Current Shock: వరంగల్, రైతుకు కరెంట్ షాక్.. తీవ్రగాయాలు..

వరంగల్: విద్యుత్తు మరమ్మతుల (Electrical repairs) కోసం స్తంభంపైకి ఎక్కిన రైతు (Farmer)కు కరెంట్ షాక్ (Current Shock) తగలడంతో తీవ్రంగా గాయపడ్డాడు. ఇస్లావత్ శ్రీను(40) అనే రైతుకు చెందిన వ్యవసాయ బావి (Agricultural well) వద్ద కరెంట్ వైర్ రిపేర్ కోసం స్తంభంపైకి ఎక్కిన శ్రీను.. జంపర్ మార్చుతుండగా విద్యుత్తు సరఫరా (Electricity supply) కావడంతో షాక్ కొట్టింది. దీంతో స్తంభంపైనే రైతు తల కిందులుగా వేళాడాడు. అది గమనించిన స్థానికులు విద్యుత్తు సరఫరాను నిలిపివేసి రైతును కిందికి దింపి ఆసుపత్రికి తరలించారు. శ్రీనుకు చికిత్స అందించిన వైద్యులు ఆరోగ్య పరిస్థితి నిలకడగా ఉందని చెప్పారు. దీంతో అందరూ ఊపిరిపీల్చుకున్నారు. కాగా ఈ ఘటన వరంగల్ జిల్లా, నెక్కొండ మండలం, గొట్లకొండ శివారులోని దొడ్డి తండాలో జరిగింది.