Breaking News: నేటి తాజా వార్తలు..

అలర్ట్.. ఏలూరు కాలువలోకి బుడమేరు నీరు..

• విజయవాడ: ఏలూరు కాలువలోకి పారుతున్న బుడమేరు నీరు.

• అప్రమత్తం అయిన ప్రభుత్వం యంత్రాంగం.

• మధురానగర్, రామవరప్పాడు, ప్రసాదంపాడు ప్రజలను అప్రమత్తం చేసిన అధికారులు.

• ఏలూరు కాలువలో వరద ప్రవాహం పెరగడంతో కట్టలు తెగే ప్రమాదం.

• కాలువ గట్టున ఉంటున్న ప్రజలు సురక్షిత ప్రాంతాలకు వెళ్లాలని మైక్ ద్వారా ప్రచారం.

• ఆందోళన లో ఏలూరు కాలువ గట్ల ప్రాంత ప్రజలు.

వరద బాధితులకు అండగా పవన్.. భారీ విరాళం ప్రకటన..

• అమరావతి: రాష్ట్ర ముఖ్యమంత్రి సహాయ నిధికి రూ. కోటీ ప్రకటించిన డిప్యూటీ సిఎం పవన్ కళ్యాణ్.

• ప్రస్తుతం రాష్ర్ట విపత్తు నిర్వహణ కమిషనర్ కార్యాలయం నుంచి వరద ప్రభావిత ప్రాంతాల పరిస్థితి పరిశీలన చేసిన పవన్ కళ్యాణ్.

• రాష్ట్ర హోం, విపత్తుల నిర్వహణ శాఖ మంత్రి అనిత, రెవెన్యూ శాఖ ముఖ్య కార్యదర్శి సిసోడియా, ఇతర ఉన్నతాధికారులతో సమీక్ష నిర్వహించిన పవన్ కళ్యాణ్.

జగన్‌కు స్ట్రాంగ్ కౌంటర్ ఇచ్చిన నాగబాబు..

• ట్విట్టర్ ద్వారా జగన్‌కు కౌంటర్ ఇచ్చిన జనసేన నేత నాగబాబు

• మాజీ ముఖ్యమంత్రి, ప్రస్తుత పులివెందుల ఎమ్మెల్యే జగన్ రెడ్డి కృష్ణానది వరదల విజిట్‌కి వచ్చి, వరదల్ని మ్యాన్ మేడ్ డిజార్టర్ అని సెలవిచ్చారు.

• ఆయనకు నేను కొన్ని విషయాలు గుర్తు చేస్తున్నాను.

• మూడేళ్ల క్రితం (2021) అన్నమయ్య ప్రాజెక్టు గేటు కొట్టుకుపోయి 44 మంది మృత్యువాత పడ్డారు.

• 15 మంది జాడ తెలియలేదు. ఐదు ఊర్లు పూర్తిగా నేలమట్టమయ్యాయి.

• ఎటుచూసినా కూలిన ఇళ్లు. ఇంకా గూడారాల మధ్యనే అనేకమంది నివాసం.

• చెయ్యేరులో పెద్ద ఎత్తున ఇసుక తవ్వుతారు. అందుకోసం నదిలో లారీలు దిగుతాయి.

• డ్యాం గేట్లు ఎత్తితే అవి వరదలో చిక్కుకుపోతాయి కాబట్టి, వాటిని పైకి తరలించే వరకూ డ్యాం గేట్లు ఎత్తనివ్వకుండా ఆపారనేది ప్రధాన ఆరోపణ.

• రాష్ట్ర ప్రభుత్వ ప్రాజెక్టుల నిర్వహణ లోపం వలనే అన్నమయ్య ప్రాజెక్టు గేటు కొట్టుకుపోయిందని, ఇది దేశంలో ఒక కేస్ స్టడీ అని కేంద్ర జలశక్తి మంత్రి గజేంద్రసింగ్ షేకావత్ పార్లమెంటులో అన్నారు.

• దీన్ని అంటారు సార్... Man Made Disaster అని.

• మీరు ఫస్ట్ క్లాస్ స్టూడెంట్ కాబట్టి నేచురల్ డిజాస్టర్‌కి, మ్యాన్ మేడ్ డిజాస్టర్‌కి తేడా తెలుసుకోవాల్సిందిగా కోరుతున్నాను.

• మీరు డ్యామ్ గేటు సకాలంలో రిపేరు చేయకపోవడం వలన, మీ బృందం ఇసుక అక్రమంగా మితిమీరి రవాణా చేయడం వలన జరిగిన అన్నమయ్య డ్యాం కొట్టుకుపోవడాన్ని అంటారు మ్యాన్ మేడ్ డిజాస్టర్ అని.

• వీలైతే ముంపు ప్రాంతాల్ని పర్యటించి వరదల ద్వారా ఆస్తులు నష్టపోయిన బాధితుల్ని ఆర్ధికంగా ఆదుకుంటే బాగుంటుంది.

• విమర్శలే కాదు విపత్తు సమయంలో వీలైన సాయం కూడా చేస్తే బావుంటుంది అని విన్నవిస్తున్నాను.

ఖమ్మం నగరంలో మళ్లీ ప్రారంభమైన వర్షం

• వర్షంలోనే కొనసాగుతున్న సహాయక చర్యలు.

