గేర్ కార్, నాన్ గేర్డ్ కార్ ఏది బెటర్.. ఏది అత్యధిక మైలేజ్ ఇస్తుందంటే...

కారు కొనుగోలు చేసినప్పుడు లేదా కార్లకు సంబంధించిన సమాచారం తెలుసుకునేటప్పుడు గేర్ కార్, నాన్ గేర్డ్ కార్‌(Gear car, non-geared car)కు సంబంధించిన అనేక సందేహాలు మన మనసులో తలెత్తుతాయి. నిజానికి గేర్, నాన్-గేర్డ్ కార్లు విభిన్న ప్రయోజనాలు కలిగివుంటాయి. గేర్ ఉన్న కారు మైలేజీ విషయానికి వస్తే ఇది సాధారణంగా గేర్ లేని కార్ల కంటే మెరుగ్గా ఉంటుంది. అయితే గేర్డ్ కార్లు మెరుగైన ట్రాన్స్‌మిషన్(Transmission), ఇంజన్‌ కలిగివుంటాయి.

నాన్-గేర్డ్ కార్ల కంటే గేర్ ఉన్న కార్లు ఎక్కువ మైలేజీని ఇస్తాయి. అయితే ఇది మీరు ఎంచుకున్న కారుపై కూడా ఆధారపడి ఉంటుంది. గేర్డ్ వాహనాలతో పోలిస్తే మెరుగైన మైలేజీ(Mileage)ని ఇచ్చే అనేక నాన్-గేర్డ్ కార్లు అందుబాటులో ఉన్నాయి. అందువల్ల మీరు మీ అవసరాలకు అనుగుణంగా గేర్ లేదా నాన్-గేర్డ్ కారును ఎంచుకోవచ్చు. ఇంతేకాకుండా గేర్లు లేని కార్ల కంటే గేర్లు ఉన్న కార్లు ఎక్కువ శక్తిని ఆదా చేస్తాయి. గేర్ లేని వాహనాల కంటే గేర్డ్ కార్లు మెరుగైన టార్క్‌(Torque)ను అందిస్తాయి.

ఇదిలావుంటే వాహనాన్ని పార్క్ చేస్తున్నప్పుడు ఏ గేర్‌తో ఎంగేజ్ చేయాలో తెలియక చాలామంది గందరగోళానికి లోనవుతుంటారు, అటువంటి సందర్భంలో మొదటి గేర్ ఉపయోగించాలని నిపుణులు సూచిస్తున్నారు. ఫలితంగా మీ కారు ఒకే చోట లాక్(Lock) అవుతుందని, ఆ స్థలం నుండి అది కదలదని తెలిపారు.