ఎరువుల దుకాణాలను తనిఖీచేస్తున్న వ్యవసాయశాఖ అధికారిణి సుజాత
డక్కిలి, జనవరి 28 : యూరియాను అధిక ధరకు విక్రయిస్తే లైసెన్సు రద్దుచేస్తామని ఎరువుల దుకాణదారులను ఏవో సుజాత హెచ్చరించారు. శుక్రవారం డక్కిలిలోని ఎరువుల దుకాణాలను ఆమె ఆకస్మికంగా తనిఖీ చేశారు. ఈ సందర్భంగా మాట్లాడుతూ 12,797 ఎకరాల్లో రైతులు వరి సాగు చేస్తున ్నట్లు తెలిపారు. ఇప్పటి వరకు ప్రైవేటు డీలర్ల ద్వారా 372.2 టన్నులు, పీఏసీఎస్‌ల ద్వారా 1115.08 టన్నులు, ఆర్‌బీకేల ద్వారా 485.72 టన్నులు పంపిణీ చేశామన్నారు. ఇంకా, యూరియా అవసరం వుందని విజ్ఞప్తులు వస్తున్నాయని, త్వరలో రైతులందరికీ పూర్తి స్థాయిలో యూరియా పంపిణీ చేస్తామన్నారు