• ఇంకా మోకాళ్ళలోతు బురదలోనే వరద బాధితులు.

• ఫైర్ ఇంజన్లతో బురదను తొలగించే పనిలో అధికారులు.

• ఇల్లు, కాలనీలను ముంచెత్తిన బురద.

• ఎక్కడ చూసినా తీవ్రదుర్గంధం చెత్తాచెదారం.

• ఇళ్లలోకి వస్తున్న పాములు, తేళ్లు, విష సర్పాలు.

• భయాందోళనలో ముంపు ప్రాంతాల ప్రజలు.

బాలయ్య పెద్ద మనసు.. వరద బాధితులకు కోటి విరాళం..

• తెలుగు రాష్ట్రాల సీఎంల సహాయనిధికి బాలకృష్ణ కోటి రూపాయల విరాళం.

• 50 ఏళ్ళ క్రితం మా నాన్నగారు నా నుదుటిన దిద్దిన తిలకం ఇంకా మెరుస్తూనే ఉంది.

• 50 ఏళ్ల నుంచి నా నట ప్రస్థానం కొనసాగుతూనే ఉంది- వెలుగుతూనే ఉంది.

• తెలుగు భాష ఆశీస్సులతో, తెలుగుజాతి అభిమాన నీరాజనాలతో పెనవేసుకున్న బంధం ఇది. ఈ ఋణం తీరనిది.

• ఈ జన్మ మీకోసం.. మీ ఆనందం కోసం. నా ఈ ప్రయాణంలో సహకరించిన అందరికీ కృతజ్ఞతలు తెలియజేసుకుంటున్నాను.

• ప్రస్తుతం తెలుగు నేలను వరద ముంచెత్తుతోంది. ఈ విపత్కర పరిస్థితులలో బాధాతప్త హృదయంతో ఆంధ్ర ప్రదేశ్ ముఖ్యమంత్రి సహాయ నిధికి రూ.50 లక్షలు, తెలంగాణ ముఖ్యమంత్రి సహాయ నిధికి రూ.50 లక్షలు నా బాధ్యతగా బాధిత ప్రజల సహాయార్థం విరాళంగా అందిస్తున్నాను.

• రెండు రాష్ట్రాలలో మళ్ళీ అతి త్వరలోనే సాధారణ పరిస్థితులు నెలకొనాలని ఆ భగవంతుడిని ప్రార్థిస్తున్నాను అని బాలయ్య అన్నారు.

భారీ వర్షాలు.. కుప్పకూలిన బ్రిడ్జి..

• కరీంనగర్: భారీ వర్షాలకు కూలిన రామడుగు పాత బ్రిడ్జి.

• నాలుగు మండలాలకు నిలిచిన రాకపోకలు.

• ఐదేళ్లుగా పాత బ్రిడ్జిపై ఏబీఎన్ వరస కథనాలు.

• కొత్త బ్రిడ్జి నిర్మాణం మధ్యలోనే వదిలేసిన గత సర్కారు.

• స్వల్ప భూసేకరణ సమస్యతో పెండింగ్లో పెట్టిన అధికారులు.

• ఏబీఎన్ కథనాలతో కదిలిన యంత్రాంగం.

• 24 గంటలుగా కొత్త బ్రిడ్జి ప్రారంభించేందుకు ప్రయత్నాలు.

• బ్రిడ్జి దగ్గరే ఉండి పనులు పర్యవేక్షించిన ఎమ్మెల్యే మేడిపల్లి సత్యం.

• ABN పోరాటం ఫలించిందని ఎమ్మెల్యే  సత్యం ప్రశంసలు.

మరో అల్పపీడనం.. ఏపీకి వర్ష సూచన..

• విశాఖపట్నం: కోస్తా మీదుగా కొనసాగుతున్నా ఉపరితల ఆవర్తనం.

• ఋతుపవన ద్రోని ప్రభావంతో పశ్చిమ మధ్య, వాయువ్య బంగాళాఖాతాను ఆనుకొని మరో అల్పపీడనం.

• ఈనెల ఐదో తారీఖున ఏర్పడే అవకాశం.

• రాష్ట్రంలో చెదురు మదురుగా వర్షాలు ఒకటి రెండు చోట్ల భారీ వర్షాలు.

• కృష్ణా గుంటూరులో ఓ మోస్తారు వర్షాలు.

• ఒకటి రెండు చోట్ల భారీ వర్షాలు పడే అవకాశం.

• ఈ రెండు జిల్లాలకు ప్రస్తుతం ఆరెంజ్ అలర్ట్ జారీ.

నామా నాగేశ్వరరావుకు బిగ్ షాక్..

• మనీ లాండరింగ్ కేసులో నామ నాగేశ్వరరావు కంపెనీ మధుకాన్ ప్రాజెక్ట్స్‌పై ఈడి చార్జిషీట్‌ను పరిగణలోకి తీసుకున్న కోర్టు.

• రాంచి ఎక్స్‌ప్రెస్‌ లిమిటెడ్, మధుకాన్ ప్రాజెక్ట్స్‌ పై గతంలో సిబిఐ చార్జిషీట్ దాఖలు.

• రాంచి-జంషె‌డ్‌పూర్ మధ్య 4 లైన్ హైవే నిర్మాణానికి రూ.1,030 కోట్లు రుణాలుగా పొందిన కంపెనీ.

