తిరుమల ఘాట్ రోడ్డులో రోడ్డు ప్రమాదాల నివారణ చర్యలు

తిరుమల : తిరుమల ఘాట్ రోడ్డులో జరుగుతున్న రోడ్డు ప్రమాదాల నివారణ చర్యలను తిరుమల ట్రాఫిక్ పోలీసులు ప్రారంభించారు. ఈ సందర్భంగా ఏఎస్పీ ముని రామయ్య మాట్లాడుతూ.. ఘాట్ రోడ్డు డ్రైవింగ్‌పై వాహనదారులకు అవగాహన లేకపోవడంతోనే రోడ్డు ప్రమాదాలు జరుగుతున్నాయన్నారు. సెల్‌ఫోన్‌లో మాట్లాడుతూ డ్రైవింగ్ చేయడం.. వాహనాల అతి వేగం వల్లే ఈ రోడ్డు ప్రమాదాలు జరుగుతున్నాయన్నారు. సెల్ఫీలు తీసుకోవడం కోసం రోడ్డు పక్కన వాహనాలు ఆపడం వల్ల కూడా రోడ్డు ప్రమాదాలు జరుగుతున్నాయన్నారు.

ఘాట్ రోడ్డులో అవగాహన కలిగిన డ్రైవర్లు మాత్రమే వాహనాలు నడపాలని ఏఎస్పీ ముని రామయ్య సూచించారు. డ్రైవర్లకు అవగాహన కల్పించే విధంగా తిరుమల ట్రాఫిక్ పోలీసులు పలు ప్రాంతాలలో సూచనలు.. సలహాలు ఇచ్చే విధంగా చర్యలు చేపట్టామన్నారు. ఘాట్ రోడ్డు లో స్పీడ్ లిమిట్ ను తిరిగి ప్రారంభిస్తామన్నారు. ఘాట్ రోడ్డులో పోలీసుల నిబంధనలను అతిక్రమిస్తే.. ఆ వాహనాలను పూర్తిగా తిరుమలకు నిషేధించే విధంగా చర్యలు తీసుకుంటామని ఏఎస్పీ ముని రామయ్య పేర్కొన్నారు.