Income Tax Refund: ఐటీ రిఫండ్ ఇంకా రాలేదా
ABN , Publish Date - Sep 21 , 2025 | 05:27 AM
ఈ నెల 16తో ఆదాయ పన్ను (ఐటీ) రిటర్న్ల ఫైలింగ్ ముగిసింది. దాదాపు ఏడు కోట్ల మందికిపైగా తమ రిటర్న్లు ఫైల్ చేశారు. వీరిలో చాలా మంది రిఫండ్స్ కోసం ఆతృతగా ఎదురు చూస్తున్నారు. జూన్-జూలైలో రిటర్న్ ఫైల్ చేసినా...
అయితే వీటిని ఓసారి పరిశీలించండి..
ఈ నెల 16తో ఆదాయ పన్ను (ఐటీ) రిటర్న్ల ఫైలింగ్ ముగిసింది. దాదాపు ఏడు కోట్ల మందికిపైగా తమ రిటర్న్లు ఫైల్ చేశారు. వీరిలో చాలా మంది రిఫండ్స్ కోసం ఆతృతగా ఎదురు చూస్తున్నారు. జూన్-జూలైలో రిటర్న్ ఫైల్ చేసినా ఇంకా మాకు రిఫండ్ అందలేదని చాలా మంది ఫిర్యాదు చేస్తున్నారు. మరోపక్క ఐటీ రిటర్న్ల ప్రాసెసింగ్, ఈ-వెరిఫికేషన్ శరవేగంగా చేస్తున్నట్టు ఐటీ శాఖ చెబుతోంది. అయినా రిఫండ్స్ ఎందుకు ఆలస్యమవుతున్నాయో తెలుసుకుందాం.
ఆలస్యానికి కారణాలు
ఐటీ రిటర్న్ ఫైల్ చేసి ఈ-వెరిఫికేషన్ పూర్తయిన నాలుగు నుంచి ఐదు వారాల్లో రిఫండ్ మొత్తం ఆయా వ్యక్తుల బ్యాంకు ఖాతాల్లో పడాలి. ఈ గడువులోగా రిఫండ్ రాకపోతే ఈ కింది విషయాలు కారణమై ఉంటాయి. అవేమిటంటే..
ఐటీ శాఖ వద్ద ఉండే టాక్స్పేయర్ ఇన్ఫర్మేషన్ సమ్మరీ (టీఐఎస్), యాన్యువల్ ఇన్ఫర్మేషన్ సమ్మరీ (ఏఐఎస్), ఫామ్ 26ఏఎ్సలోని సమాచారానికి, ఫైల్ చేసిన రిటర్న్లోని సమాచారం
మధ్య తేడాలు
ఐటీ శాఖ నుంచి ఏమైనా నోటీసులు, రివ్యూల సమాచారం వచ్చినప్పుడు
బిజినెస్ ఆదాయం, మూలధన లాభాలు, అనేక తగ్గింపులు (డిడక్షన్స్) ఉన్నప్పుడు
రిఫండ్ మొత్తం రూ.50,000 కంటే ఎక్కువగా ఉన్నప్పుడు
టీడీఎస్ డేటాలో తేడాలు.
రిటర్న్ల్లోని వివరాలను పూర్తి స్థాయిలో పరిశీలించాల్సిన అవసరం ఏర్పడినప్పుడు
బ్యాంకు ఖాతాను ముందుగా వ్యాలిడేట్ చేయకపోవడం
బ్యాంకు ఖాతాలోని పేరు, పాన్ కార్డుపై ఉన్న పేరులో తేడా
తప్పుడు ఐఎ్ఫఎ్ససీ కోడ్ ఉన్నప్పుడు
ఐటీఆర్లో పేర్కొన్న బ్యాంకు ఖాతా క్లోజ్ చేసినప్పుడు
పాన్ కార్డును ఆధార్తో అనుసంధానం చేయకపోవటం
ఐటీఆర్ స్టేటస్ రకాలు
సబ్మిటెడ్ అండ్ పెండింగ్ ఫర్ ఈ-వెరిఫికేషన్ అని వస్తే: రిటర్న్ ఫైల్ చేసినా ఈ-వెరిఫికేషన్ పూర్తి కాకపోవడం లేదా సెంట్రల్ ప్రాసెసింగ్ సెంటర్ (సీపీసీ)కు వెరిఫై చేసిన మీ రిటర్న్ ఇంకా అందలేదని అర్థం.
