తిరువూరు రెండో వైస్‌ చైర్‌పర్సన్‌గా గుమ్మ వెంకటేశ్వరి
ABN , First Publish Date - 2021-07-31T05:59:05+05:30 IST
తిరువూరు రెండో వైస్‌ చైర్‌పర్సన్‌గా గుమ్మ వెంకటేశ్వరి
తిరువూరు, జూలై 30: మున్సిపల్‌ రెండో వైస్‌ చైర్‌పర్సన్‌గా గుమ్మ వెంకటేశ్వరిని శుక్రవారం కౌన్సిల్‌ ప్రత్యేక సమావేశంలో ఏకగ్రీవంగా ఎన్నుకున్నారు. పట్టణ ప్రత్యేకాధికారి శ్రీనివాసరావు నిర్వహించిన ఎన్నికలో రెండో వైస్‌ చైర్‌పర్సన్‌గా వెంకటేశ్వరి పేరును 18వ వార్డు కౌన్సిలర్‌ దారా పద్మనీలిమ ప్రతిపాదించారు. 14వ వార్డు కౌన్సిలర్‌ పసుపులేటి శేఖర్‌బాబు బలపర్చారు. సభ్యులు ఏకగ్రీవంగా అమోదించారు. దీంతో ఆమెను రెండో వైస్‌ చైర్‌పర్సన్‌గా ఎన్నికల అధికారి ప్రకటించి, ప్రమాణస్వీకారం చేయించారు. చైర్‌పర్సన్‌, వైస్‌ చైర్‌పర్సన్లు బాధ్యతతో మెలగాలని ఎమ్మెల్యే రక్షణనిధి సూచించారు. పట్టణంలోని సమస్యల పరిష్కారానికి పని చేయాలన్నారు. చైర్‌పర్సన్‌ గత్తం కస్తూరిబాయి, వైస్‌చైర్‌పర్సన్‌ వెలుగొటి విజయలక్ష్మి, కమిషనర్‌ కేవీఎన్‌ఎస్‌ శర్మ, పలువురు కౌన్సిలర్లు, మున్సిపల్‌ సిబ్బంది పాల్గొన్నారు.
