Gold and Silver Rates Today: పసిడి ప్రియులకు షాక్.. భారీగా పెరిగిన బంగారం ధరలు..
ABN , Publish Date - Nov 11 , 2025 | 01:53 PM
బంగారం, వెండి ధరల్లో భారీ పెరుగుదల నమోదైంది. భౌగోళిక రాజకీయ అనిశ్చితుల నేపథ్యంలో పెట్టుబడిదారులు సురక్షిత ఆస్తుల వైపు మొగ్గు చూపుతుండడంతో బంగారానికి డిమాండ్ కొనసాగుతోంది. ఈ రోజు బంగారం, వెండి ధరలు భారీగా పెరిగాయి.
కొన్ని రోజులుగా స్థిరంగా కొనసాగుతున్న బంగారం ధర రెండ్రోజులుగా పెరుగుతూ వస్తోంది. ఈ రోజు (నవంబర్ 11) ఉదయం 10 గంటల తర్వాత బంగారం ధర భారీగా పెరిగింది. హైదరాబాద్ బులియన్ మార్కెట్లో 24 క్యారెట్ల పది గ్రాముల బంగారం ధర 1, 26, 280కి చేరింది (Gold price in Hyderabad). నిన్నటితో పోల్చుకుంటే దాదాపు రూ. 2460 పెరిగింది.
ఇక, 22 క్యారెట్ల 10 గ్రాముల బంగారం ధర రూ. రూ. 1, 15, 750కి చేరింది. నిన్నటితో పోల్చుకుంటే దాదాపు రూ. 2250 పెరిగింది. ఇటీవల ధర బాగా తగ్గడంతో కొనుగోళ్లు పెరగడమే ఈ పెరుగుదలకు కారణంగా కనిపిస్తోంది (live gold rates). ఇక, ఢిల్లీలో 24 క్యారెట్ల పసిడి రేటు 10 గ్రాములకు రూ. 1, 26, 430కి చేరుకోగా, 22 క్యారెట్ల గోల్డ్ ధర 10 గ్రాములకు రూ. 1, 15, 900కి చేరుకుంది.
ఇక వెండి ధరల్లో కూడా భారీ పెరుగుదల నమోదైంది. కేజీకి 3000 రూపాయల మేర వెండి ధర పెరిగింది (Silver rate updates). హైదరాబాద్లో కిలో వెండి ధర రూ. 1,70,000 గా ఉంది. ఇక, ఢిల్లీలో కిలో వెండి ధర రూ.1,60,000గా ఉంది.
గమనిక: పైన పేర్కొన్న బంగారం, వెండి రేట్లు ఎప్పటికప్పుడూ మారుతుంటాయి. కాబట్టి వీటిని కొనుగోలు చేసే సమయంలో మళ్లీ ధరలు తెలుసుకోవాలని సూచన.
ఇవి కూడా చదవండి:
పాక్ ఆర్మీ చీఫ్కు లబ్ధి చేకూర్చే రాజ్యాంగ సవరణ.. భగ్గుమన్న ప్రతిపక్షాలు
ఒహాయో గవర్నర్ ఎన్నికలు.. వివేక్ అభ్యర్థిత్వానికి మద్దతు తెలిపిన ట్రంప్
మరిన్ని బిజినెస్, అంతర్జాతీయ వార్తల కోసం క్లిక్ చేయండి
