Abn logo
Jun 11 2021 @ 10:06AM

అల్పపీడన ప్రభావంతో ఉత్తరకోస్తాలో భారీ వర్షాలు: వాతావరణ శాఖ

విశాఖపట్నం: వాయువ్య బంగాళాఖాతం, ఒరిస్సా, గ్యాంగ్టక్  వెస్ట్ బెంగాల్‌ను ఆనుకొని అల్పపీడనం ఏర్పడింది. ఇది మరింతగా బలపడి తీవ్ర అల్పపీడనంగా మారే అవకాశం ఉందని.. దీని ప్రభావంతో, ఆంధ్రప్రదేశ్‌లోని పలుచోట్ల , తెలంగాణలో అక్కడక్కడా వర్షాలు కురుస్తాయని వాతావరణ శాఖ తెలిపింది.  ఉత్తర కోస్తా జిల్లాల్లో ఓ మోస్తరు నుంచి భారీ వర్షాలు పడే అవకాశం ఉందని పేర్కొంది. అటు ఒరిస్సా, వెస్ట్ బెంగాల్‌లో కూడా భారీ వర్షాలు కురువనున్నాయి. తీరం వెంబడి బలమైన గాలులు వీస్తాయని, మత్స్యకారులు వేటకు వెళ్లకూడదని వాతావరణ శాఖ హెచ్చరికలు జారీ చేసింది.