Hyderabad: చల్లబడిన వాతావరణం.. మరో రెండు రోజులు ఇలాగే..

హైదరాబాద్‌ సిటీ: నగరంలో శనివారం ఉదయం పలు ప్రాంతాల్లో చిరుజల్లులు కురవడంతో వాతావరణం ఒక్కసారిగా చల్లబడింది. ఐదు రోజుల క్రితం వరకు 40-42 డిగ్రీలు నమోదైన పగటి ఉష్ణోగ్రతలు రెండురోజులుగా 36-37 డిగ్రీలకు తగ్గాయి. దీంతో గరిష్ఠ ఉష్ణోగ్రతలు, వడగాలుల తీవ్రత తగ్గిపోయింది. రాత్రిళ్లు చలిగాలుల ప్రభావం పెరగడంతో నగరవాసులకు కాస్త ఉపశమనం దొరికింది. మరో రెండురోజుల పాటు నగరంలో ఇదే తరహా వాతావరణం కొనసాగుతుందని బేగంపేట వాతావరణశాఖ అధికారులు(Begumpet Meteorological Department officials) తెలిపారు. ఆది, సోమవారాల్లో గరిష్ఠంగా 36, కనిష్ఠంగా 26 డిగ్రీల ఉష్ణోగ్రతలు నమోదయ్యే అవకాశాలుంటాయన్నారు. గాలులు ఆగ్నేయ దిశగా గంటలకు 6-10 కిలోమీటర్ల వేగంతో వీచే అవకాశముంటుందని తెలిపారు. శనివారం మౌలాలి - 37.6, గణాంకభవన్‌- 35.8 డిగ్రీల ఉష్ణోగ్రతలు నమోదయ్యాయి.

ఇదికూడా చదవండి: Danakishore: నీటి సరఫరాకు ఆటంకం కలిగించే సిబ్బందిని తొలగిస్తాం..