• వచ్చిన నిధులను ఇతర సెల్ కంపెనీలకు మళ్లింపు.

• పూర్తి లోన్ వచ్చినప్పటికీ నిర్మాణం పూర్తి చేయని మధుకాన్ కంపెనీ.

• రూ. 365.78 కోట్లు మనీలాండరింగ్ ద్వారా మళ్లించినట్లు గుర్తించామన్న ఈడి.

• గతంలో మధుకాన్ కంపెనీలపై సోదాలు నిర్వహించిన ఈడీ.

• రూ. 34 లక్షల నగదుతో పాటు 105 ప్రాపర్టీస్‌‌‌ అటాచ్ చేసిన ఈడీ.

• మధుకాన్ కంపెనీకి చెందిన రూ. 96.21 కోట్లు సీజ్ చేసిన ఈడీ.

ఖమ్మంలో బీఆర్ఎస్ నేతలపై దాడిని ఖండిచిన కేటీఆర్.

• మాజీ మంత్రులు హరీష్ రావు, పువ్వాడ, సబితా ఇంద్రారెడ్డి వాహనాలపై దాడి చేయటం కాంగ్రెస్ అసహనానికి నిదర్శనం.

• ప్రజలకు సాయం చేయటం చేతగాక.. సాయం చేస్తున్న వాళ్లను చూసి ఓర్వలేకే ఈ దాడికి తెగబడ్డారు.

• మీరు ప్రజలను నిర్లక్ష్యం చేస్తే వారికి అండగా ఉండటమే తప్పా?

• ప్రజలకు సేవ చేయటం చేతకాదు..సేవ చేసే వాళ్లపై మాత్రం దాడి చేయటమా? సిగ్గు చేటు.

• ఈ దాడికి ముఖ్యమంత్రి సహా కాంగ్రెస్ ప్రభుత్వం బాధ్యత వహించాలి.

• ఇలాంటి ఎన్ని దాడులు చేసిన సరే.. ప్రజల వద్ద బీఆర్ఎస్ శ్రేణులను వెళ్లకుండా ఆపలేరు.

• కాంగ్రెస్ చేతగాని, దద్దమ్మ పాలనను ప్రజలు గమనిస్తున్నారు.

• మీకు సరైన సమయంలో బుద్ధి చెప్పటం ఖాయం.

ఖమ్మంలో బీఆర్ఎస్ మాజీ మంత్రుల వాహనాలపై దాడి..

• ఖమ్మం జిల్లా: ముంపు ప్రాంతాలలో బీఆర్ఎస్ మాజీ మంత్రులు పర్యటనలో ఉద్రిక్తత చోటు చేసుకుంది.

• పర్యటనలో పువ్వాడ అజయ్ కుమార్ వాహనాలపై కొందరు రాళ్లతో దాడికి పాల్పడ్డారు.

• ఈ ఘటనలో పలువురికి తీవ్ర గాయాలయ్యాయి.

• కొందరికి తలలు పగలగా.. ఒకరికి కాలు విరిగింది.

• బాధితులను స్థానిక ఆస్పత్రికి తరలించారు.

• ఈ ఘటన మంచికంటి నగర్‌లో చోటు చేసుకోగా.. అక్కడ ఉద్రిక్త పరిస్థితులు నెలకొన్నాయి.

పనిచేయకుంటే వేటు తప్పదు: సీఎం చంద్రబాబు వార్నింగ్

• అమరావతి: విపత్తు నిర్వహణలో సరిగ్గా పని చేయకుటే, మంత్రులకైనా వేటు తప్పదు: సీఎం చంద్రబాబు

• జక్కంపూడిలో విధులు సరిగా నిర్వర్తించని ఓ అధికారిని సస్పెoడ్ చేశా

• వీఆర్‌లో పెట్టిన అధికారులు విపత్తు నిర్వహణ బాధ్యతల్లో సక్రమంగా విధులు నిర్వర్తించలేదనే ఫిర్యాదులు ఉన్నాయి

• ఈ అంశంపై విచారణ జరిపిస్తున్నా

• క్లిష్ట పరిస్థితుల్లో వివాదాస్పద అధికారులకు బాధ్యతలు అప్పగింత మంచి ఉద్దేశంతో జరిగిందా లేక ఓవర్ లుక్‌లో అయిందా అనేది పరిశీలిస్తున్నాం

• ఏ రకంగా బాధ్యతలు అప్పగించినా పని చేయాలనే మానవత్వం సదరు అధికారులకు ఉండదా?

• టోల్ ఫ్రీ నంబర్లు పనిచేయట్లేదనే ఫిర్యాదు అంగీకరిస్తున్నా

• ప్రభుత్వ వ్యవస్థ ఐదేళ్లుగా పక్షవాతం వచ్చినట్లుగా పడి ఉంది

• కొత్త కంట్రోల్ రూమ్ వ్యవస్థ ఏర్పాటు చేసి సమస్య పరిష్కరిస్తా

• బ్యారేజీ వద్దకు బోట్లు ఎలా కొట్టుకొచ్చాయని విచారణ జరిపిస్తున్నాం

• తప్పుడు వార్తలు ఇచ్చి ఓ వర్గం మీడియా మరింత పరువు తీసుకోవద్దు

  

