Viral Video: లోకల్ ట్రైన్లో ఫైవ్స్టార్ రెస్టారెంట్..విదేశాల్లో కాదండోయ్.. మన దగ్గరే..!
ABN , First Publish Date - 2023-11-21T18:48:54+05:30 IST
ముంబై లోకల్ ట్రెయిన్లో ఇద్దరు యువకులు ఫైవ్ స్టార్ రెస్టారెంట్ ఓపెన్ చేసిన తీరు నెట్టింట వైరల్గా మారింది.
ఇంటర్నెట్ డెస్క్: ఈ సోషల్ మీడియా యువతరానికి బుర్రనిండా ఐడియాలే! ఒక్కో ఐడియాను అమలు చేయడం.. నెట్టింట్లో వీడియోలతో సహా ఆ విశేషాలను పంచుకోవడం..క్షణాల్లో వైరల్ అయిపోవడం..ఇది ప్రస్తుతం యువత ఫాలో అవుతున్న ట్రెండ్. ఏ క్షణంలో ఎవరికి ఎలాంటి ఐడియా వచ్చి పాప్యులర్ అయిపోతారో చెప్పడం కష్టం. ప్రస్తుతం మనం చెప్పుకోబోయే ఇద్దరు యువకులు అలాంటి సంచలనాన్నే సృష్టించారు. ఏకంగా ముంబై లోకల్ ట్రెయిన్లోనే ఓ ఫైవ్ స్టార్ రెస్టారెంట్ ప్రారంభించి కలకలానికి తెరలేపారు(Youth opens five star restaurant in mumbai local train). వినడానికి వింతగా ఉన్న ఇది నిజం.
అసలు..ఫైవ్ స్టార్ అన్న రేటింగ్కు అర్థం ఏంటి? అని అడిగితే అన్ని సౌకర్యాలు కల్పించడమే అని ఈ ఇద్దరు చెబుతున్నారు. ఈ ఫార్ములానే వారు ఆచరణలోపెట్టి రైల్లో ఫైవ్ స్టార్ రెస్టారెంట్ ఓపెన్ చేశారు. ఎలా అంటే ముందుగా వారు ముంబై స్టేషన్లన్నీ తిరుగుతూ రెస్టారెంట్ ఎప్పుడు ఓపెన్ చేయబోయేది చెబుతూ పాంప్లేట్లు పంచారు. ఆ రోజున అందరికీ ఉచితంగా ఆహారం సర్వే చేస్తామని కూడా చెప్పారు. వారిచ్చిన ప్రకటన చూసి తొలుత ఎవ్వరూ నమ్మలేదు.
Viral: నేను వరల్డ్ కప్ మ్యాచ్ చూడను.. ఆనంద్ మహింద్రా సంచలన ప్రకటన..కారణం తెలిస్తే..
కానీ, ప్రారంభోత్సవం రోజున యువకులు అందరినీ ఊహించని విధంగా సర్ప్రైజ్ చేశారు. అన్ని ఆహార పదార్థాలు ఉన్న రెండు బ్యాగులు, ఓ చిన్న టేబుల్ తీసుకుని ఆ రోజున రైలు ఎక్కారు. అక్కడ కిటికీ వద్ద కనిపించిన కస్టమర్ల ముందు టేబుల్ వేసి, దానిపై ఓ తెల్లని వస్త్రం పరిచి ఫైవ్ స్టార్ హోటల్ స్థాయి రుచితో కూడిన ఆహారాన్ని సర్వ్ చేశారు. యువకులు సర్వ్ చేసిన ఫుడ్ అద్భుతంగా ఉండటంతో ప్రయాణికులు కూడా ఆశ్చర్యపోయారు. దీంతో, ఈ వీడియో నెట్టింట వైరల్గా(Viral Video) మారింది.