ఆ కంప్యూటర్ వైరస్ కంటే కరోనాయే బెటరా?
ABN , First Publish Date - 2020-04-18T03:12:46+05:30 IST
కరోనా వైరస్ కంటే డేంజరస్ వైరస్ ఉందా? కానీ అది కంప్యూటర్కే పరిమితమా? మరి రాంజీ, బాబ్జీ ఏమంటున్నారో వినండి.
కరోనా వైరస్ కంటే డేంజరస్ వైరస్ ఉందా? కానీ అది కంప్యూటర్కే పరిమితమా? మరి రాంజీ, బాబ్జీ ఏమంటున్నారో వినండి.
రాంజీ : ఏరా బాబ్జీ ఇది విన్నావా?... ఇల్లు కాలి ఒకడు ఏడుస్తుంటే ఒకడు చుట్టకోసం నిప్పు వెతుక్కున్నాట్ట.
బాబ్జీ : ఇదేంట్రా? టెక్నాలజీ చెప్పమంటే సామెతలు చెబుతున్నావేంటి?
రాంజీ : అవున్రా ఇది టెక్నాలజీకి సంబంధించిన సామెతే. ఇల్లు కాలొకడు ఏడుస్తుంటే ఒకడు చుట్టకోసం నిప్పు వెతుక్కున్నాట్ట. కరోనా వైరస్ తో జనం ఇబ్బందులు పడుతుంటే కంప్యూటర్ వైరస్ లు కొందరు సృష్టిస్తున్నారు.
బాబ్జీ : ఎవరు వాళ్లు? ఏంటా వైరస్సులు?
రాంజీ : అసలే ప్రపంచం అంతా కరోనా వైరస్ తో కంగారు పడుతోందా? ఈ సిట్యుయేషన్లో కరోనా పేరు మీద వైరస్ లు సృష్టించే ఇడియట్స్ ఎక్కువైపోయారు.
బాబ్జీ : అది తెలుసులే. అందుకేగా ఇప్పుడు యూట్యూబ్లో కూడా కరోనా గిరోనాఅని ట్యాగ్స్ పెడితే ఊరుకోడం లేదు.
రాంజీ : ( బ్లింక్ )
బాబ్జీ : అవును మరి. అందరూ విజ్ఞానులే! చిల్లర డబ్బుల కోసం నెట్లో ఎవడికి తోచింది వాడు చెప్పేస్తున్నాడు. వీళ్లని కంట్రోల్ చేయకపోతే ఎలాగ?
రాంజీ : జనాన్ని కంట్రోల్ చేయడం మాట అటుంచరా ... అసలు ఓ మాల్వేర్ ని కంట్రోల్ చేయలేక ఇంటర్నెట్ మొత్తం గగ్గోలెత్తుతోంది.
బాబ్జీ : మాల్ వేరా? అదేంట్రా? ఇప్పుడు మాల్స్ అన్నీ క్లోజ్ కదా?
రాంజీ : మాల్ వేర్ అంటే … ఫుట్వేర్ … నెట్ వేరూ కాదురా.. మాల్ వేర్ అంటే వైరస్...
బాబ్జీ : వైరస్సా?
రాంజీ : అదేగా మరి చెప్పేది? ఎక్స్ హెల్పర్ అనీ.. ఓ వైరస్ యాప్... పేరుకి హెల్పర్.. కానీ ఫోన్కి డేంజర్... యాండ్రాయిడ్ ఫోన్స్లో మనకి చెప్పకుండానే ఇన్స్టాల్ అయిపోతుందిది.
బాబ్జీ : ఇదెప్పుడొచ్చిందిరోయ్!
రాంజీ : ఆ మధ్యెప్పుడో వచ్చిందిలే! కానీ ఇప్పటికీ ఇది జనాన్ని ఇబ్బంది పెడ్డం మానలేదు. ఆ కాస్పర్స్కీ ల్యాబ్ వాళ్లు కనుక్కోకపోతే అసలీ వైరస్ ఉందనే సంగతే తెలిసేది కాదు.
బాబ్జీ : అవునా?
రాంజీ : అవున్రా. కరోనా దెబ్బకి జనం ఇప్పుడు పాపం ఫోనుల్లోంచీ కంప్యూటర్లలోంచీ పనిచేస్తున్నారు. ఈ ఎక్స్ హెల్పర్ తో ఇబ్బందయిపోతోంది వాళ్లకి!
బాబ్జీ : సరే. ఇంతకీ ఈ వైరస్తో ఏంటట సమస్య?
రాంజీ : చెప్పాను కదా? ఇది మనతో చెప్పకుండానే మన ఫోన్లో ఇన్స్టాల్ అయిపోతుంది. ఫోన్ మొత్తం స్లో చేసి పడేస్తుంది. అంతే కాదు.. ఫోన్లో ఉన్న డేటా మొత్తం యాక్సెస్ చేసేస్తుంది.
బాబ్జీ : అయ్యబాబోయ్.
రాంజీ : మరేంటనుకున్నావ్? దీన్ని ఏం చేయాలో తెలియక... టెక్నికల్ హెడ్స్ అంతా హెడ్స్ పట్టుకుంటున్నారు.
బాబ్జీ : ఏం చేయాలో తెలియకపోవడానికేముంది? వైరస్ ని ఫోన్లోంచి డిలీట్ చేసి పారేయడమే!
రాంజీ : బావుంది. అంత సులువుగా డిలీట్ అయిపోతే ఇంకేం ఉంది? ఆ పని ఎప్పుడో చేసేవారు.
బాబ్జీ : అంటే.. దాన్ని అన్ఇన్స్టాల్ చేయలేమా?
రాంజీ : చేయచ్చురా. కానీ చేస్తే...
బాబ్జీ : చేస్తే?
రాంజీ : చేస్తే మళ్లీ అదే ఇన్స్టాల్ అయిపోతుంది ఆటోమేటిగ్గా!
బాబ్జీ : అయ్యబాబోయ్ అదేంట్రా?
రాంజీ : అదే కదా మరి చెప్పేది? ఎక్స్హెల్పర్ వైరస్ని తీసేయడం అంత సులువు కాదు.
బాబ్జీ : పోనీ... ఆ వైరస్ ఫోన్లో అన్నిటికీ ఎఫెక్ట్ అవ్వకుండా దాన్ని క్వారంటైన్ చేస్తే?
రాంజీ : అబ్బే. అలా కూడా పని కాదు. ఫోన్ ఆల్మోస్ట్ ఫార్మాట్ చేసి, డేటా సేవ్ చేసుకుని... అప్పుడు వైరస్ తీసి... ఆపైన మొత్తం రిస్టోర్ చేసుకోవాలి. అంత కష్టం.
బాబ్జీ : అబ్బో. చూస్తుంటే... ఈ కంప్యూటర్ వైరస్ కంటే కరోనాయే బెటర్లా ఉందిరా. క్వారంటైన్ చేస్తే కంట్రోలయినా అవుతుంది.
రాంజీ : ( ఎక్స్ప్రెషన్ )