Rotte Panduga: నెల్లూరులో నేటి నుంచి రొట్టెల పండుగ
ABN , Publish Date - Jul 06 , 2025 | 04:48 AM
మతసామర్యానికి ప్రతీకగా ఏటా మొహర్రం నెలలో నెల్లూరులో జరిగే రొట్టెల పండుగ ఆదివారం అంగరంగ వైభవంగా ప్రారంభం కానుంది.
ఐదు రోజులపాటు నిర్వహణ
నెల్లూరు (సాంస్కృతికం), జూలై 5 (ఆంధ్రజ్యోతి): మతసామర్యానికి ప్రతీకగా ఏటా మొహర్రం నెలలో నెల్లూరులో జరిగే రొట్టెల పండుగ ఆదివారం అంగరంగ వైభవంగా ప్రారంభం కానుంది. ఐదురోజులపాటు జరిగే ఈ పండుగ కోసం నెల్లూరు జిల్లా అధికార యంత్రాంగం విస్తృత ఏర్పాట్లు చేసింది. తొలిరోజు రాత్రి సందల్మాల్, సోమవారం అర్ధరాత్రి బారాషహీద్ల గంథ మహోత్సవం జరుగుతుంది. మంగళవారం ఉదయం నుంచి రొట్టెల పండుగ ప్రారంభం అవుతుంది. ఆ తర్వాత బుధవారం తహలీఫాతేహా, గురువారం రాత్రి పండుగ ముగింపు కార్యక్రమం జరుగుతుంది. బారాషహీద్ దర్గా ప్రాంగణంలోని స్వర్ణాల చెరువులో భక్తులు పుణ్యస్నానాలు చేసి, వరాల రొట్టెలను మార్చుకుంటారు. ఈ వేడుక కోసం రాష్ట్ర ప్రభుత్వం రూ.5 కోట్లు మంజూరు చేసింది
