అర్ధరాత్రి సూర్యుడు ఉదయించే దేశం!
ABN , First Publish Date - 2020-10-01T06:50:19+05:30 IST
ఆ దేశంలో అర్ధరాత్రి సూర్యుడు ఉదయిస్తాడు. ఏటా నోబెల్ శాంతి బహుమతి ప్రదానం ఆ దేశంలోనే జరుగుతుంది...
ఆ దేశంలో అర్ధరాత్రి సూర్యుడు ఉదయిస్తాడు. ఏటా నోబెల్ శాంతి బహుమతి ప్రదానం ఆ దేశంలోనే జరుగుతుంది. ఎన్నో ప్రత్యేకతలు కలిగి ఉన్న నార్వే దేశ విశేషాలు ఇవి...
- యూరప్ ఖండంలో ఉన్న ఈ దేశాన్ని అధికారికంగా ‘కింగ్డమ్ ఆఫ్ నార్వే’ అని పిలుస్తారు.
- ఈ దేశ రాజధాని ఓస్లో. దేశంలో అతి పెద్ద నగరం కూడా ఇదే. ప్రపంచంలో ఖరీదైన నగరాల్లో ఇది నాలుగో స్థానంలో ఉంది.
- ఈ దేశానికి ‘అర్ధరాత్రి సూర్యుడు ఉదయించే దేశం’గా పేరుంది. మే చివరి నుంచి జూలై చివరి వరకు రోజులో దాదాపు 20 గంటలు సూర్యకాంతి ఉంటుంది.
- ప్రపంచలో అతి పొడవైన రోడ్ టన్నెల్ నార్వేలోనే ఉంది. ఈ టన్నెల్ పొడవు 24.5 కి.మీ. ఈ టన్నెల్ నిర్మాణం కోసం 800 కోట్లు ఖర్చు చేశారు.
- వింటర్ ఒలింపిక్ గేమ్స్లో నార్వే క్రీడాకారులు అత్యధిక పతకాలు గెలుచుకొని సత్తా చాటుతుంటారు.
- ఏటా లండన్కు క్రిస్మస్ ట్రీ నార్వే నుంచే వెళుతుంది. రెండో ప్రపంచ యుద్ధంలో సహాయం చేసినందుకు కృతజ్ఞతగా బ్రిటన్కు క్రిస్మస్ ట్రీని అందిస్తూ ఉంటుంది.