హాజరు నమోదుకు తిప్పలు
ABN , First Publish Date - 2022-08-11T05:27:39+05:30 IST
పాఠశాల విద్యార్థుల హాజరుకు బుధవారం కొత్తవెర్షన్‌ అప్‌డేటెడ్‌ యాప్‌ను ప్రభుత్వం ప్రవేశపెట్టింది. అయితే ఈ యాప్‌లో విద్యార్థుల హాజరు నమోదు ఉపాధ్యాయులు తిప్పలు పడుతున్నారు.
కొత్తవెర్షన్‌ యాప్‌తో టీచర్లకు ఇబ్బందులు
తొలిరోజు వెసులుబాటు కల్పించిన అధికారులు
సాలూరు రూరల్‌,ఆగస్టు 10: పాఠశాల విద్యార్థుల హాజరుకు బుధవారం కొత్తవెర్షన్‌ అప్‌డేటెడ్‌ యాప్‌ను ప్రభుత్వం ప్రవేశపెట్టింది. అయితే ఈ యాప్‌లో విద్యార్థుల హాజరు నమోదు ఉపాధ్యాయులు తిప్పలు పడుతున్నారు. ఈ యాప్‌లో తొలుత ఉపాధ్యాయులు తమ ట్రెజరీ ఐడీ, ఈ మెయిల్‌తో రిజిస్ట్రేషన్‌ చేసుకోవాల్సి ఉంటుంది. కాగా రిజిస్ట్రేషన్‌కే సర్వర్‌ చుక్కలు చూపెడుతోంది. దీంతో అధికారులు తొలిరోజు వెసులుబాటు కల్పించారు. పాత యాప్‌లోనే హాజరు వేసుకోవాలని ప్రకటించడంతో ఉపాధ్యాయులు ఊపిరి పీల్చుకున్నారు. కొత్త అప్‌డేటెడ్‌ యాప్‌లో సమస్యలను విద్యాశాఖ ఐటీ విభాగం పరిశీలిస్తోంది. రెండు, మూడు రోజుల్లో కొత్త వెర్షన్‌లోనే విద్యార్థుల హాజరును నమోదు చేయాల్సి ఉంటుంది.
