఎం విద్యార్థులతోపాటు ఓవర్సీస్ విద్యార్థులు కూడా దీనికి దరఖాస్తు చేసుకోవచ్చు
అర్హత: ఈ స్కాలర్షి్పనకు అర్హత సాధించాలంటే విద్యార్థులు గత విద్యా సంవత్సరంలో 75 శాతం మార్కులు లేదా 7 సీజీపీఏ సాధించి ఉండాలి. కుటుంబ వార్షిక ఆదాయం పాఠశాల కేటగిరీకి అయితే మూడు లక్షలు, ఇతర కేటగిరీలకైతే ఆరు లక్షలు. ఎస్సీ/ఎస్టీ విద్యార్థులకు పది శాతం సడలింపు ఉంటుంది. మార్కుల్లో అయితే 67.5 శాతం/ 6.30 సీజీపీఏ సాధించాలి. పూర్తి వివరాల కోసం వెబ్సైట్ చూడవచ్చు.
చివరి తేదీ: 2025 నవంబర్ 15
వెబ్సైట్: https://www.sbiashascholarship.co.in/
అజీమ్ ప్రేమ్జీ ఫౌండేషన్
ఆర్థికంగా వెనకబడి, ఉన్నత చదువులు చదవాలనుకునే విద్యార్థినుల కోసం ఇచ్చే ‘అజీమ్ ప్రేమ్జీ స్కాలర్షిప్’ కోసం నోటిఫికేషన్ వెలువడింది. ఈ పథకానికి ఎంపికైన విద్యార్థినులకు సంవత్సరానికి 30 వేల రూపాయలు(పదిహేను వేల రూపాయల చొప్పున రెండు విడతలు) అందజేస్తారు. వీరు రెగ్యులర్ పద్ధతిలో గ్రాడ్యుయేషన్ లేదా డిప్లొమా చదువుతూ ఉండాలి. తెలంగాణ సహా భారత దేశంలోని 19 రాష్ట్రాల బాలికలు ఈ ఉపకార వేతనానికి అర్హులు.
అర్హత: ప్రభుత్వ విద్యా సంస్థల్లో రెగ్యులర్ పద్ధతిలో పది, ఇంటర్ పూర్తి చేసి ఉండాలి.
ప్రభుత్వ లేదా గుర్తింపు పొందిన కళాశాలల్లో 2025-26 విద్యా సంవత్సరానికి సంబంధించి గ్రాడ్యుయేషన్ లేదా డిప్లొమా కోర్సు(2 నుంచి 5 సంవత్సరాల కాల వ్యవధి)లో మొదటి సంవత్సరంలో అడ్మిషన్ పొంది ఉండాలి.
జత పరచాల్సినవి:
ఇటీవల తీసుకున్న పాస్పోర్ట్ ఫోటో
తెల్లకాగితంపై చేసిన సంతకం
కలర్డ్ ఆధార్ కాపీ(పేరు, పుట్టిన తేదీ, ఫోటో తదితర వివరాలన్నీ స్పష్టంగా కనిపించేలా ఉండాలి).
బ్యాంక్ పాస్బుక్లోని మొదటి పేజీ(పేరు, అకౌంట్ నంబర్, ఐఎ్ఫఎ్ససీ కోడ్, చిరునామా తదితరాలన్నీ స్పష్టంగా కనిపించాలి), పది, ఇంటర్ మార్కుల మెమోలు.
కాలేజీ అడ్మిషన్ రుజువులు(బోనోఫైడ్ సర్టిఫికెట్ అయినా ఫర్వాలేదు)
పూర్తి వివరాల కోసం
(https://azimpremjifoundation.org/) వెబ్సైట్ చూడవచ్చు.
ఇవి కూడా చదవండి
మరో స్కామ్ అలర్ట్.. మీ డబ్బు, ఫోన్ను ఇలా కాపాడుకోండి
సెప్టెంబర్ 2025లో బ్యాంక్ సెలవుల పూర్తి లిస్ట్..
మరిన్ని జాతీయ, తెలుగు వార్తల కోసం క్లిక్ చేయండి
