MLC Kavitha: ఈడీ కార్యాలయంలో కవితను కలిసిన కుమారుడు ఆర్య..

ఢిల్లీ లిక్కర్ స్కామ్ కేసులో అరెస్టై ఈడీ కస్టడీలో ఉన్న బీఆర్‌ఎస్ నేత, ఎమ్మెల్సీ కవిత(Kavitha)ను ఆమె కుమారుడు ఆర్యతో పాటు కుటుంబ సభ్యులు, న్యాయవాది మోహిత్ రావు కలిశారు. ఈడీ కస్టడీలో ఉన్నప్పటికీ రోజుకు గంట సేపు కుటుంబ సభ్యులను కలిసేందుకు కోర్టు అవకాశం కల్పించింది. దీంతో కుటుంబ సభ్యులు రాత్రి సమయంలో ఆమెను కలుస్తున్నారు. తాజాగా కవిత కుమారుడు ఆర్య ఢిల్లీలోని ఈడీ కార్యాలయంలో ఆమెను కలిశారు. ఆర్యతో పాటు కుటుంబ సభ్యులు ఉన్నారు. న్యాయవాది మోహిత్‌రావు కూడా కవితను కలిసినవారిలో ఉన్నారు. సుమారు గంటపాటు ఆర్య ఈడీ కార్యాలయంలో ఉన్నారు. కుమారుడిని చూడగానే భావోద్వేగానికి గురైనట్లు తెలుస్తోంది. ఆ తరువాత కుటుంబ విషయాలను మాట్లాడుకున్నట్లు సమాచారం. ఆర్య ధైర్యంగా ఉండాలని.. త్వరలోనే తాను ఇంటికి వస్తానని కుమారుడితో కవిత ప్రస్తావంచినట్లు తెలుస్తోంది. తల్లి కవితను చూసి ఆర్య కూడా కన్నీళ్లు పెట్టుకోగా.. కుటుంబ సభ్యులు వారించారు.

MLC Kavitha: నేడు కోర్టుకు కవిత.. ఈడీ కస్టడీ పొడిగించే ఛాన్స్..!

ఆర్యతో పాటు..

కవితను కుమారుడు ఆర్యతో కుటుంబ సభ్యులు, న్యాయవాది మోహిత్‌రావు కలిసి.. కవితకు ధైర్యం చెప్పారు. న్యాయస్థానంలో తమకు అనుకూలంగా తీర్పు వస్తుందని, కోర్టులపై విశ్వాసం ఉందామని మోహిత్‌రావు కవితకు చెప్పినట్లు తెలుస్తోంది. మరోవైపు కవిత బెయిల్ కోసం ఆమె తరపు న్యాయవాదులు తీవ్ర ప్రయత్నాలు చేస్తున్నారు.

నేటితో ముగియనున్న కస్టడీ

ఈ రోజుతో కవిత ఈడీ కస్టడీ ముగుస్తుంది. దీంతో ఈ మధ్యాహ్నం కవితను ఢిల్లీ రౌస్ అవెన్యూ కోర్టులోని సీబీఐ ప్రత్యేక న్యాయస్థానంలో హాజరుపరుస్తారు. మరోసారి ఈడీ కస్టడీకి ఇస్తారా.. జ్యూడిషియల్‌ రిమాండ్ విధిస్తారా అనేది తేలాల్సి ఉంది.

మరిన్ని తెలంగాణ వార్తల కోసం చూడండి..