Electric poles: విద్యుత్‌ స్తంభాలకు ‘క్యూ ఆర్‌’ కోడ్‌

పెరంబూర్‌(చెన్నై): తిరుప్పూర్‌ కార్పొరేషన్‌ పరిధిలో విద్యుత్‌ స్తంభాలకు(Electric poles) ప్రయోగాత్మకంగా ‘క్యూ ఆర్‌’ కోడ్‌ ఏర్పాటు చేశారు. విద్యుత్‌ సరఫరాకు అంతరాయం కలిగినప్పుడు ఆయా ప్రాంతాల్లోని విద్యుత్‌ స్తంభాలను ఉద్యోగులు పరిశీలించి మరమ్మతులు చేపడుతుంటారు. అలాగే, వెలగని విద్యుద్దీపాలపై ప్రజలు ఫిర్యాదు చేస్తే సత్వరం వాటిని సరిచేస్తున్నారు. ఈ నేపథ్యంలో, ప్రజలకు మరింత సులభతరమైన సేవలందించేలా విద్యుత్‌ స్తంభాలకు క్యూ ఆర్‌ కోడ్‌ స్టిక్కర్లు అంటించారు. ఈ క్యూ ఆర్‌ కోడ్‌ స్కాన్‌ చేసి ఆ వీధి పేరు, విద్యుత్‌ స్తంభం నెంబరు తదితర వివరాలు తెలుసుకోవడంతో పాటు విద్యుత్‌ సరఫరా అంతరాయం, వెలగని వీధి దీపాలపై ప్రజలు అందులోనే ఫిర్యాదు చేసే వసతి కల్పించినట్లు అధికారులు తెలిపారు.