Salaam Janagam Book: సలాం జనగాం పుస్తకావిష్కరణ

ఆఫ్రికన్ రచయిత చినువా అచెబే అన్నట్టు.. ‘సింహాలు తమ చరిత్రను తాము చెప్పుకోనంత కాలం, వేటగాళ్లు చెప్పిందే చరిత్ర అవుతుంది.’ అందుకే ప్రజల చరిత్రను ప్రజలే చెప్పాలి. ఆ పనిని చరిత్రాత్మకంగా చేశారు రచయిత సాంబరాజు యాదగిరి. ‘సలాం జనగాం’ పుస్తకంలో జనగాం గురించి ఆయన రాసిన అనేక కొత్త విషయాలు పాఠకులను అబ్బురపరుస్తాయి. ఆ పేరు ఎలా వచ్చిందో మొదలుపెట్టి, జిల్లాగా రూపాంతరం చెందడం వరకూ జరిగిన ఘటనలను ఆధారాలతో సహా నిరూపించారు రచయిత. పదుల సంఖ్యలో పుస్తకాలను అధ్యయనం చేసి, తొంభైమందిని ఇంటర్వ్యూలు చేసి సేకరించిన సమాచారంతో ఈ పుస్తకాన్ని రచించారు యాదగిరి. మొఘలులు, అసఫ్‌జాహీలు, దొరలు, జాగీర్దార్లు, స్వాతంత్ర్యానంతర పాలకులు జనగామను ఎట్లా ఏలారో వివరించారాయన. జనగాంలో తొలి సినిమా థియేటర్, తొలి దినపత్రిక వంటి అనేక విషయాలను ప్రస్తావించారు. ‘సలాం జనగాం’ పుస్తకావిష్కరణ ఈ నెల 8న జనగాం జిల్లా కేంద్రంలో సీనియర్‌ జర్నలిస్టు పాశం యాదగిరి చేతులమీదుగా జరుగనుంది. సభలో కె.ఆనందాచారి, రిజ్వాన్ బాషా షేక్ ఐఏఎస్, డా.ప్రసాదరావు, జయధీర్ తిరుమలరావు, లింగంపల్లి రాంచంద్రం, జి.రాములు, ఎం.డి. అబ్బాస్ తదితరులు పాల్గొంటారు.

డా. పసునూరి రవీందర్

ఈ వార్తలు కూడా చదవండి...

ఎమ్మెస్కే ప్రసాద్‌కు ప్రొటోకాల్ వివాదంపై సీఎం చంద్రబాబు సీరియస్

రైతు వ్యతిరేక చట్టాలపై ఎన్జీ రంగా పోరాటం చేశారు: సీఎం చంద్రబాబు

Read Latest AP News And Telugu News