ఎన్‌సీసీ వారోత్సవాలు.. కరీంనగర్‌లో సేవా కార్యక్రమం

దేశవ్యాప్తంగా ఎన్‌సీసీ వారోత్సవాలు ఘనంగా జరుగుతున్నాయి. వీటిని పురస్కరించుకుని కరీంనగర్‌లో కార్ఖానాగడ్డలోని జిల్లా పరిషత్ ప్రభుత్వ ఉన్నత పాఠశాలకు చెందిన ఎన్‌సీసీ కేడెట్లు పలు సేవా కార్యక్రమాలు చేపట్టారు. అందులోభాగంగా ప్రభుత్వ వృద్ధాశ్రమాన్ని వారు సందర్శించారు. ఆ క్రమంలో వృద్ధాశ్రమంలో ఆశ్రయం పొందుతున్న వృద్ధులు, వికలాంగులు, అంధులకు పళ్లు పంచి పెట్టారు. ఈ కార్యక్రమంలో ఎన్‌సీసీ ANO ఫస్ట్ ఆఫీసర్ కె. త్రివేణి ఆధ్వర్యంలో నిర్వహించారు. ఈ సందర్భంగా కె. త్రివేణి మాట్లాడుతూ.. ఇటువంటి సేవా కార్యక్రమాలు చేపట్టడం ద్వారా విద్యార్థుల్లో దయా, ప్రేమ, కరుణా, సేవా భావం అలవడతాయని తెలిపారు. ఈ కార్యక్రమంలో వృద్ధాశ్రమ అధికారి రాధిక, పాఠశాల ఉపాధ్యాయులు, ఎన్‌సీసీ కేడెట్లు పాల్గొన్నారు.