Viral Video: వీళ్లందరూ వచ్చింది రేషన్ కోసం కాదు.. ఉద్యోగాల కోసం.. వైరల్ అవుతున్న వీడియో!

మనదేశంలో నిరుద్యోగం అనేది ఎప్పట్నుంచో ప్రధాన సమస్యగా ఉంటోంది. దేశంలోని అన్ని రాష్ట్రాల్లోనూ నిరుద్యోగం కారణంగా యువత నిరాశకు గురవుతోంది. ఒక్కో ఉద్యోగానికి వేలాది మంది అభ్యర్థులు దరఖాస్తులు చేస్తున్నారు. ప్రస్తుతం వైరల్ అవుతున్న ఓ వీడియో చూస్తే నిరుద్యోగం (Un employment) ఏ స్థాయిలో ఉందో అర్థమవుతోంది. తాజాగా హైదరాబాద్‌లోని (Hyderabad) ఓ కంపెనీ వాక్-ఇన్ ఇంటర్వ్యూకు (Walk-in Interview) ప్రకటన ఇచ్చింది. ఆ కంపెనీ ముందు వేలాది మంది యువతీయువకులు నిలబడి ఉండడం చాలా మందికి షాక్ ఇస్తోంది.

@freshercareers.in అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. హైదరాబాద్‌లోని ఒక సంస్థలో వాక్-ఇన్ ఇంటర్వ్యూ కోసం వేలాది మంది యువతీ యువకులు తమ రెజ్యూమ్‌లు పట్టుకుని గేటు ముందు నిలబడి ఉన్నారు. గేట్ ఓపెన్ చేయగానే ఒకరినొకరు తోసుకుంటూ లోపలికి వెళ్తున్నారు. అయితే సెక్యూరిటీ గార్డులు కొంతమందిని మాత్రమే లోపలికి అనుమతిస్తున్నారు. నిరుద్యోగం ఏ స్థాయిలో ఉందో తెలిపే ఈ వీడియో సోషల్ మీడియాలో వైరల్ అవుతోంది (Viral Video).

ఈ వీడియోను ఇప్పటివరకు మిలియన్ మందికి పైగా వీక్షించారు. 3 లక్షల మందికి పైగా లైక్ చేశారు. ఈ వైరల్ వీడియోపై నెటిజన్లు తమ స్పందనలను తెలియజేస్తున్నారు. ``నిరుద్యోగం చాలా పీక్ స్టేజ్‌లో ఉంది``, ``ఈ సమస్య ఎప్పటికీ పరిష్కారం కాదు``, ``ఇలాంటి వీడియోలను రాజకీయ నాయకులకు పంపించాలి`` అంటూ నెటిజన్లు కామెంట్లు చేస్తున్నారు.