Indosol Solar IPO: వచ్చే ఏడాది ఇండోసోల్‌ సోలార్‌ ఐపీఓ

హైదరాబాద్‌ : స్థానిక శిరిడీ సాయి ఎలక్ట్రికల్స్‌ లిమిటెడ్‌ అనుబంధ సంస్థ ఇండోసోల్‌ సోలార్‌ ప్రైవేట్‌ లిమిటెడ్‌ కంపెనీ ఐపీఓకు సిద్ధమవుతోంది. వచ్చే ఆర్థిక సంవత్సరం ఐపీఓ ఉంటుందని శిరిడీ సాయి ఎలక్ట్రికల్స్‌ సీఎండీ ఎన్‌ విశ్వేశ్వర రెడ్డి చెప్పారు. ఒకవేళ ఏ కారణం చేతైనా ఇండోసోల్‌ సోలార్‌ ఐపీఓ కుదరకపోతే శిరిడీ సాయి ఎలక్ట్రికల్‌ ఐపీఓ ఉంటుందన్నారు. సోలార్‌ ఫొటోవోల్టాయిక్‌ (పీవీ) మాడ్యూళ్ల తయారీ కోసం ఇండోసోల్‌ సోలార్‌ నెల్లూరు జిల్లాలోని కరేడు వద్ద ప్లాంటు ఏర్పాటు చేస్తోంది. ఈ ప్లాంటులో వచ్చే ఏడాది చివరి కల్లా 1,000 మెగావాట్ల సౌర విద్యుత్‌ ఉత్పత్తికి అవసరమైన సోలార్‌ పీవీల ఉత్పత్తి ప్రారంభమవుతుందని విశ్వేశ్వర రెడ్డి తెలిపారు. ఈ ప్లాంటుకు కేంద్ర ప్రభుత్వం పీఎల్‌ఐ పథకం కింద రూ.5,175 కోట్ల ప్రత్యేక ప్రోత్సాహకాలు కూడా అందిస్తున్నట్టు చెప్పారు. రెండు దశల్లో ఈ ప్రాజెక్టు కోసం రూ.69,000 కోట్లు ఖర్చు చేయబోతున్నట్టు వెల్లడించారు.

ఇవి కూడా చదవండి..

స్వల్పంగా తగ్గిన బంగారం.. ధరలు ఎలా ఉన్నాయంటే..

ఆర్బీఐ కీలక ప్రకటన.. రెపో రేటు యథాతథం..

మరిన్ని అంతర్జాతీయ, తెలుగు వార్తల కోసం క్లిక్ చేయండి