Married Woman Takes life: యువకుడి వేధింపులు భరించలేక వివాహిత ఆత్మహత్య

కృష్ణా జిల్లా: యువకుడి లైంగిక వేధింపులు భరించలేక ఓ వివాహిత ఆత్మహత్య చేసుకుంది. పురుగులమందు తాగి ప్రాణాలు తీసుకుంది. ఈ సంఘటన కృష్ణా జిల్లా పామర్రు మండలంలో చోటుచేసుకుంది. పోలీసులు తెలిపిన వివరాల మేరకు.. కొమరవోలు గ్రామానికి చెందిన మెరుగుమాల పవన్ అనే వ్యక్తి కొంతకాలంగా అదే గ్రామానికి చెందిన వివాహితను లైంగిక వేధింపులకు గురిచేస్తున్నాడు.

రోజురోజుకూ అతడి వేధింపులు పెరుగుతూ పోయాయి. అతడి వేధింపులు భరించలేకపోయిన సదరు మహిళ షాకింగ్ నిర్ణయం తీసుకుంది. కలుపుమందు తాగి ఆత్మహత్యకు ప్రయత్నించింది. కలుపు మందు తాగిందని గుర్తించిన కుటుంబసభ్యులు ఆమెను వెంటనే గుడివాడ ప్రభుత్వ ఏరియా ఆసుపత్రికి తరలించారు. కాగా, చికిత్సపొందుతూ ఆసుపత్రిలోనే వివాహిత చనిపోయింది. పవన్‌పై కేసు నమోదు చేసిన పోలీసులు దర్యాప్తు చేపట్టారు.

ఇవి కూడా చదవండి

వేశ్యలపై దాడి, దోపిడి.. ఇద్దరు భారతీయులకు జైలు శిక్ష

అన్నదాన కార్యక్రమంలో విషాదం.. చిన్నారుల మీద పడ్డ గంజి