Meta: వాట్సప్‌ వినియోగదారులకు గుడ్ న్యూస్.. కొత్త అప్‌డేట్ ఇదిగో

ఢిల్లీ: వినియోగదారులకు ఎప్పటికప్పుడు నూతన అప్‌డేట్‌లను పరిచయం చేసే ఇన్‌స్టంట్ మెసేజింగ్ ప్లాట్‌ఫామ్ వాట్సప్ (WhatsApp) మరో సరికొత్త ఫీచర్‌ను అందబాటులోకి తీసుకురాబోతోంది. యూజర్ల వాట్సప్ అకౌంట్లు, ఛానెల్‌లకు సంబంధించిన నెలవారీ రిపోర్టులను ఆటోమేటిక్‌గా జనరేట్ చేసే ఫీచర్‌ను డెలవప్‌ చేస్తోంది. ఈ విషయాన్ని టెక్ వెబ్‌సైట్ వెబ్‌బెటాఇన్ఫో (WABetaInfo) రిపోర్ట్ పేర్కొంది. ఈ ఫీచర్ అందుబాటులోకి వస్తే యూజర్ వాట్సప్ అకౌంట్లు, ఛానెల్‌కు సంబంధించిన కార్యకలాపాలకు సంబంధించిన సమాచారం నెలవారీగా ఆటోమేటిక్‌గా జనరేట్ అవుతుంది.

ఈ ఆటోమేటెడ్ ఫీచర్ వినియోగదారుల ప్రమేయం లేకుండా, సమయాన్ని సేవ్ చేస్తూ సంబంధిత సమాచారాన్ని సకాలంలో అందుబాటులో ఉంచుతుంది. తమ అకౌంట్‌కు సంబంధించిన నెలవారీ రిపోర్టులను పోల్చిచూసుకోవడం ద్వారా సమాచారంలో మార్పులను సులభంగా గుర్తించవచ్చు. కాగా ఈ ఫీచర్ ఇంకా అభివృద్ధి దశలోనే ఉంది. మరోవైపు ఫైల్-షేరింగ్ ఫీచర్‌పై కూడా వాట్సప్ పని చేస్తుంది. ఈ ఫీచర్ ద్వారా యూజర్లు తమ సమీపంలోని వ్యక్తులతో ఫైళ్లను సులభంగా షేర్ చేసుకోవచ్చు. ఫైల్స్‌ను పంపడానికి, స్వీకరించడానికి వీలుగా 'Peoples Nearby' ఆప్షన్‌ని ఓపెన్ చేయాల్సి ఉంటుందని ఇటీవలే ఒక రిపోర్ట్ పేర్కొంది.

మరిన్ని వార్తల కోసం ఇక్కడ క్లిక్ చేయండి