Skin Issues: గర్భధారణ సమయంలో చర్మ సమస్యలు, వాటి లక్షణాలు ఎలా ఉంటాయంటే..!

గర్భం దాల్చగానే శరీరంలో చాలా రకాల మార్పులు వస్తూ ఉంటాయి. ముఖ్యంగా పొట్ట భాగంలో చర్మం సాగుతూ ఉంటుంది. నెలలు గడిచే కొద్దీ పెరుగుతూ ఉంటుంది. ఇలా కావడం వల్ల కాస్త అసౌకర్యం, ఇంకాస్త చికాకు ఉంటాయి. దీనితో పాటు చర్మ సంబంధమైన సమస్యలు కూడా ఎక్కువగానే ఉంటాయి. ఇవి గర్భిణీ స్త్రీలు అత్యంత సాధారణంగా ఎదుర్కొనే సమస్యల్లో కొన్ని. వీటిలో హార్మోన్ల హెచ్చుతగ్గుల కారణంగా కలిగే చర్మ సంబంధమైన మార్పులలో మొటిమలు, సాగినట్టుగా కనిపించే పొట్ట భాగంలోని గుర్తులు, చర్మం నల్లబడటం వంటి అనేక రకాల చర్మ పరమైన సమస్యలకు కారణం అవుతాయి. హార్మోన్ల స్థాయిలు కారణంగా, ముఖ్యంగా ఈస్ట్రోజెన్, ప్రోజెస్టెరాన్, చర్మంలో నూనె శాతం అధికంగా ఉత్పత్తి కావడానికి కారణం అవుతుంది. దీనితో మెటిమలుగా పెరిగి ఇబ్బంది కలిగిస్తుంది. ఇలాంటి సమస్యలకు ఎలాంటి నివారణలున్నాయో తెలుసుకుందాం.

ముఖ్యంగా గర్భధారణ సమయంలో ముఖం మీద మొటిమలు ఎక్కువగా కనిపిస్తూ ఉంటాయి. చాలా మంది మహిళలలో చాలా ముదురుగా చిన్న చిన్న మచ్చలు, ఐరోలాలను గమనిస్తుంటాం.. అలాగే స్కిన్ టోన్ ముదురు రంగులో ఉండి చర్మం చిట్లినట్టుగా కనిపిస్తుంది. దీనికి మంచి సన్‌స్క్రీన్‌ని ఉపయోగించడం వల్ల, ముఖ్యంగా ముఖంపై ఇబ్బందిని తగ్గించడంలో సహాయపడుతుంది.

చర్మం మీద చారలు

దాదాపు ప్రతి గర్భిణీ స్త్రీకి సాగిన గుర్తులు కనిపిస్తాయి, ఇవి వక్షోజాల మీద, బొడ్డుపైకి వచ్చే ఎర్రటి గీతలుగా కనిపిస్తాయి. గర్భిణులు వేగంగా బరువు పెరిగితే అవి కనిపించే అవకాశం ఎక్కువగా ఉంటుంది. కాబట్టి బరువు పెరగడం గురించి వైద్యుని సలహాలను అనుసరించాలి. అయితే, స్ట్రెచ్ మార్కులు రావడం అనేది సాధారణంగా అందరిలో కనిపిస్తూనే ఉంటుంది.

మొటిమలు

ఈ రోగులలో చాలామంది గర్భధారణ సమయంలో మొటిమల గురించి ఆందోళన చెందుతారు. దీనికి శరీరంలోని ఆ హార్మోన్లన్నీ ఆయిల్ గ్రంధులు ఎక్కువ నూనెను స్రవించేలా చేస్తాయి, దీనివల్ల బ్రేక్‌అవుట్‌లు ఏర్పడతాయి. ఉదయం, సాయంత్రం సబ్బుతో ముఖాన్ని శుభ్రం చేసుకోవాలి. బిడ్డ పుట్టిన తర్వాత మొటిమల సమస్య పెరిగితే స్కిన్ డాక్టర్ని సంప్రదించాలి.

చర్మం టాగ్లు

వదులుగా, మారిన చర్మం పెరుగుదల గర్భధారణ సమయంలో శరీరంలో ఎక్కడైనా కనిపించవచ్చు, కానీ సాధారణంగా చేతులు, వక్షోజాల క్రింద పాపప్ అవుతాయి. డెలివరీ తర్వాత చిన్న చిన్న వ్యాయామాల ద్వారా దీనికి పరిష్కారం ఉంటుంది.

దురద, దద్దుర్లు..

గర్భధారణ సమయంలో దురద, దద్దుర్లు సాధారణం. ఈ సమయంలో దద్దుర్లు. దురద, ఎర్రటి పాచెస్ స్ట్రెచ్ మార్కుల చుట్టూ ఏర్పడతాయి.బొడ్డు ఎక్కువగా సాగినప్పుడు డెలివరీ చివరిలో చేతులు, కాళ్ళలకు ఈ దురదలు వ్యాపిస్తాయి. ఈ పరిస్థితి ప్రమాదకరం కాదు, కానీ చాలా చికాకు, బాధను కలిగిస్తుంది. దీనికి ట్రీట్మెంట్ తీసుకుంటే సరిపోతుంది.

బిడ్డను ప్రసవించిన తర్వాత ఈ సమస్యలలో చాలా వరకు క్లియర్ అవుతాయి, అయితే వాటిలో కొన్ని మెలస్మా, మొటిమలు, జుట్టు రాలడం వంటివి డెలివరీ తర్వాత కూడా కొనసాగుతాయి. గర్భధారణ సమయంలో కనిపించే రోగనిరోధక మార్పుల కారణంగా, దురద తగ్గుతుంది. గర్భధారణ సమయంలో ఈ చర్మ సమస్యలను గమనించిన తర్వాత తప్పనిసరిగా డాక్టర్‌ను సంప్రదించాలి.

మరిన్ని హెల్త్ న్యూస్ కోసం ఇక్కడ క్లిక్ చేయండి.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏవైనా సందేహాలు ఉంటే వైద్య నిపుణులను సంప్రదించండి)