Viral Video: దీని ముందు పిజ్జా ఎందుకూ పనికి రాదు.. ఆసక్తిర వీడియో షేర్ చేసిన ఆనంద్ మహీంద్రా!

ప్రముఖ పారిశ్రామికవేత్త ఆనంద్ మహీంద్రా (Anand Mahindra) సోషల్ మీడియాలో యాక్టివ్‌గా ఉంటారు. తనకు నచ్చిన ఆసక్తికర, అద్భుత వీడియోలను ట్విటర్‌లో పోస్ట్ చేస్తుంటారు. తాజాగా ఆయన ఓ వీడియోను షేర్ చేశారు. ఆ వీడియోలో ఓ వ్యక్తి భారీ పరోటాను (Paratha) తయారు చేశాడు. ఆ వీడియోను షేర్ చేసిన ఆనంద్ మహీంద్రా.. ఆ పరోటా ముందు పిజ్జా (Pizza) ఎందుకూ పనికిరాదని కామెంట్ చేశారు. ఆ వీడియో సోషల్ మీడియాలో వైరల్ అవుతోంది (Viral Video).

వైరల్ అవుతున్న ఆ వీడియోలో ఓ వ్యక్తి హోటల్ కిచెన్‌లో ఓ భారీ పరోటాను సిద్ధం చేస్తున్నాడు. ఒకడే పరోటా ముద్దను కలిపి అందులో కూర వేసి భారీ పెనంపై కాల్చాడు. అనంతరం దానిని ఓ పెద్ద పళ్లెంలో వేసి కట్ చేసి సర్వ్ చేశారు. ఆ భారీ పరోటాను సులభంగా 8 మంది వరకు తినెయ్యొచ్చు. పరోటా తయారీకి సంబంధించిన ఆ వీడియో ఆనంద్ మహీంద్రాను బాగా ఆకట్టుకుంది. ఆయన ఆ వీడియోను షేర్ చేశారు. ఆ వీడియో సోషల్ మీడియాలో వైరల్‌గా మారింది.

ఆనంద్ మహీంద్రా షేర్ చేసిన ఆ వీడియో చాలా మందిని ఆకట్టుకుంటోంది. ఈ వీడియోను ఇప్పటివరకు 8.2 లక్షల మందికి పైగా వీక్షించారు. 18 వేల మందికి పైగా లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``అద్భుతం``, ``పిజ్జాతో పోల్చుకుంటే ఇది చాలా ఆరోగ్యకరం``, ``అద్భుతమైన ట్యాలెంట్`` అంటూ నెటిజన్లు కామెంట్లు చేశారు.