సీతారాం తండాలో సీఎం రేవంత్ రెడ్డి కామెంట్స్

• మహబూబాబాద్: ప్రకృతి ప్రకోపం చూపించింది: సీఎం రేవంత్ రెడ్డి

• ప్రభుత్వం ఎన్ని చర్యలు తీసుకున్నప్పటికీ ఆస్తి నష్టం జరిగింది, ప్రాణ నష్టం జరిగింది

• సీతారాంనాయక్ తండా సహా మూడు తండాలను ఒకే దగ్గర పంచాయతీ ఏర్పాటు చేస్తాం

• 3 తండాల వాసులకు ఇందిరమ్మ ఇండ్లు నిర్మిస్తాం

• ముంపునకు గురైన వారికి 10 రోజుల పాటు నిత్యావసర సరుకులు అందజేస్తాం

• వర్షంతో సర్టిఫికెట్లు, ఇతరత్రా గుర్తింపు కార్డులు కోల్పోయినా సర్టిఫికెట్లు అందజేస్తాం.

• ఆకేర్ వాగు వద్ద మరోసారి డామేజ్ జరగకుండా చర్యలు తీసుకుంటాం

• వర్షాలతో నష్టపోయిన రైతులను రాష్ట్ర ప్రభుత్వం ఆదుకుంటుంది

• వరద ప్రభావిత ప్రాంతంలో పర్యటన

• మహబూబాబాద్: సీతారాంనాయక్ తండాలో ముగిసిన సీఎం రేవంత్ రెడ్డి పర్యటన

• మహబూబాబాద్‌కు బయలుదేరిన సీఎం రేవంత్ రెడ్డి

• కాసేపట్లో సీఎం రివ్యూ మీటింగ్

భారీ ఎన్ కౌంటర్.. 10 మంది మావోల హతం

• ఛత్తీస్ గడ్: బీజాపూర్- దంతెవాడ జిల్లాల సరిహద్దులో భారీ ఎన్ కౌంటర్

• పోలీసులు మావోయిస్టుల మధ్య ఎదురు కాల్పులు

• పది మంది మావోయిస్టుల హతం

• లావా పురంగెల్ అటవీ ప్రాంతంలో ఎదురు కాల్పులు

• మృతుల సంఖ్య మరింత పెరిగే అవకాశం

• కొనసాగుతోన్న కూంబింగ్ ఆపరేషన్

కులగణన చేస్తే ఏమవుతోంది: వీహెచ్

• హైదరాబాద్: కులగణనతో ముప్పు అని ఆర్ఎస్ఎస్ అంటుంది

• ఉద్యోగ నియామకాల్లో కులగణన కావాలి, రాజకీయాల్లో వద్దని ఆర్ఎస్ఎస్ అంటుంది

• కులగణన చేస్తే దేశం మునిగి పోతుందా?

• ఆర్ఎస్ఎస్, బీజేపీ దేవుళ్ళ పేరుతో మీద రాజకీయాలు చేస్తున్నాయి

• బీజేపీ నిజ స్వరూపం ఇప్పుడు బయట పడింది

• ఇదే అంశంపై కేంద్రమంత్రి, బండి సంజయ్, ఎంపీ ఈటెల రాజేందర్ సమాధానం చెప్పాలి

• ఆర్ఎస్ఎస్ వ్యాఖ్యలపై బీసీ, ఎస్సీ, ఎస్టీలు యుద్ధం చేయాలి

• కులగణన చేస్తే 90 శాతం మందికి న్యాయం జరుగుతుంది

• అధికారంలోకి వస్తే కులగణన చేస్తామని రాహుల్ గాంధీ చరిత్రాత్మక నిర్ణయం తీసుకున్నారు

• 1930లో కులగణన జరిగింది. ఆ తర్వాత జరగలేదు

  

ఎఫ్టీఎల్ దాటిన హుస్సేన్ సాగర్ నీటిమట్టం

• హైదరాబాద్: హుస్సేన్ సాగర్‌కు పోటెత్తిన వరదనీరు.

• ఎగువ ప్రాంతాల నుంచి భారీగా వస్తోన్న వరద నీరు.

• బంజారాహిల్స్, పికెట్, కూకట్ పల్లి నాలాల నుంచి హుస్సేన్ సాగర్‌కు వరద.

• హుస్సెన్ సాగర్‌లో ఫుల్ ట్యాంక్ లెవెల్ దాటిన నీటిమట్టం.

• సాగర్‌లో 513.58 మీటర్లుగా ఉన్న ప్రస్తుత నీటి మట్టం.

• హుస్సేన్ సాగర్ ఫుల్ ట్యాంక్ లెవెల్ 513.41 మీటర్లు .

• హుస్సేన్ సాగర్ ఇన్ ఫ్లో 2184 క్యూసెక్కులు.

• తూముల ద్వారా హుస్సేన్ సాగర్ నుంచి 1751 క్యూసెక్కుల నీటిని మూసిలోకి వదులుతున్న అధికారులు.

• సీతారాం నాయక్ తండాకు సీఎం రేవంత్

• మహబూబాబాద్: సీతారాంనాయక్ తండాకు చేరుకున్న ముఖ్యమంత్రి రేవంత్ రెడ్డి

• వరద ప్రభావిత ప్రాంతాలను పరిశీలించనున్న సీఎం రేవంత్ రెడ్డి

• గన్నవరం చేరుకున్న ఎన్డీఆర్ఎఫ్ ప్రత్యేక బృందాలు

• అమరావతి: పుణే నుంచి గన్నవరం విమానాశ్రయం చేరుకున్న ఎన్డీఆర్ఎఫ్ ప్రత్యేక బృందాలు.

