Rajinikanth: రజనీకాంత్‌తో మంత్రి ఏవీ వేలు భేటీ

ప్యారీస్‌(చెన్నై): షూటింగ్‌ కోసం తిరువణ్ణామలైలో ఉన్న సూపర్‌స్టార్‌ రజనీకాంత్‌(Rajinikanth)తో సోమవారం రాష్ట్ర మంత్రి ఏవీ వేలు మర్యాదపూర్వకంగా భేటీ అయ్యారు. ఈ సందర్భంగా ఆయన రజనీతో కొద్దిసేపు చర్చించారు. లైకా సంస్థ ఆధ్వర్యంలో ‘లాల్‌ సలాం’ అనే చిత్రంలో రజనీకాంత్‌ నటిస్తున్న విషయం తెలిసిందే. రజనీ కుమార్తె ఐశ్వర్య ఈ చిత్రానికి దర్శకత్వం వహిస్తున్నారు. చిత్రానికి సంబంధించిన కొన్ని దృశ్యాలు కొన్ని నెలల క్రితం తిరువణ్ణామలై తహసీల్దారు కార్యాలయంలో జరిగాయి. రెండో విడత షూటింగ్‌ గత నెల 26వ తేదీ నుంచి తిరువణ్ణామలై సమీపంలో ఉన్న ఓ ప్రైవేటు సంస్థకు చెందిన ఫాంహౌస్‌లో జరుగుతోంది. ఇందులో పాల్గొంటున్న రజనీతో తిరువణ్ణామలై జిల్లాకు చెందిన పలువురు నేతలు భేటీ అవుతున్నారు.