India vs Pakistan: భారత్-పాకిస్తాన్ మ్యాచ్‌లో ఆసక్తికర ఘటన.. కోహ్లీ అంటే ఎంత ప్రేమో చూపించిన పాక్ మహిళా అభిమాని..

ABN , Publish Date - Jun 11 , 2024 | 03:52 PM

టీమిండియా స్టార్ బ్యాట్స్‌మెన్, ``కింగ్`` కోహ్లీని భారతీయులు మాత్రమే కాదు.. ప్రపంచవ్యాప్తంగా ఉన్న క్రికెట్ అభిమానులందరూ ఎంతో ఇష్టపడతారు. మన దాయాది దేశమైన పాకిస్తాన్‌లో కూడా కోహ్లీకి వీరాభిమానులున్నారు.

India vs Pakistan: భారత్-పాకిస్తాన్ మ్యాచ్‌లో ఆసక్తికర ఘటన.. కోహ్లీ అంటే ఎంత ప్రేమో చూపించిన పాక్ మహిళా అభిమాని..

Pakistani girl wearing Virat Kohli's pendant

టీమిండియా స్టార్ బ్యాట్స్‌మెన్, ``కింగ్`` కోహ్లీని (Virat Kohli) భారతీయులు మాత్రమే కాదు.. ప్రపంచవ్యాప్తంగా ఉన్న క్రికెట్ అభిమానులందరూ ఎంతో ఇష్టపడతారు. మన దాయాది దేశమైన పాకిస్తాన్‌ (Pakistan)లో కూడా కోహ్లీకి వీరాభిమానులున్నారు. తాజాగా ఓ మహిళా అభిమాని కోహ్లీపై తనకున్న ప్రేమను కెమేరాల సాక్షిగా బయటపెట్టింది. టీ20 ప్రపంచకప్‌ (T20 Worldcup)లో భాగంగా న్యూయార్క్ వేదికగా ఇటీవల భారత్-పాక్ (India vs Pakistan) మధ్య మ్యాచ్ జరిగిన సంగతి తెలిసిందే.

ఆ మ్యాచ్ సమయంలో పాకిస్తాన్‌కు చెందిన ఓ మహిళా అభిమాని (Pakistani girl) హల్‌చల్ చేసింది. ఆమె కోహ్లీ ఫొటో ఉన్న లాకెట్‌ను (Virat Kohli's pendant) ధరించి ఉంది. అంతేకాదు ఆ లాకెట్‌పై కోహ్లీ జెర్సీ నెంబర్ 18 కూడా ఉంది. ఆమె ఆ లాకెట్‌ను చూపిస్తున్న ఫొటో ప్రస్తుతం సోషల్ మీడియాలో వైరల్‌గా మారింది. దీంతో కోహ్లీ ఫ్యాన్స్ ఆ పాక్ యువతిని అభినందిస్తున్నారు. ``కోహ్లీ గ్లోబల్ ఐకాన్``, ``కోహ్లీపై అభిమానానికి ఎల్లలు ఉండవు``, ``కోహ్లీ ఆల్‌టైమ్ గ్రేట్`` అంటూ నెటిజన్లు కామెంట్లు చేశారు.

కాగా, ఆదివారం పాకిస్తాన్‌తో జరిగిన మ్యాచ్‌లో టీమిండియా ఆరు పరుగుల తేడాతో విజయం సాధించింది. భారత్‌కు అది వరుసగా రెండో విజయం కాగా, పాకిస్తాన్‌కు అది వరుసగా రెండో ఓటమి. ఆ ఓటమితో పాకిస్తాన్ సూపర్-8 అవకాశాలను సంక్లిష్టం చేసుకుంది. ప్రతి గ్రూప్‌లో తొలి రెండు స్థానాల్లో ఉన్న జట్లు మాత్రమే సూపర్‌-8కి చేరుతాయి. వరుసగా రెండు ఓటములతో పాయింట్ల ఖాతా తెరవలేకపోయిన బాబర్‌ సేనకు తదుపరి దశ చాన్స్ కష్టమే. కెనడా, ఐర్లాండ్‌తో జరిగే ఆఖరి రెండు మ్యాచ్‌ల్లో పాక్‌ భారీ తేడాతో నెగ్గితే అవకాశం ఉండొచ్చు.