• నాలుగు హెలికాప్టర్లు, మోటార్ బోట్లు, పడవలతో విమానాశ్రయం చేరుకున్న 120 మంది సిబ్బంది.

వరద బాధితులకు యుద్ధ ప్రాతిపదికన సహాయక చర్యలు

• అమరావతి: మంత్రి నారా లోకేశ్ పర్యవేక్షణలో విజయవాడలో వరద బాధితులకు యుద్ధ ప్రాతిపదికన సహాయక చర్యలు.

• సహాయక చర్యల్లో ఆరు హెలికాప్టర్లు ద్వారా ఆహారం, త్రాగునీరు సరఫరా.

• బోట్లు చేరుకోలేని ప్రాంతాలకు డ్రోన్ల ద్వారా ఆహార సరఫరా.

• గన్నవరం ఎమ్మెల్యే యార్లగడ్డ వెంకట్రావ్ విజ్ఞప్తి మేరకు జక్కంపూడి వైఎస్‌ఆర్ కాలనీకి ప్రత్యేక హెలికాప్టర్‌లో 2,500 ఆహార పొట్లాలు.

• విజయవాడ పరిధిలో వరద ముంపునకు గురైన 32 వార్డుల్లో సీనియర్ ఐఏఎస్ అధికారుల పర్యవేక్షణలో కొనసాగుతున్న సహాయక చర్యలు.

• మంత్రి లోకేశ్ పిలుపు మేరకు సహాయ చర్యల్లో రాష్ట్రం నలుమూలల నుంచి విజయవాడ చేరుకున్న పార్టీ శ్రేణులు.

• విజయవాడ డివిజన్ పరిధిలో 70 పునరావాస కేంద్రాల్లో ఆశ్రయం పొందుతున్న 14,452 మంది నిరాశ్రయులు.

• ప్రకాశం బ్యారేజి వద్ద వేగంగా తగ్గుతున్న వరద, ప్రస్తుత వరద ప్రవాహం 8,71,776 క్యూసెక్కులు.

  

వరద సహాయక చర్యలపై సీఎం చంద్రబాబు సమీక్ష

• అమరావతి: ఉదయం నుంచి జరిగిన ఆహారం పంపిణీ వివరాలు తెలుసుకున్న సీఎం చంద్రబాబు

• టెలికాన్ఫరెన్స్ ద్వారా విధుల్లో ఉన్న అధికారులు, ఉన్నతాధికారులతో సమీక్ష

• 5 హెలీకాఫ్టర్ల ద్వారా ఆహార పంపిణీ జరుగుతుందని తెలిపిన అధికారులు

• హెలికాఫ్టర్, పడవలు, ట్రాక్టర్ల ద్వారా ఉదయం నుంచి ఆహారం, నీళ్లు అందిస్తున్నామని తెలిపిన అధికారులు

• 5 లక్షల ఆహారం, నీళ్ళ ప్యాకెట్లు సిద్ధం చేసి పంపిణీ చేశామని తెలిపిన అధికారులు

• 100 శాతం ఆహారం పంపిణీ జరగాలి.

• ఎన్డీఆర్ఎఫ్ బృందాలు చేరుకోలేని చోటకు హెలికాఫ్టర్లు, డ్రోన్ల ద్వారా ఆహారం అందించాలి.

• మూడు పూటలా ఆహారం అందించాలి

• 36 డివిజన్లలో విధుల్లో ఉన్న అధికారులే ఆహార పంపణీకి బాధ్యత వహించాలి

• క్షేత్ర స్థాయిలో ఆహారం అందింది లేనిది నిర్ధారించుకోవాలి.

• రెండు రోజులు వరదలో చిక్కుకుని ఆహారం, నీరు లేక పోతే ఆ బాధ ఎలా ఉంటుందో అర్థ చేసుకుని అధికారులు పనిచేయాలి

• మన కుటుంబమే అలాంటి కష్టంలో ఉందనే ఆలోచనతో పనిచేయాలి

• నీరు తగ్గుతున్న ప్రాంతాల్లో పారిశుద్ధ్య పనులకు అవసరమైన ఏర్పాట్లు చేయాలి

  

బెజవాడకు 300 మంది టెక్నీషియన్లు

• అమరావతి: విద్యుత్ శాఖను అప్రమత్తం చేసిన మంత్రి గొట్టిపాటి రవికుమార్

• ఎస్పీడీసీఎల్, ఈపీడీసీఎల్ నుంచి టెక్నీషియన్లను రప్పించిన మంత్రి రవి కుమార్

• విజయవాడకు చేరుకున్న 300లకు పైగా టెక్నీషియన్లు

• వరద ప్రవాహం తగ్గిన వెంటనే క్షేత్ర స్థాయిలో యుద్ధప్రాతిపదికన పనులు చేపట్టేందుకు రంగం సిద్దం.

