వాషింగ్ పేపర్ బ్యాగ్!
ABN , First Publish Date - 2021-03-01T05:25:47+05:30 IST
పేపర్ బ్యాగులో మరకలు ఉన్న రుమాళ్లు వేసి వాటిని మ్యాజిక్తో తెల్లటి రుమాళ్లుగా మారుస్తానని స్నేహితులతో అనండి. మీ మ్యాజిక్ చూసి వాళ్లు ఆశ్చర్యపోతారు. ఈ మ్యాజిక్ ఎలా చేయాలంటే...
- పేపర్ బ్యాగులో మరకలు ఉన్న రుమాళ్లు వేసి వాటిని మ్యాజిక్తో తెల్లటి రుమాళ్లుగా మారుస్తానని స్నేహితులతో అనండి. మీ మ్యాజిక్ చూసి వాళ్లు ఆశ్చర్యపోతారు. ఈ మ్యాజిక్ ఎలా చేయాలంటే...
కావలసినవి
పేపర్ బ్యాగులు రెండు (రెండూ సమానవైనవి కాకుండా ఒకటి కాస్త చిన్నదిగా ఉండేలా చూసుకోవాలి), రుమాళ్లు తెల్లవి - మూడు, రుమాళ్లు మరకలు ఉన్నవి - మూడు.
ఇలా చేయాలి!
- పేపర్ బ్యాగులు రెండు తీసుకోవాలి. ముందుగా పెద్ద పేపరు బ్యాగులో తెల్లటి రుమాళ్లు వేయాలి. తరువాత అదే పేపర్బ్యాగులో చిన్న పేపర్బ్యాగును పెట్టి రెండు బ్యాగులు ఉన్నట్టు కనిపించకుండా పైన కాస్త మడవాలి. (ఇది ముందుగా చేసి పెట్టుకోవాలి)
- ఇప్పుడు స్నేహితుల ముందు పేపర్ బ్యాగులో మరకలు ఉన్న రుమాళ్లు పెట్టండి. బ్యాగులో పెట్టే ముందు స్నేహితులకు చూపించండి.
- తరువాత పేపర్బ్యాగును చేత్తో మూసి పట్టుకుని నోటితో గాలి ఊదండి. అబ్రకదబ్ర అంటూ కాసేపు మ్యాజిక్ చేస్తున్నట్టుగా చేసి అరచేత్తో కొట్టి పేపర్బ్యాగును పగలగొట్టండి.
- అలా కొట్టినప్పుడు లోపల ఉన్న బ్యాగు కాకుండా పైన ఉన్న బ్యాగు మాత్రమే పగులుతుంది. దాంట్లో మీరు పెట్టిన తెల్లటి రుమాళ్లు బయటకు తీసి చూపించండి. అంతే... మీ మ్యాజిక్కు అందరూ ఫిదా అయిపోతారు.