Times: టైమ్స్ అత్యంత ప్రభావవంతమైన 100 మంది జాబితాలో అజయ్ బంగా, అలియా భట్, సాక్షి మాలిక్

టైమ్స్ మ్యాగజైన్ 2024లో అత్యంత ప్రభావవంతమైన 100 మంది వ్యక్తుల జాబితాను బుధవారం విడుదల చేసింది. ఈ జాబితాలో ప్రపంచ బ్యాంక్ ప్రెసిడెంట్ అజయ్ బంగా(Ajay Banga), మైక్రోసాఫ్ట్ సీఈవో సత్య నాదెళ్ల(Satya Nadella), ఒలింపిక్ పతక విజేత రెజ్లర్ సాక్షి మాలిక్(Sakshi Malik), నటి అలియా భట్‌లకు(Alia Bhatt) చోటు దక్కింది. మాజీ రెజ్లింగ్ ఫెడరేషన్ ఆఫ్ ఇండియా ప్రెసిడెంట్ బ్రిజ్ భూషణ్ శరణ్ సింగ్ మహిళా రెజ్లర్లపై లైంగిక వేధింపులకు పాల్పడ్డారని ఆరోపించినందుకు సాక్షి ఆమె చేసిన పోరాటానికి జాబితాలో చేర్చబడింది. అయితే నటనతో పాటు దాతృత్వ కార్యక్రమాలకు చేసిన కృషికి ఆలియా భట్ జాబితాలో చోటు దక్కించుకుంది.

ఈ జాబితాలో హాలీవుడ్ నటుడు దేవ్ పటేల్(dev patel) పేరు కూడా చేరింది. అతను ఇండో-బ్రిటీష్ మూలానికి చెందినవారు. అమెరికాలోని లోన్ ప్రోగ్రామ్ ఆఫీస్ డైరెక్టర్ జిగర్ షా పేరు కూడా ఈ జాబితాలో ఉంది. అతను గుజరాత్‌లోని మొదాసాలో జన్మించారు. వ్యాపారవేత్త అజయ్ బంగా(Ajay Banga) కూడా టైమ్స్ 100 అత్యంత ప్రభావవంతమైన వ్యక్తుల జాబితాలో చోటు సంపాదించారు. ఆయన ప్రపంచ బ్యాంకు అధ్యక్షులు. ఆయన మహారాష్ట్రలోని పూణేలో జన్మించారు. ప్రముఖ చెఫ్ అసమాన్ ఖాన్ పేరు కూడా జాబితాలో ఉంది. కోల్‌కతాలో జన్మించిన అస్మా లండన్‌లోని డార్జిలింగ్ ఎక్స్‌ప్రెస్ రెస్టారెంట్ యజమానిగా ఉన్నారు.

ఈ జాబితాలో ప్రియంవద నటరాజన్ కూడా చోటు దక్కించుకున్నారు. తమిళనాడులోని కోయంబత్తూరులో జన్మించిన ప్రియంవద నటరాజన్(natarajan priyamvada) అమెరికాలోని యేల్ యూనివర్సిటీలో ఖగోళ శాస్త్రం, భౌతికశాస్త్రంలో ప్రొఫెసర్‌గా పనిచేస్తున్నారు. ఆమె బ్లాక్ హోల్స్‌పై చేసిన పరిశోధనలకు గుర్తింపు పొందారు. అలాగే రష్యా ప్రతిపక్ష నేత అలెక్సీ నవల్నీ భార్య యూలియా నవల్నాయా(Yulia Navalnaya) కూడా ఈ లిస్టులో ఉన్నారు.

ఇది కూడా చదవండి:

SIP: ప్రతి రోజు రూ.110 ఇన్‌వెస్ట్ చేయండి.. కోటీశ్వరులుగా మారండి

Business Idea: ఉద్యోగానికి బై చెప్పేసి రూ.50,000తో వ్యాపారం.. ఇప్పుడు నెలకు లక్షల్లో ఆదాయం!

మరిన్ని బిజినెస్ వార్తల కోసం