Kapu Leaders: బెజవాడలో కాపునేతల భేటీ... క్యాజువల్‌గానే అంటున్న నేతలు

ABN , First Publish Date - 2022-12-15T11:30:58+05:30 IST

బెజవాడలో కాపునేతల భేటీ ఆసక్తి రేపుతోంది.

Kapu Leaders: బెజవాడలో కాపునేతల భేటీ... క్యాజువల్‌గానే అంటున్న నేతలు

అమరావతి: బెజవాడలో కాపునేతల భేటీ ఆసక్తి రేపుతోంది. మాజీమంత్రి గంటా శ్రీనివాస్ (Ganta Srinivas) నివాసంలో కన్నా లక్ష్మినారాయణ (Kanna Laxminarayana), బొండా ఉమ(Bonda Uma), యడం బాలాజీ (Yadam Balaji) సమావేశం అయ్యారు. వంగవీటి రంగా వర్ధంతి, ఇతర అంశాలపై వీరిమధ్య చర్చకు వచ్చినట్లు తెలుస్తోంది. రానున్న ఎన్నికల్లో తెలుగుదేశం, జనసేన కలిసి పోటీచేస్తే బాగుంటుందని నేతలు భావించారు. కన్నాతో నాదెండ్ల మనోహర్ (Janasena Leader Nadendla Manohar) భేటీపై కూడా సమావేశంలో చర్చకు వచ్చింది. రాష్ట్రంలో పరిస్ధితులు, ఇతర అంశాలపై చర్చించామని కన్నా చెప్పారు. ఇటీవల ప్రధాని మోదీ (PM Narendra Modi)తో పవన్ (Janasena Chief Pawan Kalyan) భేటీపై కూడా సమావేశంలో చర్చించారు. ఆరుసంవత్సరాలు తరువాత పవన్‌కు మోదీ పిలుపుపై కూడా సమావేశంలో నేతలు చర్చించారు. రాష్ట్రంలో కాపుల పరిస్ధితిపై సమావేశంలో చర్చించి సీనియర్ నేతలు ఆందోళన వ్యక్తం చేశారు. కాగా... వివాహానికి హజరై అక్కడ కలుసుకొని అందరం గంటా ఇంటికి వచ్చామని నేతలు చెపుతున్నారు. క్యాజువల్‌గా కలిశామని బొండా ఉమ, కన్నా లక్ష్మినారాయణ ఏబీఎన్‌-ఆంధ్రజ్యోతి (ABN - Andhrajyothy) తెలిపారు.

Updated Date - 2022-12-15T11:31:34+05:30 IST