• బృందాల వారీగా దెబ్బతిన్న సబ్ స్టేషన్లు, ట్రాన్స్ ఫార్మర్ల వద్ద మరమత్తులు

• కమాండ్ కంట్రోల్ రూమ్ నుంచి పర్యవేక్షిస్తోన్న ఎనర్జీ స్పెషల్ సీఎస్, సీఎండీ

• అధికారుల నుంచి ఎప్పటికప్పుడు వివరాలు అడిగి తెలుసుకుంటున్న మంత్రి గొట్టిపాటి రవి కుమార్

బుడమేరుకు గండ్లు.. పూడ్చుతోన్న అధికారులు

• ఎన్టీఆర్ జిల్లా: బుడమేరులో గండి పడిన ప్రాంతాన్ని పూడ్చుతోన్న ఇరిగేషన్ అధికారులు

• మొత్తం మూడు చోట్ల గండ్లు పడినట్లు గుర్తించిన అధికారులు

• యుద్ధ ప్రతిపాదికన పనులు చేపట్టిన ఇరిగేషన్ అధికారులు

• మూడు రోజుల పాటు పనులు కొనసాగే అవకాశం

• బుడమేరుకు వరద ప్రవాహం తగ్గిపోవడంతో పనులు ప్రారంభించిన అధికారులు

నాగార్జున సాగర్‌కు పోటెత్తిన వరదనీరు

• నల్గొండ: నాగార్జున సాగర్ ప్రాజెక్టుకు కొనసాగుతోన్న వరద ప్రవాహం

• మొత్తం 26 గేట్లు పది అడుగుల మేర ఎత్తి దిగువకు నీటి విడుదల

• ఇన్ ఫ్లో , ఔట్ ఫ్లో: 4,07,169 క్యూసెక్కులు.

• పూర్తి స్థాయి నీటి మట్టం : 590.00 అడుగులు.

• ప్రస్తుత నీటి మట్టం : 586 అడుగులు.

• ప్రస్తుతం నీటి నిల్వ : 300.32 టీఎంసీలు

• పూర్తి స్థాయి నీటి నిల్వ సామర్థ్యం : 312.045

ఆమ్రపాలి ఆకస్మిక పర్యటన

• హైదరాబాద్: కూకట్ పల్లిలో పలు ప్రాంతాల్లో గ్రేటర్ కమిషనర్ ఆమ్రపాలి ఆకస్మిక పర్యటన.

• మైసమ్మ చెరువు, ఐడీఎల్ చెరువు, సర్దార్ నగర్‌లో వరద ముంపు ప్రాంతాలను పరిశీలించిన కమిషనర్.

• సర్దార్ నగర్ వరద ముంపునకు గురైన స్థానికులతో మాట్లాడిన కమిషనర్ ఆమ్రపాలి

• వరద ముంపు వల్ల నాలా పనులను చేపట్టేందుకు చర్యలు తీసుకోవాలని జోనల్ కమిషనర్‌కు ఆదేశాలు.

  

• పోటెత్తిన వరదనీరు

• నెల్లూరు: సోమశిల జలాశయానికి భారీగా వరద ప్రవాహం.

• జలాశయం ఇన్ ఫ్లో 22283 క్యూసెక్కులు.

• జలాశయం అవుట్ ఫ్లో 7000 క్యూసెక్కులు.

• 39 టీఎంసీలకు చేరిన జలాశయ నీటిమట్టం

• ముమ్మరంగా సహాయక చర్యలు

• అమరావతి: ఉదయం నుంచి 37 ప్రాంతాలకు ఆహారం అందజేత

• ఇందిరాగాంధీ స్టేడియం నుంచి హెలికాప్టర్లలో ఆహారం తరలింపు

• పడవల ద్వారా ఆహారం అందజేత

స్తంభించిన రవాణా వ్యవస్థ

• ఎన్టీఆర్ జిల్లా: తిరువూరు రూరల్ మండలం టేకులపల్లి సమీపంలో ఎదుళ్ల వాగు వంతెనకు ఇరువైపుల గండ్లు.

• తిరువూరు రూరల్ మండలం టేకులపల్లి - చౌటపల్లి గ్రామాల వద్ద ఆరు అడుగుల మేర కోతకు గురైన ప్రధాన రహదారి

• గత ఐదు రోజులుగా నిలిచిన రాకపోకలు

• చింతలపాడు, గానుగపాడు మీదుగా తిరిగి రాకపోకలు

• తిరువూరు రూరల్ మండలం మల్లేల వద్ద అలుగు వాగు వరద ఉధృతికి కోతకు గురైన జాతీయ రహదారి.

• తాత్కాలికంగా మరమ్మతులు చేపట్టి వాహనాల రాకపోకలకు అనుమతి

• తిరువూరు - అక్కపాలెం రహదారిలో చెరువుల వరద ఉధృతికి కరకట్ట, ప్రధాన రహదారికి గండ్లు

• పలు చోట్ల కోతకు గురైన రహదారి.. ఆంధ్ర- తెలంగాణ రాష్ట్రాల పరిధిలోని గ్రామాల్లో నిలిచిన రాకపోకలు

• జలదిగ్బంధంలో ఏడుపాయల

• మెదక్: ఏడుపాయల వన దుర్గ మాత ఆలయం జలదిగ్బంధం

• ఆలయంలోకి చేరిన వరద నీరు

• మూడో రోజు రాజగోపురం వద్ద నిత్య పూజలు

తగ్గిన వరద ఉధృతి

• ఎన్టీఆర్ జిల్లా: ఇబ్రహీంపట్నం, జూపూడి, మూలపాడు, కోటికలపూడి, దాములూరు గ్రామాల్లో తగ్గిన వరద ఉధృతి