సక్సె్సఫుల్లీ ఈ-వెరిఫైడ్ అని వస్తే: మీ రిటర్న్ ఈ-వెరిఫై చేయబడింది. అయితే రిటర్న్లోని విషయాలను ఇంకా ప్రాసెస్ చేయలేదు అని అర్థం.
ప్రాసెస్డ్: మీరు దాఖలు చేసిన రిటర్న్ విజయవంతంగా ప్రాసెస్ చేయబడింది అని అర్థం.
డిఫెక్టివ్: మీరు ఫైల్ చేసిన రిటర్న్లో కీలకమైన కొన్ని వివరాలు లేకపోవడం లేదా తేడాలు ఉన్నాయని అర్థం.
ఇలాంటి సందర్భాల్లో నిర్ణీత కాలవ్యవధిలోగా ఈ లోపాలను సవరించి మళ్లీ రిటర్న్ ఫైల్ చేయాలని ఐటీ శాఖ సెక్షన్ 139 (9) కింద నోటీసులు జారీ చేస్తుంది. ఆ నోటీసులకు స్పందించకపోతే మీ ఐటీ రిటర్న్ను చెల్లనిదిగా భావించి ప్రాసెస్ చేయరు.
కేసు ట్రాన్స్ఫర్డ్ టు అసెసింగ్
ఆఫీసర్: మీ రిటర్న్లోని కొన్ని విషయా ల్లో ఏమైనా తీవ్రమైన తేడాలు ఉంటే సీపీసీ ఆ రిటర్న్లు అసెసింగ్ అధికారికి బదిలీ చేస్తుంది. అప్పుడు అసెసింగ్ అధికారి అడిగిన వివరాలు సబ్మిట్ చేస్తే సరిపోతుంది.
చెక్ చేయడం ఎలా?
మన రిఫండ్ ఎందుకు ఆలస్యమవుతుందనే విషయాన్ని ఈ కింది పద్దతిలో చెక్ చేసుకోవచ్చు.
పాన్ నంబర్, పాస్వర్డ్ ద్వారా incometax.gov.in వెబ్సైట్లోకి లాగిన్ కావాలి. ఇందుకోసం ఇప్పటికే మీ పాన్ నంబర్ను మీ ఆధార్ నంబరుతో అనుసంధానం చేసి ఉండాలి. ఒకవేళ చేసి ఉండకపోతే, ఇదే వెబ్సైట్లోని ‘లింక్ నౌ’ బటన్ ఆప్షన్ ద్వారా అనుసంధానించాలి.
లాగిన్ అయిన తర్వాత టాప్ మెనూలో ఉన్న నౌ యువర్ రిఫండ్ స్టేట్సపై క్లిక్ చేయాలి.
ఇప్పుడు ఈ-ఫైల్ ట్యాబ్లోకి వెళ్లి ‘ఇన్కమ్ట్యాక్స్ రిటర్న్స్’ ట్యాబ్ మీద క్లిక్ చేసి ‘వ్యూ ఫైల్డ్ రిటర్న్ప్’ ఆప్షన్ను ఎంచుకోవాలి.
ఇప్పుడు కోరుకున్న అసె్సమెంట్ సంవత్సరానికి సంబంధించి మీ రిఫండ్ స్టేటస్ స్ర్కీన్పై కనిపిస్తుంది.
ఈ వార్తలు కూడా చదవండి
ఓటు చోరీ.. రాహుల్ గాంధీ తుస్సు బాంబులేశాడు.. రామచందర్ రావు సెటైర్లు
మహిళలను బీఆర్ఎస్ ఇన్సల్ట్ చేస్తోంది.. మంత్రి సీతక్క ఫైర్
Read Latest Telangana News And Telugu News
