Viral Video: ఇంజనీర్లను కూడా మించిన క్రియేటివిటీ.. స్కార్పియో కారును కొనలేక.. ఓ ఆటోడ్రైవర్ వింత తెలివి..!
ABN , First Publish Date - 2023-11-21T22:15:01+05:30 IST
ఓ ఆటోవాలా తన ఆటో వెనక భాగాన్ని మహీంద్రా కారు వెనక భాగాన్ని పోలి ఉండేలా డిజైన్ చేయించుకున్నాడు.
ఇంటర్నెట్ డెస్క్: కొందరు ఆటోవాలాలు తమ ఆటోలను రకరకాలుగా అలంకరిస్తారన్న విషయం తెలిసిందే. ఆటోను శుభ్రంగా ఉంచుకోవడమే కాకుండా, దాన్ని అలంకరించిన తీరు చూస్తే కచ్చితంగా ముచ్చటేస్తుంది. అయితే, నెట్టింట్లో వైరల్ అవుతున్న ఓ ఆటోవాలా వీడియో(Viral Video) జనాలకు ఇంతకు మించి కిక్కిస్తోంది. ఓరి దేవుడో ఇదేం క్రియేటివిటీరా బాబూ అంటూ వారు షాకైపోతున్నారు.
వీడియోలోని ఓ ఆటోవాలా తన ఆటో వెనక భాగాన్ని మహీంద్రా కారు వెనక భాగాన్ని పోలి ఉండేలా డిజైన్ చేయించుకున్నాడు. ఆ డిజైన్ ఎంత కచ్చితంగా ఉందంటే వెనక నుంచి చూస్తే అది నిజంగా కారేమో అనే భ్రమ కలుగుతుంది. ఇక వీడియోలో కూడా కారును అచ్చు ఇదే విధంగా చూపించడంతో జనాలు షాకైపోతున్నారు. ఓరి దేవుడా ఇదేం క్రియేటివిటీ అంటూ నెత్తీనోరు కొట్టుకుంటున్నారు(auto that looks like a scorpio from behind goes viral).
Viral Video: లోకల్ ట్రైన్లో ఫైవ్స్టార్ రెస్టారెంట్..విదేశాల్లో కాదండోయ్.. మన దగ్గరే..!
వీడియో జనాలకు బాగా నచ్చడంతో కుప్పలుతెప్పలుగా వ్యూస్ వచ్చిపడ్డాయి. మనీష్ త్యాగీ అనే ఇన్స్టా హ్యాండిల్లో తొలిసారి ప్రత్యక్షమైన ఈ వీడియో కొద్ది రోజులకే ఆరున్నర లక్షల వ్యూస్ సాధించింది. ఆటో, స్కార్పియోను కలగలిపినట్టున్న దీనికి స్కార్పిటో అని పెరు పెట్టాలని కొందరు వ్యాఖ్యానించారు. ఆటోలో సీట్లు గట్రా బాగుండటాన్ని గమనించిన కొందరు దాన్ని లగ్జరీ ఆటోగా అభివర్ణించారు. వీడియో ప్రస్తుతం ట్రెండింగ్లో ఉంది.