• సహాయక చర్యలను దగ్గరుండి పర్యవేక్షిస్తున్న మైలవరం ఎమ్మెల్యే వసంత కృష్ణ ప్రసాద్

• వరద ఉధృతి తగ్గిన ప్రాంతాల్లో శానిటేషన్ చేయాలని మున్సిపల్ అధికారులకు ఆదేశాలు

సైబరాబాద్‌లో ట్రాఫిక్ ఆంక్షలు

• హైదరాబాద్: హైదరాబాద్‌లో 3, 6, 9వ తేదీల్లో ట్రాఫిక్ ఆంక్షలు

• సాయంత్రం 4 నుంచి రాత్రి 10 గంటల వరకు గచ్చిబౌలి స్టేడియం, పరిసర ప్రాంతాల్లో ట్రాఫిక్ ఆంక్షలు.

• ఇంటర్‌ కాంటినెంటల్ కప్ 2024 ఫుట్‌బాల్ టోర్నమెంట్ పోటీల నేపథ్యంలో ట్రాఫిక్ మళ్లింపు

• గచ్చిబౌలిలో గల జీఎంసీబీ స్టేడియంలో టోర్నమెంట్

• ఇండియా, సిరియా,మారిషస్‌ మధ్య టోర్నీ

మంత్రి శ్రీధర్ బాబు పర్యటన

ఆదిలాబాద్: ఆదిలాబాద్‌లో మంత్రి శ్రీధర్ బాబు పర్యటన

వర్ష ప్రభావిత ప్రాంతాలను పరిశీలిస్తున్న మంత్రి

• లిబరేషన్ డే

• హైదరాబాద్: సెప్టెంబర్ 17న తెలంగాణకు కేంద్ర హోంమంత్రి అమిత్ షా

• గత రెండేళ్ళుగా తెలంగాణ విమోచన దినోత్సవాన్ని అధికారికంగా నిర్వహిస్తోన్న కేంద్ర ప్రభుత్వం

• ముఖ్య అతిథిగా పాల్గొననున్న కేంద్ర హోంమంత్రి అమి త్ షా

• నేడు బీజేపీ కార్యాలయంలో పార్టీ నేతలతో కిషన్ రెడ్డి సమావేశం

• విమోచన దినోత్సవ కార్యక్రమంపై దిశానిర్దేశం చేయనున్న కిషన్ రెడ్డి

• ముంపులోనే సింగ్ నగర్ ప్రజలు

• విజయవాడ: సింగ్ నగర్‌లో ముంపులోనే ప్రజలు

• సహాయక చర్యలు ముమ్మరం చేసిన ప్రభుత్వం

• ఆహారం, మంచినీరు పడవుల ద్వారా బాధితులకు అందేలా ఏర్పాట్లు

• మరికాసేపట్లో సింగ్ నగర్ రానున్న సీఎం చంద్రబాబు

• సింగ్ నగర్ ఫ్లైఓవర్ పై అన్ని వాహనాల నిలిపివేత

• నడుస్తూ వెళ్లాలని ఆదేశాలు, పోలీసుల తీరుపై వరద బాధితుల ఆగ్రహం

ఏ క్షణాన ఏం జరుగుతుందో..

• వికారాబాద్ జిల్లా: బిక్కుబిక్కుమంటూ డ్యూటీ చేస్తోన్న పరిగి వ్యవసాయ శాఖ అధికారులు

• కార్యాలయం స్లాబ్ గోడల నుంచి ధారగా కారుతున్న వర్షపు నీరు

• గోడల నుంచి కారుతోన్న నీరు.. ఎర్త్ లేకపోవడంతో వస్తోన్న కరెంట్ షాక్

• శిథిలావస్థకు చేరిన వ్యవసాయ శాఖ కార్యాలయం

• పై కప్పు నుంచి కారుతోన్న నీటి నుంచి ఫైళ్లను కాపాడుకునేందుకు నానా తంటాలు

• కంప్యూటర్, ప్రింటర్, ఫైళ్ళపై ఫ్లాస్టిక్ కవర్స్ కప్పిన వైనం

• వర్షపు నీరు తలపై పడకుండా క్యాప్ పెట్టుకుని డ్యూటీ చేస్తున్న అధికారులు

• బిల్డింగ్ మార్చి కష్టాల నుంచి విముక్తి కల్పించాలని వేడుకుంటున్న సిబ్బంది

రేపల్లె సేఫ్: మంత్రి అనగాని

• అమరావతి: ఒలేరు కట్ట రక్షణకు పూర్తి చర్యలు, రేపల్లె పట్టణ ప్రజలు సరక్షితం: మంత్రి అనగాని సత్యప్రసాద్

• వరద ప్రభావిత ప్రాంతాలు పెనుమూడి, రావిఅనంతవరం, ఒలేరు గ్రామాల్లో అర్ధరాత్రి పర్యటించిన మంత్రులు అనగాని సత్యప్రసాద్, గొట్టిపాటి రవికుమార్

• అర్ధరాత్రి రెండు గంటల నుంచి ఓలేరు కట్ట పరిస్థితిని పర్యవేక్షిస్తోన్న మంత్రులు

• అధికారులు, కూటమి కార్యకర్తలు కష్టపడి పనిచేసి ఓలేరు కట్టను రక్షిస్తోన్నారు: మంత్రి అనగాని

