pet from the summer heat: ఈ వేసవిలో హీట్‌స్ట్రోక్ నుండి డీహైడ్రేషన్ వరకూ మీ పెట్స్‌ని తరుముతూనే ఉంటాయి. వీటి నుంచి రక్షించాలంటే..!

ABN , First Publish Date - 2023-03-30T19:33:44+05:30 IST

రెగ్యులర్‌గా గ్రూమింగ్ చేయడం వల్ల వేసవి నెలల్లో పెట్ చల్లగా ఉంటుంది.

pet from the summer heat: ఈ వేసవిలో హీట్‌స్ట్రోక్ నుండి డీహైడ్రేషన్ వరకూ మీ పెట్స్‌ని తరుముతూనే ఉంటాయి. వీటి నుంచి రక్షించాలంటే..!
pet from the summer heat

ఈ వేసవికాలం హీట్‌స్ట్రోక్ నుండి డీహైడ్రేషన్ వరకు అనేక అనారోగ్యాలకు గురయ్యే అవకాశం ఉన్నందు వల్ల పెంపుడు జంతువులకు చాలా కఠినమైన రోజులనే చెప్పాలి. రానున్న వేసవి నెలలు వాతావరణంలో మార్పుతో పాటుగా, మీ పెట్స్ దినచర్య కూడా మారాలి. పెట్స్‌ను ఆరోగ్యంగా ఉంచడానికి హైడ్రేషన్ కీలకమైనది. పెంపుడు జంతువులు వేసవి వేడిని తట్టుకోవటానికి మంచినీటి సౌకర్యం కల్పించడం చాలా ముఖ్యం, ఎందుకంటే దాహంగా అనిపించినపుడు, నీరు అందకపోతే ఇవి దొరికిన చోటల్లా నీటిని తాగేస్తాయి. దీనితో కడుపు ఇన్ఫెక్షన్లకు దారితీసే అవకాశం ఉంటుంది. పెట్స్ శరీరం కూల్‌గా ఉండాలంటే వాటికి ఆహారంలో హైడ్రేటింగ్ పండ్లు, కూరగాయలను కూడా చేర్చవచ్చు. ఇది కాకుండా మీ పెట్స్‌ను చల్లగా ఉంచే కూలింగ్ మ్యాట్‌లు, పావ్‌బామ్ అవసరం కావచ్చు. ఇవి పెంపుడు జంతువులు వేసవి వేడిని అధిగమించడంలో సహాయపడతాయి.

పెట్స్ వేసవినివేడితో చాలా అసౌకర్యంగా భావిస్తాయి. వేసవిలో పెరుగుతున్న వేడి మన జంతువులకు ప్రమాదకరం, ఇది హీట్‌స్ట్రోక్, డీహైడ్రేషన్, ఇతర ఆరోగ్య సమస్యలకు దారితీస్తుంది. దీని నుంచి తప్పించుకోవాలంటే కొన్ని జాగ్రత్తలు తప్పని సరి అవేంటంటే..

1. పెట్స్‌ను హైడ్రేటెడ్‌గా ఉంచండి: పెట్స్‌కు రోజంతా శుభ్రమైన, మంచినీరు అందుబాటులో ఉండేలా చూసుకోవాలి. వాటి నీటిని క్రమం తప్పకుండా మారుస్తూ ఉండాలి. అలాగే చల్లగా ఉంచడానికి నీటిలో కొన్ని ఐస్ క్యూబ్స్ వేయవచ్చు. పెరుగు, తీయని మజ్జిగ వంటి సహజమైన ఆహారాన్ని అందివ్వడం వల్ల వేడిని అధిగమించడంలో వాటికి సహాయపడతాయి.

2. పీక్ అవర్స్‌లో వ్యాయామానికి తీసుకువెళ్ళవద్దు: పెంపుడు జంతువులను వేడిగా ఉండే సమయంలో కాకుండా, ఉష్ణోగ్రత చల్లగా ఉన్నప్పుడు ఉదయాన్నే లేదా సాయంత్రం ఆలస్యంగా నడకకు తీసుకెళ్లండి. అలాగే గడ్డిపై నడవడం కూడా వాటికి మంచి ఉత్సాహాన్ని ఇస్తుంది.

