Viral: ఇది మామూలు పక్షి ఈక అనుకుంటున్నారా? దీని ఖరీదు 25 తులాల బంగారం కంటే ఎక్కువ.. కారణమేంటంటే..

ABN , Publish Date - May 24 , 2024 | 10:14 AM

ఈ ప్రపంచంలో ఎన్నో రకాల పక్షి జాతులు ఉన్నాయి. వేటికవే తమ తమ ప్రత్యేక లక్షణాలను కలిగి ఉంటాయి. పక్షి ఈకల్లో నెమలికి ఎంతో ప్రత్యేక స్థానం ఉంది. నెమలి ఈకలు ఎంతో అందంగా ఉంటాయనే సంగతి తెలిసిందే. అయితే నెమలి ఈకను మించిన ప్రత్యేకమైన ఈక ఒకటి ప్రస్తుతం సోషల్ మీడియాలో ట్రెండింగ్‌గా మారింది.

Viral: ఇది మామూలు పక్షి ఈక అనుకుంటున్నారా? దీని ఖరీదు 25 తులాల బంగారం కంటే ఎక్కువ.. కారణమేంటంటే..

Huia bird feather

ఈ ప్రపంచంలో ఎన్నో రకాల పక్షి జాతులు ఉన్నాయి. వేటికవే తమ తమ ప్రత్యేక లక్షణాలను కలిగి ఉంటాయి. పక్షి ఈకల్లో నెమలికి ఎంతో ప్రత్యేక స్థానం ఉంది. నెమలి ఈకలు ఎంతో అందంగా ఉంటాయనే సంగతి తెలిసిందే. అయితే నెమలి ఈకను మించిన ప్రత్యేకమైన ఈక ఒకటి ప్రస్తుతం సోషల్ మీడియాలో ట్రెండింగ్‌గా మారింది. ఎందుకంటే ఆ పక్షి ఈక (Bird feather) ఖరీదు అక్షరాలా 23 లక్షల రూపాయలు. అంటే 25 తులాల బంగారం కంటే ఎక్కువ ఖరీదు (Expensive feather). ఒక్క ఈకకు అంత ఖరీదు ఎందుకో తెలుసా? (Viral News)

ఈ ఈక న్యూజిలాండ్‌ (New Zealand)లో సంచరించే హుయియా పక్షికి (Huia bird) చెందినది. ఆ పక్షి జాతి ఇప్పుడు అంతరించిపోయింది. ఎంతో అందమైన ఈ పక్షులను అందరూ ఇష్టపడేవారు. వాటి ఈకలు కూడా చూడటానికి చాలా అందంగా, ప్రత్యేకంగా ఉంటాయి. దీంతో ఆ అంతరించిపోయిన పక్షికి సంబంధించిన ఓ ఈకను న్యూజిలాండ్‌కు చెందిన వెబ్ ఆక్షన్ హౌస్ ఈ నెల 20న వెబ్ వేలం వేసింది (Huia bird feather). రూ.1.53 లక్షలను ఈ ఈకకు వేలం ధరగా నిర్ణయించింది. అయితే ఎవరూ ఊహించనంతంగా ఈ ఈకకు ఏకంగా రూ.23 లక్షలకు పైగా ధర పలకడం అందరికీ షాక్ కలిగించింది.

న్యూజిలాండ్‌లోని మవోరీ జాతి ప్రజలు హుయియా పక్షిని దైవంగా భావిస్తారు. ఆ తెగ పెద్దలు ఆ పక్షి ఈకలను తమ కిరీటాలలో ధరిస్తారు. అంతేకాదు ఈ ఈకలను అప్పట్లో అమ్ముకునే వారు. ఒకరికొకరు బహుమతులుగా ఇచ్చి పుచ్చుకునే వారు. అయితే ఆ పక్షులు క్రమంగా అంతరించి పోయాయి. చివరి సారిగా 1907లో ఓ హాయియా పక్షి కనిపించినట్టు రికార్డులను బట్టి తెలుస్తోంది.