• మరో రోజు గడిస్తే రేపల్లెకు ప్రమాదం తప్పినట్లే: మంత్రి అనగాని

• ఈలోగా అన్ని ప్రత్యామ్నయ ఏర్పాట్లు చేశాం: మంత్రి అనగాని

• అవసరమైతే ఒలేరు గ్రామ ప్రజలను సురక్షిత ప్రాంతాలకు తరలించే ఏర్పాట్లు చేశాం: మంత్రి అనగాని

• రేపల్లె ప్రజలు ధైర్యంగా ఉండండి

• అధికారులు, టీడీపీ కార్యకర్తలు నిరంతరం పర్యవేక్షిస్తున్నార

• ప్రజలకు ఎలాంటి సహాయం చేసేందుకు సిద్దంగా ఉన్నారు: మంత్రి అనగాని

శాంతించిన బుడమేరు

• అమరావతి: నిన్నటి వరకు మహోగ్రరూపం దాల్చిన బుడమేరు

• బుడమేరు కెపాసిటీ 15 వేల క్యూసెక్కులకు మించి వచ్చిన వరద

• కుంభవృష్టి నమోదు కావడంతో మహాగ్రరూపం దాల్చిన బుడమేరు

• విజయవాడలోని 16 డివిజన్లను ముంచెత్తిన వరద

• 48 గంటలుగా వరద నీటిలో 2.59 లక్షల మంది

• చివరి వరకు అందని ప్రభుత్వ సహాయక చర్యలు

• బుడమేరులో ప్రస్తుతం 6 వేల క్యూసెక్కుల వరద ప్రవాహం

• మరింత తగ్గుతుందని చెబుతున్న అధికారులు

ప్రకాశం బ్యారేజి వద్ద క్రమంగా తగ్గుతోన్న నీటిమట్టం

• విజయవాడ: ప్రకాశం బ్యారేజికి క్రమంగా తగ్గుతున్న నీటి ఉధృతి

• రామలింగేశ్వర నగర్ లో వెనక్కి వెళ్లుతున్న వరద నీరు

• వరద నీటి నుంచి ఇప్పుడిప్పుడే బయట పడుతున్న నివాసాలు

• ఊపిరి పీల్చుకున్న ప్రజలు

• కరెంటు సరఫరా నిన్నటి నుంచి నిలిపేసిన అధికారులు

• పై నుంచి వచ్చే వరద తగ్గడంతో బ్యారేజి వద్ద 9 లక్షల 79 వేల క్యూసెక్కులకు చేరుకున్న నీటిమట్టం

• నిన్న ఇదే సమయానికి 11 లక్షల 30 వేల క్యూసెక్కులుగా ఉన్న వరద ప్రవాహం

• నిన్న మధ్యాహ్నం 11 లక్షల 47 వేల క్యూసెక్కులకు చేరుకున్న వరద నీరు

• బ్యారేజి చరిత్రలో ఇదే రికార్డ్ స్థాయి నీటిమట్టం, తట్టుకుని నిలబడిన ప్రకాశం బ్యారేజి

• ఈ రోజు మధ్యాహ్నానికి మరింత తగ్గుతుందని చెబుతున్న ఇరిగేషన్ అధికారులు

మహబూబాబాద్‌లో సీఎం రేవంత్ పర్యటన

• మహబూబాబాద్: మహబూబాబాద్ జిల్లాలో ఈ రోజు సీఎం ముఖ్యమంత్రి రేవంత్ రెడ్డి పర్యటన

• ఖమ్మం నుంచి నేరుగా సీతారాంనాయక్ తండాకు సీఎం రేవంత్

• వరద బాధితులకు పరామర్శ

• సీతారాంతండాను వరద ముంచెత్తిన విషయాన్ని వెలుగులోకి తెచ్చిన ఏబీఎన్ ఆంధ్రజ్యోతి

• వంద మందిని కాపాడిన పోలీసులు

  

• కాస్త తగ్గిన వరద నీరు

• కృష్ణా: ప్రకాశం బ్యారేజి నుంచి నీటి విడుదల స్వల్పంగా తగ్గటంతో ఊపిరి పీల్చుకున్న అవనిగడ్డ ప్రజలు.

• నాగాయలంక శ్రీరామ పాదక్షేత్రం ఘాట్ వద్ద అడుగు మేర తగ్గిన వరదనీరు.

• కరకట్టకు సమాంతరంగా వరద నీరు ప్రవహిస్తోండటంతో రాత్రి నుంచి ఆందోళనలో గడిపిన నదితీర గ్రామప్రజలు.

• నీటి విడుదల 11.20 లక్షల నుంచి 10.16 లక్షలకు తగ్గటంతో కొద్దిగా తగ్గిన వరదనీటి మట్టం.

• జల దిగ్బంధంలో అవనిగడ్డ, మోపిదేవి, నాగాయలంక మండలాల్లోని లంక గ్రామాలు.

  

ప్రపంచ నలుమూలల, దేశ విదేశాల్లో జరిగే పరిణామాలు, సంఘటనలు, రాజకీయ, ఆర్థిక అంశాలు, క్రీడా, వినోదానికి సంబంధించిన అప్‌డేట్స్.. ఎప్పటికప్పుడు ఆంధ్రజ్యోతి మీకు అందిస్తోంది.