Viral: మగ సింహం ప్రేమ అంటే ఇదీ.. ఆడ సింహం కోసం ఎంత రిస్క్ చేసిందంటే..

ఇంటర్నెట్ డెస్క్: అడవిలో సింహాలకు కంటి మీద కునుకు లేకుండా చేసే జంతువు ఏదైనా ఉందీ అంటే అది హైనానే. సింహం దాడిని తట్టుకునే శరీర దారుఢ్యం హైనాల సొంతం. అంతేకాదు.. ఎప్పుడూ గుంపులుగా తిరిగే ఈ జీవులు ఒంటరి సింహాలు కనిపిస్తే మట్టుపెట్టేందుకు ఏమాత్రం వెనకాడవు. ముఖ్యంగా పిల్ల సింహాలు, ఆడ సింహాలు, ముసలి సింహాలకు వీటితో ప్రమాదం ఎక్కువ. వయసులో ఉన్న మగ సింహాలను చూస్తే మాత్రం హైనాలు వెనకంజ వేస్తాయి. రిస్క్ వద్దునుకుని సైలెంట్‌గా సైడైపోతాయి. తాజాగా హైనాల బారినపడి చావు అంచుల వరకూ వెళ్లిన ఓ ఆడ సింహాన్ని మగ సింహం కాపాడిన తీరు ప్రస్తుతం నెట్టింట వైరల్‌గా (Viral) మారింది.

వీడియోలో కనిపించిన దాని ప్రకారం, ఒంటరిగా ఉన్న ఓ ఆడ సింహం హైనాల మంద బారిన పడుతుంది. ఇలాంటి అవకాశం కోసం కాచుకుని కూర్చునే హైనాలు ఆడ సింహాన్ని టార్గెట్ చేశాయి. అన్ని వైపులా చుట్టుముట్టి కన్‌ఫ్యూజ్ చేస్తూ దాడి మొదలెట్టాయి. అన్ని హైనాలు దాడి చేస్తుంటే తట్టుకోలేని ఆడ సింహం చేతులెత్తేసింది. తోటి సింహాల కోసం ఆక్రందనలు చేయడం ప్రారంభించింది (Male lion saves female lion for hyena attack ).

Viral: రేయ్..ఎవర్రా మీరంతా.. పుచ్చకాయల్ని ఎలా కల్తీ చేస్తున్నారో చూస్తే..

ఆ ఆక్రందనలు మగ సింహం చెవిన పడటంతో పరిగెత్తుకుంటూ అక్కడి వచ్చేసింది. సింగిల్‌గా ఉన్నా లెక్క చేయకుండా హైనాలపై దాడి ప్రారంభించింది. ఓ హైనా పీక పట్టుకుని దానికి చుక్కలు చూపించింది. మగ సింహం దాడికి బెదిరిపోయిన హైనాలు అక్కడ నుంచి చెల్లాచెదురైపోయాయి. ఎట్టకేలకు ధైర్యం కూడదీసుకుని మగసింహాన్ని చుట్టుముట్టి బెదిరించే ప్రయత్నం చేశాయి. వీడియో అక్కడితో ముగిసిపోవడంతో చివరకు ఏం జరిగిందో తెలియరాలేదు.

జనాలు మాత్రం ఈ వీడియో చూసి షాకైపోతున్నారు. మగ సింహం ధైర్యం, తెగువ చూసి ఆశ్చర్యపోతున్నారు. సింగిల్ ఉన్నా లెక్క చేయకుండా హైనాలను బెంబేలెత్తించిన దాని పవర్ చూసి నోరెళ్లబెడుతున్నారు. తన నెచ్చెలి అపాయంలో ఉందని తెలిసి సింహం రెచ్చిపోయిందని, ఆడ సింహం పిలవగానే వచ్చి దాన్ని కాపాడిందంటూ కొందరు సీన్‌కు మరో వివరణ ఇచ్చారు. ఇలా రకరకాల కామెంట్స్ మధ్య వీడియో తెగ వైరల్ అవుతోంది. వీడియో కోసం ఈ లింక్‌పై క్లిక్ చేయండి.