ఢిల్లీ: రోడ్డు రవాణా, రహదారుల మంత్రిత్వ శాఖ డ్రైవింగ్ లైసెన్స్ పొందే ప్రక్రియను సులభతరం చేసే ఉద్దేశంతో జూన్ 1 నుంచి కొత్త నిబంధనలు అమలు చేసేందుకు సిద్ధమైంది.

డ్రైవింగ్ టెస్ట్ అక్కర్లేదు...

దరఖాస్తుదారులు ఇకపై ప్రాంతీయ రవాణా కార్యాలయం(RTO) వద్ద డ్రైవింగ్ టెస్ట్ రాయాల్సిన అవసరం లేదు. బదులుగా గుర్తింపు పొందిన ప్రైవేట్ డ్రైవింగ్ స్కూళ్లలో నిర్వహించవచ్చు. దరఖాస్తుదారులు వీటిల్లో ఉత్తీర్ణత సాధిస్తే ధృవీకరణ పత్రాన్ని అందుకుంటారు. ఆ తర్వాత డ్రైవింగ్ లైసెన్స్ కోసం దరఖాస్తు చేసుకోవచ్చు. డ్రైవింగ్ టెస్ట్ నిర్వహించేందుకు అనుమతినిస్తూ ప్రైవేట్ వ్యక్తులకు కేంద్రం సర్టిఫికెట్లు జారీ చేస్తుంది. అయితే గుర్తింపు పొందిన డ్రైవింగ్ స్కూల్ నుండి సర్టిఫికేట్ లేనట్లయితే, అభ్యర్థి RTO ఆఫీస్ వద్ద డ్రైవింగ్ టెస్ట్‌కు హాజరుకావాలి.

జరిమానాలు..

చెల్లుబాటు అయ్యే లైసెన్స్ లేకుండా కారు నడపితే రూ.2వేల వరకు జరిమానా విధిస్తారు. మైనర్‌లు డ్రైవ్ చేస్తే రూ.25 వేల జరిమానాతోపాటు, వాహన రిజిస్ట్రేషన్ సర్టిఫికేట్‌ని రద్దు చేస్తారు. తల్లిదండ్రులపై చర్యలు తీసుకుంటారు.

వాహనాల తొలగింపు..

కాలం చెల్లిన 9,000 ప్రభుత్వ వాహనాలను దశలవారీగా తొలగించాలని కేంద్రం ఆలోచిస్తోంది. వాహన కాలుష్యాన్ని తగ్గించి ఎలక్ట్రిక్ వాహనాల కొనుగోలును ప్రోత్సహించాలని భావిస్తోంది.

దరఖాస్తు విధానం..

డ్రైవింగ్ లైసెన్స్ కోసం దరఖాస్తును సమర్పించే విధానం మారదు. అయితే, కొత్త డ్రైవింగ్ లైసెన్స్ పొందేందుకు అవసరమైన పత్రాలను మంత్రిత్వ శాఖ సులభతరం చేసింది. జూన్ 1 తరువాత తక్కువ పత్రాలు అవసరమవుతాయి. అభ్యర్థులు ఏ వాహనానికైతే లైసెన్స్ తీసుకుంటారో దానిపైనే ధృవపత్రాల భారం తగ్గుతుంది.

సవరించిన ఫీజు వివరాలు..

లెర్నర్ లైసెన్స్ రూ.200

లెర్నర్ లైసెన్స్ పునరుద్ధరణ రూ.200

అంతర్జాతీయ లైసెన్స్ రూ.1,000

శాశ్వత లైసెన్స్ రూ.200

శాశ్వత లైసెన్స్ పునరుద్ధరణ రూ.200

ప్రైవేట్ డ్రైవింగ్ స్కూళ్లు అనుసరించాల్సిన గైడ్‌లైన్స్ ఇవే..

ప్రైవేట్‌ డ్రైవింగ్‌ శిక్షణా కేంద్రం ఏర్పాటుకు సైతం కేంద్రం పలు నిబంధనలు పెట్టింది. లైట్‌ మోటార్ వెహికల్‌ డ్రైవింగ్‌ శిక్షణ కోసం అయితే ఒక ఎకరం భూమి కలిగి ఉండాలని స్పష్టం చేసింది. అలాగే ఫోర్‌ వీలర్‌ శిక్షణ కోసం అయితే మరో 2 ఎకరాల భూమి అదనంగా ఉండాలని చెప్పింది. కేంద్ర ప్రభుత్వం సూచనల మేరకు అన్ని రకాల సౌకర్యాలు కలిగి ఉంటేనే వారికి ప్రభుత్వం లైసెన్స్‌ జారీ చేస్తుంది.

కొత్త డ్రైవింగ్ లైసెన్స్ కోసం ఎలా దరఖాస్తు చేయాలి?

1. లింక్ క్లిక్ చేయండి

2. మీ రాష్ట్రాన్ని ఎంచుకోండి

3. "డ్రైవింగ్ లైసెన్స్" మెను నుండి "కొత్త డ్రైవింగ్ లైసెన్స్" పై క్లిక్ చేయండి

4. తదుపరి కొనసాగడానికి "లెర్నింగ్ లైసెన్స్ నంబర్", "పుట్టిన తేదీ"ని ఎంటర్ చేయండి

5. దరఖాస్తు ఫారమ్ నింపండి

6. కొనసాగించడానికి తదుపరి బటన్‌పై క్లిక్ చేయండి

7. ఒరిజినల్ డాక్యుమెంట్లు, ఫీజు స్లిప్‌తో షెడ్యూల్ చేసిన తేదీలో RTO కార్యాలయాన్ని సందర్శించండి

UBER: త్వరలో ఉబర్ బస్సులు.. మొదట ఆ నగరంలోనే

మరిన్ని జాతీయ వార్తల కోసం ఇక్కడ క్లిక్ చేయండి..