3. రుచికరమైన విందు: కొన్ని సాధారణ, సహజమైన ఇంట్లో తయారుచేసిన పాప్సికల్‌లను తయారు చేయండి. రుచికరమైన ఫుడ్ ఇంట్లో తయారు చేసిందే ఇస్తే కడుపు పాడయ్యే చాన్స్ కూడా తక్కువగా ఉంటుంది.

4. కూలింగ్ మ్యాట్‌లను ఉపయోగించండి: వేసవి వేడి సమయంలో పెట్స్‌ను చల్లగా ఉంచడంలో కూలింగ్ మ్యాట్‌లు సహాయపడతాయి. ఈ ఉత్పత్తులు పెంపుడు జంతువు శరీరం నుండి వేడిని గ్రహించి, రిఫ్రెష్ అనుభూతిని అందిస్తాయి. అలాగే సోక్ బాత్‌లు కూడా చల్లగా ఉంచడంలో సహకరిస్తాయి.

ఇది కూడా చదవండి: పిల్లల్లో దూకుడు తగ్గించాలంటే.. ఇలా చేసి చూడండి..!

5. హీట్‌స్ట్రోక్ సంకేతాలు: హీట్‌స్ట్రోక్ అనేది ఒక తీవ్రమైన పరిస్థితి, ఇది వెంటనే చికిత్స చేయకపోతే ప్రాణాంతకం కావచ్చు. హీట్‌స్ట్రోక్ లక్షణాలు ఉబ్బరం, మెరుస్తున్న కళ్ళు, శ్వాస తీసుకోవడంలో ఇబ్బంది, డ్రూలింగ్, బద్ధకం, వాంతులు, జ్వరం, మైకము ఇలా ఉంటాయి. ఈ సంకేతాలలో దేనినైనా గమనించినట్లయితే, చల్లని ప్రదేశానికి తరలించి, నీటిని అందించండి. వెంటనే పశువైద్యుని దగ్గరకు తీసుకువెళ్లడం మంచిది.

6. పెట్స్‌ని వేడి వాహనంలో ఉంచవద్దు: కిటికీలు తెరిచి ఉన్నప్పటికీ, కారు కొన్ని నిమిషాల్లోనే వేడిగా మారుతుంది. పార్క్ చేసిన కారులో పెట్స్‌ని వదిలివేయడం వల్ల హీట్‌స్ట్రోక్ లేదా మరణానికి కూడా దారితీయవచ్చు. మీ పెంపుడు జంతువును మీతో తీసుకెళ్లండి లేదా ఇంట్లో వదిలివేయండి.

7. పాదాలు: ఇసుక బీచ్‌లు, కాలిబాటలు ఇతర అధిక ఉష్ణోగ్రతల వద్ద పాదాలు వేడెక్కుతాయి. అందువల్ల, వేసవి వేడి నుండి పెట్స్ సున్నితమైన పావ్ ప్యాడ్‌లను రక్షించడం చాలా ముఖ్యం. పావ్ బామ్ పెట్స్ పాదాలకు పోషణ, రక్షించడంలో సహాయపడుతుంది. షియా బటర్, బీస్వాక్స్, కొబ్బరి నూనె వంటి వెట్ సిఫార్సు చేసిన ఉత్పత్తులను ఉపయోగించడం మంచిది.

8. గ్రూమ్ చేయండి: రెగ్యులర్‌గా గ్రూమింగ్ చేయడం వల్ల వేసవి నెలల్లో పెట్ చల్లగా ఉంటుంది. వాటి బొచ్చును క్రమం తప్పకుండా బ్రష్ చేయడం వల్ల అదనపు వెంట్రుకలు తొలగిపోతాయి. చర్మానికి గాలి తగులుతుంది. శరీరాన్ని చల్లగా ఉంచడానికి జుట్టు అవసరం, ఇది ఇతర పర్యావరణ కాలుష్య కారకాల నుండి కూడా రక్షిస్తుంది.

Updated Date - 2023-03-30T19:33:44+05:30 IST