Watch Video: వామ్మో.. ఈ వీడియో చూస్తే అసహ్యం కలగడం ఖాయం.. శాండ్విచ్ ఎలా తింటోందో చూడండి..
ABN , Publish Date - Feb 25 , 2024 | 04:50 PM
జపాన్కు చెందిన యువతి ఈగలు విపరీతంగా వాలుతున్న శాండ్విచ్ను ఏ మాత్రం సంకోచం లేకుండా తినేస్తోంది. ఆ వీడియో సోషల్ మీడియాలో వైరల్ అవుతోంది.
![Watch Video: వామ్మో.. ఈ వీడియో చూస్తే అసహ్యం కలగడం ఖాయం.. శాండ్విచ్ ఎలా తింటోందో చూడండి..](https://media.andhrajyothy.com/media/2024/20240224/bees_4b20b0f594.jpg)
సోషల్ మీడియా అందుబాటులోకి వచ్చాక ఎన్నో ఆశ్చర్యకర వీడియోలు మన కళ్ల ముందుకు వస్తున్నాయి. వాటిల్లో కొన్ని విజ్ఞానాన్ని అందించేవి అయితే, మరికొన్ని ఆశ్చర్యపరిచేవి అయి ఉంటాయి. ప్రస్తుతం వైరల్ అవుతున్న ఓ వీడియో చూస్తే మాత్రం అసహ్యం వేయడం ఖాయం. ఆ వీడియోలోని యువతి తేనెటీగలు (Bees) విపరీతంగా వాలుతున్న శాండ్విచ్ను (Sandwich) ఏ మాత్రం సంకోచం లేకుండా తినేస్తోంది. ఆ వీడియో సోషల్ మీడియాలో వైరల్ (Viral Video) అవుతోంది.
qringey అనే ఇన్స్టాగ్రామ్ హ్యాండిల్లో ఈ వీడియో షేర్ అయింది. వైరల్ అవుతున్న వీడియోలో రెడ్ కలర్ డ్రెస్ వేసుకున్న ఒక మహిళ శాండ్విచ్ తింటోంది. దాని మీద తేనెటీగలు విపరీతంగా వాలుతున్నాయి. అయినా ఆ జపనీస్ మహిళ ఏ మాత్రం సంకోచించకుండా చాలా ఉత్సాహంతో ఆ బ్రెడ్ తినేస్తోంది. పదుల సంఖ్యలో తేనెటీగలు వచ్చి దానిపై వాలుతున్నాయి. రెండు, మూడు తేనెటీగలు కూడా ఆ యువతి నోట్లోకి వెళ్లిపోయాయి. ఆ వీడియో చూసి చాలా మంది ఆశ్చర్యపోతున్నారు (Woman ate bees).
వైరల్ అవుతున్న ఈ వీడియోను ఇప్పటివరకు 90 లక్షల మందికి పైగా వీక్షించారు. 56 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో కామెంట్లు చేశారు. ``ఆమె బ్రెడ్తో పాటు రెండు, మూడు తేనెటీగలను కూడా తినేస్తోంది``, ``సోషల్ మీడియాలో వైరల్ అయ్యేందుకు ఇలాంటి పిచ్చి ప్రయత్నాలు చేస్తున్నారు``, ``తేనెటీగలను కూడా తినడం ఏంటి``, ``ఆమె తేనెటీగలపై ప్రతీకారం తీర్చుకుంటోంది`` అంటూ నెటిజన్లు కామెంట్లు చేశారు.