Samantha: సోషల్ మీడియాలో ఒకరినొకరు ప్రశంసించుకున్న సమంత, చిన్మయి

ABN , First Publish Date - 2023-02-02T18:36:52+05:30 IST

హీరోయిన్ సమంత (Samantha), సింగర్, డబ్బింగ్ ఆర్టిస్ట్ చిన్మయి (Chinmayi) మంచి స్నేహితులు అన్న సంగతి అందరికీ తెలిసిందే. సామ్, చిన్మయి మధ్య విభేదాలు ఉన్నాయని కొంత కాలంగా ప్రచారం జరుగుతుంది.

Samantha: సోషల్ మీడియాలో ఒకరినొకరు ప్రశంసించుకున్న సమంత, చిన్మయి

హీరోయిన్ సమంత (Samantha), సింగర్, డబ్బింగ్ ఆర్టిస్ట్ చిన్మయి (Chinmayi) మంచి స్నేహితులు అన్న సంగతి అందరికీ తెలిసిందే. సామ్, చిన్మయి మధ్య విభేదాలు ఉన్నాయని కొంత కాలంగా ప్రచారం జరుగుతుంది. అందువల్లే సామ్ నటిస్తున్న సినిమాలకు తానే డబ్బింగ్ చెప్పుకుంటుందని రూమర్స్ హల్‌చల్ చేస్తున్నాయి. చిన్మయి కూడా వాటికి స్పందించారు. తామిద్దరి మధ్య ఎటువంటి విభేదాలు లేవని పేర్కొన్నారు. అయినప్పటికీ, ఈ వదంతులు ఆగలేదు. అయితే, సామ్, చిన్మయి మధ్య సోషల్ మీడియాలో ఓ సంభాషణ జరిగింది. ఈ ముచ్చటను చూస్తే వీరిద్దరి మధ్య మంచి సంబంధాలు ఉన్నట్టు తెలుస్తోంది.

సమంత తాజాగా ‘సిటాడెల్’ (Citadel)వెబ్ సిరీస్ షూటింగ్‌ను ప్రారంభించారు. రాజ్ అండ్ డీకే దర్శకత్వం వహిస్తున్నారు. రుస్సో బ్రదర్స్ నిర్మిస్తున్నారు. ఈ వెబ్‌సిరీస్‌లో సామ్‌కు స్వాగతం చెబుతూ రుస్సో బ్రదర్స్ ట్విట్టర్‌లో ఓ పోస్ట్ పెట్టారు. ఈ పోస్ట్‌కు చిన్మయి భర్త రాహుల్ రవీంద్రన్ (Rahul Ravindran) రిప్లై ఇచ్చారు. ‘‘సమంత ప్రయాణం ఏ విధంగా మొదలైందో నాకింకా గుర్తుంది. రుస్సో బ్రదర్స్ ఆమెను ప్రాజెక్టులోకి స్వాగతించడం చూస్తుంటే గర్వంగా ఉంది’’ అని రాహుల్ రవీంద్రన్ తెలిపారు. రాహుల్ పోస్ట్‌కు చిన్మయి రిప్లై ఇస్తూ..‘‘సమంత ఓ క్వీన్’’ అని పొగిడారు. అందుకు సామ్ రిప్లై ఇచ్చారు. ‘‘నేను కాదు చిన్మయి నువ్వే క్వీన్‌వి’’ అని సామ్ కామెంట్ చేశారు. హీరోయిన్‌గా సమంత ‘ఏ మాయ చెసావె’ తో ఇండస్ట్రీలోకి ఎంట్రీ ఇచ్చారు. ఈ సినిమాలో జెస్సీ అనే పాత్రలో కనిపించారు. అప్పటి నుంచి సామ్ నటించిన చిత్రాలన్నింటికి చిన్మయే డబ్బింగ్‌ చెప్పేవారు. ఫలితంగా వీరు మంచి స్నేహితులయ్యారు. అయితే, ‘యూటర్న్‌’ నుంచి సామ్‌ తెలుగులో తన పాత్రలకు తానే డబ్బింగ్‌ చెప్పుకుంటున్నారు. తాజాగా వచ్చిన ‘యశోద’ కూడా ఆమె డబ్బింగ్ చెప్పుకొన్నారు.

Updated Date - 2023-02-02T18:40:57+05:30 IST