Stock Market: సూచీలకు భారీ నష్టాలు.. రికార్డ్ కనిష్టానికి చేరువలో రూపాయి..

విదేశీ సంస్థాగత మదుపర్లు గత శుక్రవారం ఏకంగా 1, 766 కోట్ల రూపాయల విలువైన షేర్లను అమ్మడం దేశీయ సూచీలపై నెగిటివ్ ప్రభావం చూపించింది. డాలర్‌తో పోల్చుకుంటే రూపాయి రికార్డ్ కనిష్టానికి చేరడం కూడా స్టాక్‌మార్కెట్‌ను వెనక్కి లాగింది. అలాగే గరిష్టాల వద్ద పలు సెక్టార్లలో లాభాల స్వీకరణ కూడా జరిగింది. ఈ నేపథ్యంలో ఈ రోజు సెన్సెక్స్, నిఫ్టీ భారీ నష్టాలతో రోజును ముగించాయి. (Indian stock market).

గత సెషన్ ముగింపు (85, 231)తో పోల్చుకుంటే సోమవారం ఉదయం దాదాపు వంద పాయింట్ల లాభంతో మొదలైన సెన్సెక్స్ మధ్యాహ్నం వరకు లాభనష్టాలతో దోబూచులాడింది. అయితే మధ్యాహ్నం తర్వాత చివరి గంటలో నష్టాల్లోకి జారుకుంది. చివర్లో అమ్మకాలు వెల్లువెత్తడంతో సూచీలు నష్టాలతో రోజును ముగించాయి. చివరకు సెన్సెక్స్ 331 పాయింట్ల నష్టంతో 84, 900 వద్ద రోజును ముగించింది. మరో వైపు నిఫ్టీ కూడా సెన్సెక్స్ బాటలోనే కదలాడింది. చివరకు 108 పాయింట్ల నష్టంతో 25, 959 వద్ద స్థిరపడింది (stock market news today).

సెన్సెక్స్‌లో రైల్ వికాస్ నిగమ్, ఎన్‌బీసీసీ, కేపీఐటీ టెక్, టెక్ మహీంద్రా, ఏబీ క్యాపిటల్ మొదలైన షేర్లు లాభాలు ఆర్జించాయి (share market news). సమ్మన్ క్యాపిటల్, సీజీ పవర్, ప్రెస్టేజ్ ఎస్టేట్, హిందుస్థాన్ ఏరోనాటిక్స్, భారత్ ఎలక్ట్రానిక్స్ మొదలైన షేర్లు నష్టాలను మూటగట్టుకున్నాయి. నిఫ్టీ మిడ్ క్యాప్ ఇండెక్స్ 194 పాయింట్ల నష్టంతో రోజును ముగించింది. బ్యాంక్ నిఫ్టీ 32 పాయింట్లు కోల్పోయింది. డాలర్‌తో పోల్చుకుంటే రూపాయి మారకం విలువ 89.23గా ఉంది.

ఇవీ చదవండి:

అన్‌క్లెయిమ్డ్‌ బీమా మొత్తాలు క్లెయిమ్‌ చేసుకోవడం ఎలా

అమెజాన్‌లో భారీ లే ఆఫ్స్.. సాఫ్ట్‌వేర్ ఇంజినీర్ల పైనే ఎక్కువ ఎఫెక్ట్..

మరిన్ని బిజినెస్, అంతర్జాతీయ వార్తల కోసం క్లిక్ చేయండి