పాదాలు, చీలమండల వాపు కనిపిస్తూ ఉంటాయి. కాస్త ఎక్కువ సేపు కూర్చున్నా, నిలబడినా కూడా పాదాల వాపు ఉంటుంది. ఇది అనారోగ్యానికి కారణమనే విషయం ఎందరికి తెలుసు. ఇలా పాదాలు నీరు పట్టినట్టుగా వాపు తేలితే దానికి కారణం మూత్రపిండాల సంబంధిత వ్యాధి కావచ్చు.వేళ్ళతో నొక్కినప్పుడు ఆ భాగంలో ఒక పిట్ లేదా డింపుల్ ఏర్పడినట్లయితే, జాగ్రత్తగా ఉండాలి. ఈ లక్షణాన్ని తేలికగా తీసుకోకూడదు, ఎందుకంటే ఇది మూత్రపిండాలలో తలెత్తే సమస్యలకు సంకేతం కూడా కావచ్చు. దాదాపు 30 శాతం కిడ్నీ వ్యాధిగ్రస్తులు చాలా ఆలస్యమయ్యాకా కానీ డాక్టర్ దగ్గరకు వెళ్ళరని ఒక నివేదిక పేర్కొంది. ఇక పరిస్థితి చేయి దాటిపోయాకా మిగిలింది మొదటి డయాలసిస్, రెండవ మార్గం మూత్రపిండ మార్పిడి. కిడ్నీకి సంబంధించిన సమస్యలను గుర్తించడానికి, శరీరంపై వెలువడే కొన్ని లక్షణాలపై దృష్టి పెట్టడం అవసరం. కిడ్నీ ఆరోగ్యంగా ఉందో లేదో రెండు సులభమైన పరీక్షలు చేయడం ద్వారా తెలుసుకోవచ్చు. అవేమిటంటే..

సాధారణంగా అధిక రక్తపోటు, మధుమేహ రోగులకు కిడ్నీ సంబంధిత సమస్యలు ఉంటాయి. ఎందుకంటే అధిక రక్తపోటు రక్తనాళాలను సంకోచించగలదు, ఇది మూత్రపిండాలను దెబ్బతీస్తుంది. డయాబెటిక్ పేషెంట్లలో, రక్తంలో అదనపు చక్కెరను ఫిల్టర్ చేయడానికి కిడ్నీ ఎక్కువగా పని చేయాల్సి ఉంటుంది. మూత్రపిండాల వైఫల్యం మొదటి లక్షణం నీరు నిలుపుదల, ఇది శరీరంలో వాపుకు కారణమవుతుంది. పాదాలు, చీలమండలలో వాపు అనిపిస్తే, నిర్లష్యం చేయకపోవడం మంచిది.

కిడ్నీ వ్యాధి గురించి తెలుసుకోవడం ఎలా?

వాస్కులర్ టెస్టింగ్ ద్వారా, శరీరంలోని ఏ రక్త ప్రసరణ వ్యవస్థ ప్రభావితమవుతుందో తెలుసుకోవచ్చు. రక్త పరీక్షల ద్వారా, కిడ్నీ వ్యాధికి వాపు కారణం కాదా అని నిర్ధారిస్తారు. పాదాలలో వాపు మూత్రపిండ వ్యాధి అత్యంత సాధారణ లక్షణాలలో ఒకటిగా చెబుతారు. గురుత్వాకర్షణ అదనపు ద్రవాన్ని పాదాల వైపుకు లాగుతుంది, అప్పుడు పాదాలు వాపుకు కారణమవుతుంది. ఈ పరిస్థితిని నివారించడానికి, మూత్రపిండాల వ్యాధిని గుర్తించడానికి మీరు రెండు పరీక్షలు చేయవచ్చు.

ఇది కూడా చదవండి: పేపర్ కప్పుల్లో కాఫీ, టీలు తాగుతున్నారా..? తాజాగా చేసిన ఓ రీసెర్చ్‌లో ఏం తేలిందంటే..!

ఈ రెండు పరీక్షలతో కిడ్నీ పరిస్థితిని తెలుసుకోవచ్చు..

1. రక్త పరీక్ష: రక్త పరీక్ష మూత్రపిండాల పనితీరు తగ్గడం, క్రియేటినిన్ గాఢతను పరిశీలిస్తుంది.

2. మూత్ర పరీక్ష: మూత్ర పరీక్ష మూత్రంలో అల్బుమిన్ తనిఖీ చేస్తుంది. దాని ఉనికి మూత్రపిండాల వైఫల్యాన్ని తెలుపుతుంది.

పాదాలు , చీలమండలలో ఎలాంటి వాపు వచ్చినా నిర్లష్యం చేయకూడదు. ఎందుకంటే కనిపించే చిన్న సమస్యలే కొన్నిసార్లు పెద్ద రూపం తీసుకుంటాయి. కిడ్నీకి సంబంధించిన సమస్యలను తెలుసుకోవడానికి మూత్ర పరీక్ష, మూత్రపిండాల పనితీరు పరీక్ష, అల్ట్రాసౌండ్ వంటి కొన్ని పరీక్షలను చేయించుకోవచ్చు.