Venky Atluri: మౌత్‌టాక్‌ మనీగా మారింది
ABN , First Publish Date - 2023-02-26T20:42:15+05:30 IST
వైవిధ్య నటుడు ధనుష్ (Dhanush) హీరోగా నటించిన సినిమా ‘వాత్తి’ (Vaathi). సంయుక్తా మీనన్ (Samyuktha Menon) హీరోయిన్‌గా నటించారు. వెంకీ అట్లూరి (Venky Atluri) దర్శకత్వం వహించారు. సితార ఎంటర్‌టైన్‌మెంట్స్ భారీ బడ్జెట్‌తో నిర్మించింది.
కోలీవుడ్ స్టార్ ధనుష్ (Dhanush) హీరోగా నటించిన సినిమా ‘వాత్తి’ (Vaathi). సంయుక్తా మీనన్ (Samyuktha Menon) హీరోయిన్‌గా నటించారు. వెంకీ అట్లూరి (Venky Atluri) దర్శకత్వం వహించారు. సితార ఎంటర్‌టైన్‌మెంట్స్ భారీ బడ్జెట్‌తో నిర్మించింది. ఈ చిత్రం ప్రపంచవ్యాప్తంగా ఫిబ్రవరి 17న విడుదలైంది. బాక్సాఫీస్ వద్ద భారీ వసూళ్లను రాబట్టింది. ఈ నేపథ్యంలో చిత్రబృందం చెన్నైలో సక్సెస్ మీట్‌ను నిర్వహించింది. ఈ సందర్భంగా ‘వాత్తి’ బ్లాక్ బాస్టర్ విజయానికి మీడియానే కారణమని వెంకీ అట్లూరి చెప్పారు.
‘‘వాత్తి మూవీ విడుదలకు ముందే మీడియాకు ప్రత్యేకంగా షోను వేశాం. ఈ సినిమాను చూసిన వారు మంచి రేటింగ్‌ ఇస్తూ, పాజిటివ్‌ రివ్యూలు రాశారు. ఇదే పాజిటివ్‌ టాక్‌ సినిమాను చూసిన ప్రతి ఒక్క ప్రేక్షకుడిలోనూ కనిపించింది. ఆ మౌత్‌టాక్‌ మనీగా మారింది. ఫలితంగా ఎనిమిది రోజుల్లో ఈ చిత్రం రూ.75 కోట్ల గ్రాస్‌ కలెక్షన్స్ రాబట్టింది. ఇంతకుమించి ఇంకేం కావాలి. ఈ సినిమా కోసం పనిచేసిన ప్రతి ఒక్క టెక్నీషియన్‌కు కృతజ్ఞతలు. నాపై నమ్మకం ఉంచిన హీరో ధనుష్, నిర్మాతలకు ధన్యవాదాలు’ అని వెంకీ అట్లూరి పేర్కొన్నారు. అనంతరం చిత్రబృందం కేక్ కట్‌ చేసి సంబరాలు చేసుకున్నారు. ఈ మూవీని ప్రముఖ నిర్మాత లలిత్‌ కుమార్‌ సెవెన్‌ స్ర్కీన్‌ స్టూడియోస్‌‌పై తమిళంలో రిలీజ్‌ చేశారు. ఈ సినిమా ‘సార్’ టైటిల్‌తో తెలుగు ప్రేక్షకుల ముందుకు వచ్చింది.
^^^^^^^^^^^^^^^^^^^^^^
ఇవి కూడా చదవండి:
Ashwini Dutt: ‘ప్రాజెక్ట్ కె’ ఆసక్తికర సంగతులు చెప్పిన నిర్మాత.. మ్యూజిక్ డైరెక్టర్‌లో మార్పు..
RRR: ఇంటర్నేషనల్ అవార్డ్స్‌లో టామ్ క్రూజ్, బ్రాడ్ పిట్‌లతో పోటీ పడుతున్న రామ్ చరణ్, తారక్
